Belaunaldien arteko programak

BIZANen adin desberdineko pertsonen (adinekoak, helduak, gazteak eta haurrak) arteko harremanak eta jarduerak sustatzen dira, honako hauen bidez:

1. BIZAN sarearen belaunaldien arteko ikastaro eta lantegiak, urteko egitaraua

Adineko pertsonen taldeak, begirale batek lagunduta, edukiak eta materialak sortzen eta jarduerak dinamizatzen, eta gero haur eta gazteekin partekatzen dituztenak.

2024-2025 denboraldiko egitarauan lantegi hauek eskaintzen dira:

• Zeramika belaunaldien artean: “Embarra2”
• Dantzan eta aktore lanetan, elkarrekin
• Eskolara, kanta-kantari
• Ipuin-kontaketa: estereotipoak desmuntatzen
• Harremanak ehunduz
• Ahozko tradizioa

Lantegi horietako batzuk hiriko ikastetxeei eta eskolaz kanpoko beste talde batzuei eskaintzen zaizkie, Gasteiz Hiri Hezitzailea proiektuaren bidez:

• Begiradak trukatuz
• Gasteiz azken 50 urteetan, adinekoen pasadizoak eta bizipenak
• Adinari eta adinagatiko diskriminazioari buruzko hausnarketa konpartitua
• Haurtzaro bat ezkutatzen da argazki bakoitzaren atzean.

2. Belaunaldien arteko jarduerak sare komunitarioetan

BIZANen parte hartzen duten adineko pertsona-taldeen eta hiriko auzoetako ehun asoziatiboko entitateen lankidetzaren bidez sortzen diren ekimenak.

Jarduera horiek:

• Kultura transmititzeko eta komunitatea garatzeko tresnak dira.
• Dagokien balorea aitortzen diete adinekoei, partaidetza- eta aldaketa-eragile diren aldetik.
• Gizartearen kohesioa eta eraldaketa bultzatzen dute.

Auzokanta, Lakua-Arriaga auzoan

Belaunaldien arteko jarduerei buruzko informazio gehiago ikus dezakezu hileko agendan.

3. Herritar guztientzako ikastaro eta jarduerak

BIZANen hileko jardueren eta urteko ikastaro eta tailerren eskaintzaren zati bat adinekoei zuzenduta dago, baina irekita beste adin bateko jendeak ere parte har dezan eta goza ditzan.

4. Gehiago jakin nahi duzu belaunaldien arteko programei buruz?

Helburua

BIZANek belaunaldien arteko harremanen aldeko apustua egiten du zenbait jardueratan, hainbat belaunalditako pertsonen arteko interakzioa, ezagutzaren transferentzia, trukea eta lankidetza sustatzeko asmoz.

Espazio horietan parte hartzen dutenek adin-talde guztientzat onura indibidualak eta sozialak dakartzaten esperientziak partekatzen dituzte.

Belaunaldien arteko harremanek adinkeria (adinari lotutako estereotipo negatiboak) murriztea sustatzen dute, eta gizarte-bizikidetzaren aldeko balioak sustatzen dituzte.

BIZANek bideratutako belaunaldien arteko jardueren marko teorikoa

BIZANek belaunaldien arteko hezkuntza-ekintza bermatuko duen esparru bat sortzeko lanean dihardu. Horretarako, Euskal Herriko Unibertsitatearekin lankidetzan aritu gara, Amaia Egigurenen ikerketa-lanen bidez.

Nabarmentzekoa da Belaunaldiak hurbilduz elkarren ondoan: belaunaldien arteko esperientzien alorrean Gasteizko Udalak egin duen apustua nabarmenduz azterlana.

Bertan, batetik, aztertutako belaunaldien arteko esperientzien oinarriak aurkezten baitituzte, eta, bestetik, belaunaldien arteko jardunbide egokiak identifikatzen, horrelako esperientziak oinarri arrazoitu batetik sustatzeko asmoz.

Azterlana aurkezteko bideoa ikusi

Proeiktu gehiago

• Belaunaldien arteko esperientzien onuren azterketa: Adinekoen Zentro Soziokulturaletako (gaur egun BIZAN deitzen da) bi lantegitako ekimenen azterketa.
• Combatiendo la brecha generacional: revisión sistemática de las experiencias llevadas a cabo en el entorno escolar: doktore-tesia.
• “Belaunaldiartekotasunetik kulturartekotasunera bidean”: BIZAN sareak belaunaldien arteko jardunbide egokien saria jaso zuen TOY (Together Old and Young) erakundearen eskutik. TOY mugimendu globala da, eta haurrek zein helduek eta adinekoek elkarrekin ikas dezaten sustatzen du.

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.