Edukiontzi marroia: elikagaien hondarrak eta beste hondar organiko batzuk

Egunero hondakin organiko mordoa sortzen dugu gure etxeetan: janaria, landareak, sukaldeko papera... Hondakin horiek gure soro eta lorategietarako ongarri bilakatu dezakegu (konposta).

Sarbide indibidualizatua duen kontenedorea

Materia organikoa behar bezala birziklatzeko, sarbide indibidualizatua duten kontenedoreak instalatu dira: Herritarren Udal Txartelaren bidez edo aplikazio mugikor baten bidez irekitzen dira.

Modu horretan, edukiontzien erabilera hobetzea da asmoa, plastikorik, beirarik eta metalik ez botatzeko, poltsa konpostagarriak erabiltzeko eta, ondorioz, kalitate hobeko hondakinak lortzeko, aprobetxagarriagoak izan daitezen.

Nola erabiltzen da?

Herritarren Udal Txartela eduki behar duzu. Bi modutan ireki dezakezu kontenedorea:

  1. Txartela irakurgailura hurbilduz. Ikusi bideoa(Beste leiho batean irekiko da).
  2. Zure telefono mugikorrarekin. Ikusi bideoa(Beste leiho batean irekiko da)
    Horretarako, "Ireki" aplikazioa deskargatu behar duzu (Androiderako(Beste leiho batean irekiko da) edo iPhonerako(Beste leiho batean irekiko da)) eta zure Herritarren Udal Txartelaren alta eman.

Ez baduzu Herritarren Udal Txartela:

Zer bota edukiontzi marroian?

  • Janari- eta landare-hondarrak (Lorezaintza). Eranskailurik eta plastikorik GABE.
  • Sukaldeko paperak eta ahozapiak.
  • Kafe-hondarrak eta -iragazkiak, bai eta infusio-hondarrak eta poltsatxoak ere (graparik gabe).
  • Kortxo-tapoiak.
  • Animalia-gorozkirik EZ.
  • Ahal den guztietan, zabor-poltsa biodegradagarriak erabili.

Zergatik da garrantzitsua gai organikoak birziklatzea?

  • Kalitatezko ongarria, konposta, sortzea lortzen dugu, frakzio organikoaren zikloa itxiz.
  • Birziklatu gabe zabortegira doazen hondakinak murrizten ditugu.
  • Kutsadura-arriskuak ekiditen ditugu ingurunean.
  • Berotegi-efektuko gasen isurketak murrizten ditugu eta berotze globalaren aurkako borrokan laguntzen dugu.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.