Neguan ibilgailuak gidatzeko gomendioak

Tenperaturak behera egiten, eta errepideetan elurra edo/eta izotza nagusitzen direnean, arreta handiagoz eta bidearen baldintzetara egokituta gidatu behar da. Hona gomendio sorta bat, neguan gidatzean istripuak eta bestelako kalteak saihesteko.

Ibilgailua egoera tekniko onean edukitzea

bereziki urteko garai honetan ibilgailua ondo aztertu eta gainbegiratzea komeni da, istripu eta bestelako ezusteak gainditzeko funtsezkoa baita ibilgailua prest edukitzea.

  • Begiratu likido hoztailea eta izotz-kontrakoa baduen edo ez.
  • Begiratu haizetako-garbigailuak eta atzeko kristal termikoa behar bezala dabiltzala.
  • Begiratu pneumatikoen egoera. Ahal den neurrian, neguko gurpilak erabiltzea komeni da.

Nahitaezko ekipazioa, batez ere hiriarteko bideetan ibiltzeko:

  • Eraman erregaiaren depositua beteta.
  • Kateak.
  • Mantak.
  • Arraska, edo antzeko beste tresnaren bat.
  • Badaezpadako jan eta edaria.
  • Sakelako telefonoaren kargagailua.

Galtzadan izotz-plakak sortzeko arriskua

Kanpoko tenperatura 4º c-tik beherakoa bada, nabarmen areagotzen da galtzadan izotz-plakak sortzeko arriskua, batez ere goizeko lehen orduetan eta gauez.

Euriarekin gidatzeko gomendioak

Lehen euri tantak oso dira arriskutsuak, galtzadaren hauts eta zikinkeriarekin nahastean, bide-zorua benetan labainkor uzten duelako. Oso kontu handiz gidatu behar da horrelakoetan, abiadura moteldu eta segurtasun-tartea areagotuz.

Elurrarekin gidatzeko gomendioak:

  • Moteldu abiadura: ez da azelerazio edo dezelerazio bortitzik egin behar.
  • Ahal delarik, erabili bigarren martxa ibilgailua abian jartzeko.
  • Neurriz erabili balazta: ekidin egin behar dira balaztada bortitzak; beraz, funtsezkoa da balizko ezustekoei aurrea hartzeko gaitasuna.
  • Areagotu segurtasun-tartea.
  • Katerik erabiltzekotan, instalatu ibilgailuaren gurpil eragileetan, eta kendu bidea trafiko arrunterako aske geratu bezain laster. Leku seguru eta galtzadatik kanpo dagoen batean instalatu behar dira kateak, beste ibilgailu batzuek kontrola galtzeko zorian egon baitaitezke.
  • Elur geruza handia bada, geratu ibilgailua, ez jarraitu gidatzen, bestela ibilgailuaren azpiak hondatu egin daitezke.

Argien erabilera

Argi laburrak piztuta izatea gomendatzen da, errazago ikusteko eta beste gudariek ere errazago ikus gaitzaten.

Garraio publikoa

Galtzadan elurra edo izotza baldin bada, hiri barruko joan-etorrietarako erabili garraio publikoa ahal den guztietan.

Garaje pribatua izanez gero, gomendagarria da ibilgailua bertan gordetzea

Garaje pribatua izanez gero, gomendagarria da ibilgailua bertan gordetzea, eta ez kalean. Gerta daitezkeen kolpeetatik babesteaz gain, erraztu egiten da kaleen garbiketa.

Kontsultatu aurreikuspen meteorologikoa eta errepideen egoera

Elurteetan, errepidez joan-etorriren bat egin behar izanez gero, kontsultatu aurreikuspen meteorologikoa eta errepideen egoera.

Telefonoak: 092 / 945 16 11 63

Prebentzioa eta lasaitasuna

Jokatu zuhur eta lasaitasunez. Gidari asko ez dago horrelako baldintzetan gidatzen ohituta; beraz, prebentzioa eta lasaitasuna funtsezkoak dira istripuak saihesteko.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.