Haur eta gazteak aktibo mantentzeko kirol planak

Jarduera fisikoa egiteak dakartzan onura fisiko, mental eta sozial ukaezinak gozatzeko, eta kontuan hartuta Gasteizek jarduera fisikoa eta kirola egiteko aukera ugari eskaintzen dituela, gure hiriko familiek edo gure nerabe/gazteek egin ditzaketen hainbat plan proposatzen ditugu.

5 urtetik beherako haurrak dituzten familientzako kirol-plan aktiboak

Ama-semeak kirola egiten

5 urtetik beherako seme-alabak dituzten familientzako jarduerak proposatzen dira, hainbat motatakoak, kontuan hartuta txikien mugak eta 0 eta 4 urte bitarteko haurren gaitasunen alde handiak. Hala, batzuetan, jarduera guztiak ezin izango dituzte familia guztiek egin, edo horietako batzuetan, zati aktiboa gurasoek edo seme-alabena izango da nagusiki.

Kontsultatu 5 urtetik beherako haurrak dituzten familientzako planak

5 urtetik gorako haurrak dituzten familientzako kirol-plan aktiboak

bost urtetik gorako bi haur bizikletekin

Txikiak hazten direnean, familian egin daitezkeen planak desberdinak dira. Zuen seme-alabekin batera egin ditzakezuen plan adibide batzuk proposatzen ditugu, haurrak edo nerabeak izan. Batera egindako jarduera horiekin fisikoki aktibo mantentzeaz gain, familia-izaerako jardueren berezko onurez ere gozatzeko aukera izango duzue.

Kontsultatu 5 urtetik gorako haurrak dituzten familientzako planak

Gazteentzako plan aktiboak/kirol-planak

skateboard egiten ari den gazte baten irudia

Gazteei hainbat ideia edo plan proposatzen dizkiegu, mugitzeko eta trebatzeko aukera izan dezaten. Plan horiek aisialdiaz gozatzeko eta gauza desberdinak egiteko modu ona dira, banaka, familiako norbaitekin edo, jarduera batzuetan, lagunekin ere.

Kontsultatu gazteentzako planak

Zabaldu planak zure sareetan! (pdf artxiboa)

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.