Vitoria-Gasteizko Eraztun Berdea - Olarizuko lorategi botanikoa

Arboretoa

Hasiera | Informazio praktikoa | Historia | Espazioak eta bildumak | Arboretoa | Landare erabilgarrien lorategia | Dehesa eta muinoa | Germoplasma bankua | Ibilbideak | Hezkuntza | Ikerketa | Galeria

Olarizuko lorategi botanikoko landare bizien bilduma nagusia eskaintzen du arboretoak, 30 hektareako azaleran. Europako baso-landarediaren lagin oso eta ordenatu horretan, 500etik gora espezie daude zuhaitzetan, zuhaixketan, sastraketan eta landare igokarietan.

Hiru maila daude: eremuak, formazioak eta bildumak. Lehen mailan, 5 eremu ditugu, kontinenteko 5 bioma handien erakusgarri. Tundra artikoa da falta den bakarra, tundran ez baitago baso-formaziorik.

• Mediterraneoko basoak eta sastrakadiak
• Baso submediterraneoak
• Baso epelak
• Baso borealak
• Goi-mendiko baso eta sastrakadiak

Bigarren mailan, eremu edo bioma bakoitzak dituen baso-formazioak daude ordezkatuta. 29 baso-formazio dira guztira, espezie nagusiaren edo nagusien bidez —artelatz-basoak, miter-basoak, hariztiak, izeidiak…— bereiziak eta izendatuak.

Hirugarren maila zehatzena da. 144 bildumatan, formazio bakoitzaren aldagai geografikoak islatzen dira; izan ere, formazio bakoitzaren espezie-osaera ezberdina da geografia-eremuaren, altitudearen edo habitataren arabera. Bilduma guztietan espezie-konbinazio bera dago, baso naturalen proportzio eta banaketa espazial berean. Bestalde, garaiera ezberdinetako landareak daude, adinen araberako banaketa naturala irudikatzeko.

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.