Gazte Hitzak literatura-lehiaketa 2026

Gazte Hitzak 2026

Gaztea bazara eta idaztea gustuko baduzu… Gazte Hitzak zuretzat da!

Zer da Gazte Hitzak?

Gazte Hitzak 12 eta 30 urte bitarteko gazteei zuzendutako literatura-lehiaketa da, gazteen idazteko sormena sustatzea helburu duena.

Bi literatur genero landuko dira:

  • Nanoipuinak: 12 eta 18 urte bitarteko gazteentzat, bi kategoriatan banatuta: 12-15 urte eta 16-18 urte.
  • Ipuinak: 18 eta 30 urte bitarteko gazteentzat, bi kategoriatan banatuta: 18-24 urte eta 25-30 urte.

Gazte Hitzak 2026ko lehiaketa

Aurkezteko epea: 2026ko urtarrilaren 21etik martxoaren 1era arte, biak barne.

Gazte Hitzak 2026ko oinarriak archivo pdf

Gaia

Aurkeztutako nanoipuinek zein ipuinek “azala” hitza izan beharko dute.

Partehartzaileak

Gasteizen bizi, ikasten dauden edota lan egiten duten 12-30 urte bitarteko gazteak. Saritutako parte-hartzaileei baldintza hau egiaztatzeko dagozkion agiriak eskatu ahalko zaizkie.

Parte hartzaileak ezin izango dira bi edizioz jarraian sarituak izan.

Literatur-generoak

Adinaren arabera parte-hartzaileek nanoipuinak edo ipuinak aurkeztu beharko dituzte.

Bi modalitate egongo dira: euskarazkoa eta gaztelaniazkoa.

Idatziak banaka aurkeztu beharko dira, eta pertsona bakoitzak gehienez bi lan aurkeztu ahal izango ditu: modalitate (hizkuntza) bakoitzean bana.

Lan guztiak originalak eta argitaratu gabeak izan beharko dira, eta istorio bat kontatu edo iradoki beharko dute.

1. Nanoipuinak

12-18 urte bitarteko gazteek (2026an zehar beteak) nanoipuinak idatziko dituzte eta bi kategoriatan banatuko dira: 12-15 urte tartekoak eta 16-18 urte tartekoak.

Bi modalitate egongo dira: euskarazkoa eta gaztelaniazkoa. Egileek lan bakarra aurkeztu ahal izango dute modalitate bakoitzeko.

Nanoipuinek, gehienez, 300 karaktere izango dituzte, izenburua (aukerakoa) eta hitzen arteko hutsuneak barne. Karaktere kopurua gaindituz gero, automatikoki lehiaketatik kanpo geldituko dira.

2. Ipuinak

18-30 urte (2026an zehar beteak) bitarteko gazteek ipuinak idatzi beharko dituzte eta bi kategoriatan banatuko dira: 18-24 urte tartekoak eta 25-30 urte tartekoak.

Bi modalitate egongo dira: euskarazkoa eta gaztelaniazkoa. Egileek lan bakarra aurkeztu ahal izango dute modalitate bakoitzeko.

Ipuinek, gehienez 1500 eta gutxienez 1000 hitz izan beharko dituzte. Izenburua izan beharko dute derrigorrez. Word edo LibreOffice formatuan aurkeztu beharko dira.

aviso Lehiaketaren urtean 18 urte betetzen dituzten gazteek aukera izango dute nanoipuina edota ipuina idazteko.

Lanak bidaltzeko

Dagokion inprimakia bete:

Epaimahaia

Gasteizko Udaleko Kultura eta Gazteria Zerbitzuek izendatuko dute eta Euskadiko erreferentziazko idazleek osatu dute, hala nola Oihana Aranak eta Mikel Ayllonek.

Epaimahaiak lanen originaltasuna, kalitatea, gaiarekiko hurbilpena, eta testuak (ipuinen kasuan) sormen prozesu batean borobilduak izateko aukera baloratuko ditu.

Haren erabakiak apelaezinak izango dira eta sariren bat eman gabe utzi ahal izango du.

Epaimahaiaren ebazpena martxoaren 24an argitaratuko da Udalaren webgunean (www.vitoria-gasteiz.org/gaztehitzak), baita erakunde antolatzaileen eta laguntzaileen ohiko komunikazio kanaletan ere.

Sariak

Guztira 8 idatzi sarituko dira, adin tarte eta hizkuntza bakoitzeko bat.

Nanoipuinak

  • 12-15 urteko kategoria: 100 € eta 75 €-ko opari-txartela Gasteizko liburu-denda batean gastatzeko.
  • 16-18 urteko kategoria: 100 € eta 75 €-ko opari-txartela Gasteizko liburu-denda batean gastatzeko.

Gainera, idazketa lantegi batean parte hartzeko aukera izango dute, Itziar Uriarteren eskutik, trebatzen jarraitzeko.

Ipuinak

  • 18-24 urteko kategoria: 250 € eta 75 €-ko opari-txartela Gasteizko liburu-denda batean gastatzeko.
  • 25-30 urteko kategoria (Laboral Kutxa Saria): 250 € eta 75 €-ko opari-txartela Gasteizko liburu-denda batean gastatzeko.

Gainera, saritutako ipuinen egileek idatzitako lanak ondu edota eraldatzeko aukera izango dute ere. Horretarako, Euskadin erreferenteak diren Oihana Arana eta Mikel Ayllon idazleen laguntza eta sormen- aholkularitza izango dute. Prozesu hau 2026eko apiriletik maiatzaren erdialdera bitartean egingo da irabazleek eta idazleek adostutako data eta moduetan. Ipuin irabazleen egile bakoitzak 10 ordu izango ditu bere idazle-mentorearekin.

Saritutako testuak jasoko dituen liburuxka ere argitaratuko da. Honek kontakizunekin zerikusia duten ilustrazioak ere jasoko ditu, ID-Arteko Euskadiko Arte eta Goi-mailako Diseinu Eskola Publikoko gazteek eginak. Liburuxka Gasteizko Liburutegien Sarean ikusgai egongo da, besteak beste. Liburuxken PDF bertsioa Gasteizko Udalaren webgunetik ere zabalduko da (www.vitoria-gasteiz.org/gaztehitzak), baita erakunde antolatzaileen eta laguntzaileen ohiko komunikazio kanaletan ere.

Saritutako lanak ekitaldi publiko batean aurkeztuko dira 2026ko maiatzaren 30ean. Bertan, sariak banatuko dira eta irabazleek testuak ahoz kontatuko dituzte.

Saritutako eta epaimahaiak aukeratutako beste testuekin eta horien ilustrazioekin erakusketa ibiltaria egingo da hiriko hainbat espazio kulturaletan.

Oharrak
  • Lehiaketan parte hartzeak oinarri hauek eta epaimahaiaren erabakiak onartzea dakar.
  • Lehiaketara aurkeztutako lanen jabetza uneoro egileena izango da. Antolatzaileek argitaratzeko edota erreproduzitzeko eskubidea izango dute, baimenik eskatu gabe, beti ere egileak izendatuz.
  • Lehiaketa edo oinarri hauei buruzko edozein zalantza argitzeko honako posta elektronikora jo daiteke, gaian “Gazte Hitzak 2026” adieraziz: gaztehitzak@vitoria-gasteiz.org.
  • Lehiaketaren antolakuntzak lanen baliozkotasuna erabakiko du. Obraren batek baldintza teknikoak betetzen ez baditu edo, beste arrazoiren batengatik, iraingarria delako esaterako, lehiaketaren filosofiarekin bat ez datorrela uste bada, ez argitaratzea erabaki ahal izango du.
  • Ezin izango da inongo marka edo produkturen publizitaterik egin. Kontrara, aurkeztutako obra baztertu daiteke.
  • Adimen Artifizialaren erabileraren zantzurik daukaten lanak automatikoki lehiaketatik kanpo geldituko dira.
  • Etorkizunean bestelako esku-hartzerik egingo balitz lehiaketa honetarako sortutako lanekin, Vitoria-Gasteizko Udalarekin izandako lankidetza islatu beharko litzateke. Horretarako, Gazte Hitzak-en logoa gehitu beharko da esku-hartzea hedatzeko sortuko diren komunikazio- eta publizitate-euskarri guztietan.
  • Lehiaketaren antolakuntzak ez du hartuko inolako erantzukizunik bere gain aurkeztutako lanek beste artista batzuen egile-eskubideak urratzen badituzte. Erreklamaziorik egonez gero, parte-hartzaileak izango dira erantzule bakarrak.
  • Antolakuntzak eskumena izango du oinarri hauetan jasota ez dagoen edozein gorabehera ebazteko.

Aurreko edizioak

2025eko edizioa

2025eko edizio honetan, eskatutako baldintzak betez, 88 nanoipuin sartu dira lehiaketan, 56 gaztelaniaz eta 32 euskaraz, eta 13 ipuin, 6 gaztelaniaz eta 7 euskaraz.

Katalogoa

Katalogoan, lehiaketa irabazi duten nanoipuinak eta ipuinak aurkituko dituzu, ID-ARTE Euskadiko Arte eta Diseinuko Goi Mailako Eskolako ikasleek egindako ilustrazioez lagunduta.

Ikusi katalogoa

Galderarik?

Lehiaketa edo oinarriei buruzko edozein galdera argitzeko, idatz iezaguzu gaztehitzak@vitoria-gasteiz.org helbide elektronikora, edota @sortzen_vg(Beste leiho batean irekiko da) eta @vgbiblio(Beste leiho batean irekiko da) Instagram kontuetara.

Sorkuntza gaztea

Gazte Hitzak Sortzen sorkuntza-programaren parte da.

Zure iritziak axola digu

Nahi baduzu, iruzkinak egin ditzakezu. Nahitaezkoa da identifikatzea.

Izartxoarekin markatutako eremuak derrigorrezkoak dira.

Gai mota *
Aldartea *
Hautatu gaiaren hizkuntza.
Harremanetarako beste kontaktu bat: