Funtzionamendu-arauak eta ikasteko gelak Luis Aramburun

Ikasteko gelak

Eskolako gelak eska daitezke, ezarritako ordutegiaren barruan badaude. Ikasgelen erabilgarritasuna haien okupazioaren mende dago, eskolaren beharren arabera. Ikasgelen erabilgarritasuna eskolaren beharren arabera betetzen da.

Ordutegia: 10:00etatik 12:30era eta 14:00etatik 21:00etara.

Iraupena: ordu erdirako utziko da gela (luzatzeko aukera). Denbora hori amaitzean beste ikasleren bat zain badago, gela libre utzi beharko da, baina inor ez badago, gela erabiltzen jarraitu ahal izango da.

  • Eskolan matrikulatuta dauden ikasleek ikasteko gela eskatu ahalko dute, baina eskolan ikasten duten musika tresna jotzen ikasteko bakarrik.
  • Atezaintzan eskatuko dira libre dauden geletako giltzak, eta eskuratzeko ezinbestez aurkeztu beharko da ikasle txartela. Ikasteko denbora amaitu eta giltzak itzuli ondoren berreskuratuko da txartela. Txartel horren ordez ezin izango da beste edozein egiaztagiririk aurkeztu. Txartelik aurkezten ez bada ezin izango zaio zerbitzurik eman.Bi ikaslek edo gehiagok batera jo nahi badute, guztiek aurkeztu behar dute beren txartela gelan sartu ahal izateko.
  • Ikasketa geletara sartzeko ezinbestekoa izango da hiruhilekoko kuotak ordainduta izatea.
  • Eskolan matrikulatu gabekoak ezin dira geletan sartu.

Ordutegia: astelehenetik ostiralera, 10:00etatik 12:30era.

Iraupena: gelak ordubeterako utziko dira.

  • Eskolan matrikulatu gabeko ikasleek ikasteko gela eskatu ahalko dute, baina musika tresna jotzen ikasteko besterik ez.
  • Ikasteko gelak erabiltzeko eskolako zerbitzuak erabiltzeagatiko prezio publikoak ordaindu behar dira. Banku transferentzia bidez ordainduko da: Kutxabank ES4320950611011090952861 Kontzeptuan izen-abizenak adierazi behar dira.
    • Hilabetekoa 16,48 €
    • Urtekoa 98,99 €
  • Zerbitzua ordaindu ez dutenak ezingo dira geletan sartu.
  • Atezaintzan eskatuko dira libre dauden geletako giltzak. Ezinbestekoa da zerbitzua erablitzeko berariazko txartela aurkeztea. Ikasteko denbora amaitu eta giltzak itzuli ondoren berreskuratuko da txartela.

Oharrak, ikasteko gelei buruz

  • 13 urtetik beherakoek nagusi batekin egon behar dute.
  • Derrigorrezkoa da, ikasgela erabili ondoren, giltza berehala itzultzea; beraz, ezin da inola ere beste klase batera joan edo eskolatik atera gelako giltza zentroko atezaintzan utzi gabe.
  • Ikasteko uzten diren gelak irakasleenak dira, beraz, bertan dauden material zein objektuekiko begirune handiz jokatu beharko da. Ezin da janaririk eta edaririk sartu, plastikozko ontzietan dagoen ura izan ezik.
  • Musika tresna jotzen denean ateak eta leihoak itxita egon behar dira.
  • Gela erabiltzen ari den bitartean atea giltzaz ixtea debekatuta dago.
  • Eskolak, nolanahi ere, bere kabuz alda dezake eskolen erabilera, eskolen berezko jarduera; klaseak, entzunaldiak, ikastaroak, etab, behar bezala garatzen dela bermatzeko, eta horrek ez dio inolako kalte-ordainik ekarriko erabiltzeari.
  • Arau hauek ez betetzen ez badira, zigorra jarriko da: instalazioen erabilera mugatzea edo berriz erabiltzea debekatzea.

vitoria-gasteiz.org/luisaramburu(Beste leiho batean irekiko da)

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.