Usoen populazioa kontrolatzeko jarduera-plana

Haitz-usoa gure hiriko beste biztanle bat da, eta gure biodibertsitatearen parte da. Animalia horiek asko ugaritzen direnean eragozpenak sortzen dira, baita monumentu eta eraikinen hondatzeak eta osasun publikoko arriskuak ere.

Usoen populazioa kontrolatzeko jarduera-planaren helburua da usoen kopurua muga onargarri batzuen barruan mantentzea, hirian bizi diren pertsonen elkarbizitzarako, ongizaterako eta osasunerako. Jarduketek eta metodoek kontuan hartuko dute indarrean dagoen Araudia betetzen dela.

Usoen erroldatze-azterlana

Hiriko uso-populazioaren erroldatzeari esker, hirian dagoen uso-kopuruaren zenbatespena izan dezakegu, eta adierazle ona da denboran zehar izandako bilakaera eta aplikatutako neurrien eragina ezagutzeko.

Gasteizen honako usoen zentsu azterketak egin ditugu:

2023ko azterketa

• Usoen populazioaren erroldari buruzko azterketa eta Gasteizko hiria kudeatzeko neurrien proposamenak. 2023 urtea (Gazteleraz)

• Dentsitate altua (Gorriz): >140 indibiduo/0,25 km2 (Zonaldeak: Alde zaharra, Zabalgunea, Zaramaga, Santiago, Judimendi, Koroatzea, Txagorritxu/Gazalbide, San Martin eta Arriaga-Lakua/Abetxuko).
• Dentsitate ertaina (Horiz): >60 eta <140 indibiduo/0,25 km2 (Zonaldeak: Arriaga-Lakua, Pilar, Koroatzea, San Martin, Lovaina, Zabalgunea, Babesgabetuak, San Kristobal, Aranbizkarra, Arantzabela, Santa Lucia, Arana, Salburua eta Betoño).
• Dentsitate baxua (Berdea): <60 indibiduo/0,25 km2 (Zonaldeak: Adurtza, Aretxabaleta, Mendizorrotza, Zabalgana, Ehari, Sansomendi, Elorriaga eta Lakua-Arriaga)

2020ko azterketa

• Usoen erroldatze-azterlana eta biztanleria kontrolatzeko jarduera-proposamenak. Vitoria-Gasteiz 2020 (Gazteleraz)

Txosten horrek jaso duenez, udalerrian 9 gunetan, usoen presentziak muga onargarria gainditzen du. Alde Zaharra, Lovainan, Aranbizkarra, Zaramaga, Pilar, Lakua-Arriaga eta Arkauten kokatuta daude bederatzi gune horiek. Era berean, 15 puntutan arrisku higieniko-sanitarioa dago, usoak ugaritzea errazten duten faktoreak baitaude (ura, aterpea, elikadura).

Ondoko bero-mapan ikus daitezke detektatutako uso-dentsitate handieneko eremuak:

Indibiduo / m2: 15 eta 50 bitarte | 50 eta 100 bitarte | 100dik gora

Uso kopurua kudeatzeko neurriak

Hirian usoak gehiegi ez ugaritzeko eta haien presentziak eragindako arazoak minimizatzeko, neurri hauek hartu dira:

• Herritarrei zuzendutako informazio eta erantzukidetasun kanpainak egitea, usoei elikagaiak ez ematearen garrantziari buruz.
• Harrapaketa selektiboko ekintza
• Ikuskapen, prebentzio eta aldizkako erroldako administrazio-jarduerak
• Eraikin eta higiezinen jabeei zuzendutako ikuskapen-jarduera administratiboak, habiak egitea eta haztea eragozteko beharrezko neurriak aplika daitezen. Bide publikoan animaliei janaria emateko debekuari dagokion arau-hausteari administrazio-zigorrak aplikatzea (Animaliak babesteari eta edukitzeari buruzko Udal Ordenantzaren 8 O atala).

Usoekin erlazionatutako izapidea

Gasteizko uso-populazioaren higiene eta osasun baldintzen kontrolerako, Usoek sortutako arazoekin erlazionatutako tramitea dago eskuragarri. Kontuan izan, oro har, Udalak bide publikoan kokatutako puntuetan jarduten duela beti.

Halaber, izapide horrekin lotutako ohiko galderak kontsulta daitezke.

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.