Beti dago lehen aldi bat (organikoa birziklatzeko). Zurea gaur izan daiteke.

Ez utzi geroko!

Gasteizen gero eta jende gehiagok bereizten du organikoa egunero, eta zuk ere ziur aski behin baino gehiagotan pentsatu duzu hori egitea.

Badakizu egin beharko zenukeela, baina beti asmatzen duzu aitzakiaren bat: ez daukazula lekurik sukaldean, antolatu behar zarela... edo, azken batean, zertarako? dena leku berera badoa.

Oker zabiltza, ordea. Organikoak bere bideari jarraitzen dio eta gure hiriko parke eta lorategietarako ongarri bihurtzen da.

Gainera, dirudiena baino askoz ere errazagoa da bereizten hastea: nahikoa da ontzi txiki bat, poltsa konpostagarri bat... eta prest!

Pauso hori ematea bezain erraza. Hasi gaur bertan!

Hona hemen jakin behar duzun guztia lehenengo egunetik ondo egiteko:

Zer bota dezakezun edukiontzi marroian (eta zer ez)

Bota dezakezuna:

• Janari- eta landare-hondarrak (eranskailurik eta plastikorik gabe).
• Sukaldeko paperak eta ahozapiak.
• Kafe-hondarrak eta -iragazkiak, bai eta infusio-hondarrak eta poltsatxoak ere (graparik gabe).
• Kortxo-tapoiak.

Bota ezin duzuna:

• Animalia-gorozkirik EZ.

Erabili beti poltsa konpostagarriak.

Deskontua tasan

Udalak deskontuak aplikatzen ditu hondakin organikoak modu hauetan birziklatzeagatik: edukiontzi marroian, bilketa pneumatikorako edukiontzi laranjan eta auzoko eta etxeko konpostaje-programen bidez.

Kontsultatu nola

Organikoa birziklatzeko edukiontziaren irekierak

Kontsultatu

Nola ireki eta nola eskuratu poltsak

Nola erabili edukiontzi marroia?

Herritarren Udal Txartela eduki behar duzu. Bi modutan ireki dezakezu kontenedorea:

1. Txartela irakurgailura hurbilduz. Ikusi bideoa.
2. Zure telefono mugikorrarekin. Ikusi bideoa
   Horretarako, "Ireki" aplikazioa deskargatu behar duzu (Androiderako edo iPhonerako) eta zure Herritarren Udal Txartelaren alta eman.

Ez baduzu Herritarren Udal Txartela:

• Partikularra bazara: kontsultatu nola eskuratu.
• Enpresa bazara: eskatu San Martineko udal bulegoetan edo online bidez Erregistro elektronikoan.

Poltsa-konpostagarriak eskuratu

2024ko irailaren 20an hasita, Udalak poltsa konpostagarriak emango dizkie herritarrei (etxe partikularrak) eta ostalaritzako negozioei, frakzio organikoa (elikagaien hondarrak) bereizten eta biltzen laguntzeko, eta hondakin organikoetatik plastikoa desagerrarazteko, hartara birziklatze-lana hobetu dadin.

10 litroko poltsak eskainiko zaizkie etxe partikularrei, eta 50 litroko poltsak ostalaritzako negozioei.

• Etxe partikularren kasuan, 3 poltsa-bilkari banatuko dira etxe eta aldi bakoitzeko (hots, 90 poltsa guztira, bakoitza 10 litrokoa), eta gutxienez 120 eguneko epea igaro beharko da beste eskaera bat egin ahal izateko.
• Ostalaritzako negozioen kasuan, 5 poltsa-bilkari banatuko dira eskaera eta aldi bakoitzeko (hots, 100 poltsa guztira, bakoitza 50 litrokoa), eta gutxienez 100 eguneko epea igaro beharko da beste eskaera bat egin ahal izateko.

Poltsak jaso ahal izateko Herritarren Udal Txartela aurkeztu beharko da.

Tabla 1: Poltsa konpostagarrien banaketa lekuak

Tokia	Helbidea
Aldabeko gizarte-etxea	Arriagako atea, 1-A - 01012 Gasteiz
Aranako gizarte-etxea	Aragon kalea, 7 01003 Vitoria-Gasteiz.
Arriagako gizarte-etxea	F. Xabier Landaburu kalea, 9-A - 01010 Gasteiz
Ariznabarreko kiroldegia	Teodoro Gonzalez de Zarate kalea, 38 - 01007 Gasteiz
Pilarreko gizarte-etxea	Konstituzio plaza, 5 - 01010 Gasteiz
Hegoalde gizarte-etxea	Alberto Schommer kalea, 10 - 01006 Gasteiz
Ibaiondoko gizarte-etxea	Landaberde kalea, 31 - 01010 Gasteiz
Iparralde gizarte-etxea	Zuberoa plaza, 1 - 01002 Gasteiz
Landazuriko kiroldegia	Joaquin Jose Landazuri kalea, 11 - 01008 Vitoria-Gasteiz
Lakuako gizarte-etxea	Etxanobetarren zidorra, 2 - 01010 Gasteiz
Salburuko gizarte-etxea	Bratislava hiribidea, 2 - 01003 Gasteiz
San Andres kiroldegia	Argentina Kalea, 7 01009 Vitoria-Gasteiz
Zabalganeko gizarte-etxea	Juan Gris kalea, 2 - 01015 Vitoria-Gasteiz
Abetxukuko gizarte-etxea	Kooperatiba plaza, 8 - 01013 Gasteiz
Landatxoko gizarte-etxea	Santa Maria, 4 - 01001 Gasteiz

Poltsa konpostagarrien banaketa lekuen mapa

Zergatik da garrantzitsua gai organikoak birziklatzea?

Izan ere, konposta ekoiztea lortzen dugu, nekazaritzan eta lorezaintzan lurra lehengoratzeko balio duen produktua, eremu degradatuetan edo herri-lanetan ingurumena lehengoratzeko. Horrela:

• Kalitatezko ongarria, konposta, sortzea lortzen dugu, frakzio organikoaren zikloa itxiz.
• Birziklatu gabe zabortegira doazen hondakinak murrizten ditugu.
• Kutsadura-arriskuak ekiditen ditugu ingurunean.
• Berotegi-efektuko gasen isurketak murrizten ditugu eta berotze globalaren aurkako borrokan laguntzen dugu.

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.