Neu be banabil: Zabalganako auzo-bizimodua bultzatzea
Egungo egoera
Proposamena urteko urtaroetan banatutako sei km0 merkatu egitean definitu da, eta bi ardatz ditu: kultur programazioa auzoan eta iraunkortasuneko merkatua.
Proposamena aurkezteko, lehen merkatu bat antolatu zen 2022ko irailaren 16an.
Egindako merkatuak
Udazkeneko merkatua 2022ko abenduaren 16an izan zen eta negutegiarena 2023ko otsailaren 24an.
Udaberriko merkatua maiatzaren 12an egin zen, Ortubi baratzen inguruan. Udakoa, 2023ko irailaren 15ean Borinbizkarran eta udazkenekoa, 2023ko urriaren 20an Mariturrin.
Hurrengo merkatua
Hurrengoa neguko merkatua izango da, 2023ko abenduaren 1ean, Labraza pasealekuan.
Informazio gehiago
Albisteen berri izan nahi baduzu, utzi hemen zure datuak eta jakinaraziko dizugu. Era berean, zure proposamenak helaraz diezazkigukezu helbide honetara: neubebanabil@gmail.com
Proiektuaren jarraipena
Lizitazioaren egoera: proiektua gauzatzen ari da.
Dosierra:2022/CO_ASER/0063
Aurrekontua: 72.000 € (BEZ barne)
Gauzatzeko epea: 15 hila.
Deskripzioa
Kontratu honen xedea Idazkaritza Tekniko bat kontratatzea da, honako proposamen hau gauzatzeko: «NEU BE BANABIL: Zabalgana auzo-bizimodua bultzatzea».
- Talde eragilea dinamizatzea, urtaroko sei kultura-merkatuetako bakoitza diseinatuko duena.
Topaketa bakoitzaren programa kudeatzea, planifikatzea, garatzea eta ebaluatzea.
Proposamenen jatorria
Vitoria-Gasteiz Hobetuz ekimenean Zabalgana BHIko Mendibea IGE-k aurkeztutako proposamen hau hautatua suertatu zen 491,4 punturekin.
Helburua auzo-bizimodua bultzatzea da: ekonomia, harreman sozialak eta kultura. Lan ildoak izango dira hauek: adinen arteko bizikidetza bultzatzea, genero berdintasuna lantzea, euskararen erabilera sustatzea, kultura aniztasuna eta aniztasun funtzionala kontuan izatea, eta inklusiotik lan egitea.
Proiektu kolektiboa izango da, auzoko kolektiboek parte hartzea sustatuko da, baita osasun zentroak, ikastetxeek, guraso elkarteek eta gainerako elkarte edo erakundeek, eta Gasteizko beste erakunde batzuek ere. Bereziki garrantzitsua izango da gazteen parte hartzea. Aipatu behar dugu Zabalgana institutuan prozesu parte hartzaile bat eraman dela aurrera ikasleek hausnartzeko eta erabakitzeko auzoa hobetzeko zer egingo luketen. Gazteek egindako hausnarketatik jaio da merkatua antolatzeko ideia.
Bi lan eremu nagusi bereiziko dira:
- Produktuekin lotutako eremua; salerosketa eta erakusketa;
- Eremu kulturala; kultura zentzu zabalenean landuko da eremu horretan, bai kulturaren sormena eta hedapena bultzatzeko, baita jende desberdinen arteko harremanak sortzen laguntzeko.
Zure iritziak axola digu
Nahi baduzu, iruzkinak egin ditzakezu. Nahitaezkoa da identifikatzea.