Uso-Populazioa Kudeatzeko Plana

Uso-Populazioa Kudeatzeko Plana epe luzerako esperientzia bat da, eta haren helburu nagusia da uso kopurua hirirako egokitzat jotzen diren mugen barruan mantentzea. Era berean, animalia horien osasun-egoeran eragin onuragarria izatea lortu nahi da, ahal den neurrian ahalik eta sakrifizio gutxien eginez.

Usoen erroldatze-azterlana

Animalien Bizikidetza, Defentsa eta Babeserako Elkargunean aurkeztutako Usoen erroldatze-azterlana eta biztanleria kontrolatzeko jarduera-proposamenak. Vitoria-Gasteiz 2020 (Gazteleraz) txostenak jaso duenez, udalerrian 9 gunetan, usoen presentziak muga onargarria gainditzen du. Alde Zaharra, Lovainan, Aranbizkarra, Zaramaga, Pilar, Lakua-Arriaga eta Arkauten kokatuta daude bederatzi gune horiek. Era berean, 15 puntutan arrisku higieniko-sanitarioa dago, usoak ugaritzea errazten duten faktoreak baitaude (ura, aterpea, elikadura).

Ondoko bero-mapan ikus daitezke detektatutako uso-dentsitate handieneko eremuak:

Bero-mapa

Indibiduo / m2: 15 eta 50 bitarte | 50 eta 100 bitarte | 100dik gora

Uso kopurua kudeatzeko neurriak

Ondorioz, usoen populazioa kudeatzeko neurriak hartuko dira:

• Elikagaien eskuragarritasunari buruzko informazio- eta erantzunkidetasun-kanpaina bat egitea
• Pentsu esterilizatzailearekin proba pilotu bat egitea
• Harrapaketa selektiboko ekintza
• Ikuskapen, prebentzio eta aldizkako erroldako administrazio-jarduerak

Usoekin erlazionatutako izapidea

Gasteizko uso-populazioaren higiene eta osasun baldintzen kontrolerako, Usoek sortutako arazoekin erlazionatutako izapidea dago eskuragarri. Kontuan izan, oro har, Udalak bide publikoan kokatutako puntuetan jarduten duela beti.

Halaber, izapide horrekin lotutako ohiko galderak kontsulta daitezke.

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.