Urarteko (Abetxuku) hiri-baratzeak erabiltzeko baimenak eskatzeko epea irekiko da datozen egunetan
2021eko otsailaren 8an
Laster, Ingurugiro Gaietarako Ikastegiarekin harremanetan jarri ahal izango dute Urarteko hiri-baratzeetako lursailen bat eskuratu nahi dutenek. Datozen egunetan onetsiko da Abetxukuko udal-baratze horietako lursailak adjudikatzeko deialdi publikoa.
“Natura hirian bertakotzeko oinarrizko elementu dira hiri-baratzeak, baita pixkanaka autoekoizpen-estrategiak eta iraunkortasunaren inguruko sentsibilizazioa garatzen joateko ere. Horrelako ekimenei esker da posible neurri handi batean gizartean oinarrizko kontzeptuak zabaltzea; besteak beste, elikadura-burujabetza, bertako produktuak, elikadura osasungarria eta osasunerako hezkuntza”, nabarmendu du Gorka Urtaran alkateak.
Ekimen horien artean leku nabarmena hartzen dute Abetxukuko aisialdiko hiri-baratzeek, zeinek partikularrek aldi batez baliatzeko 225 lursail biltzen baitituzte. 2021eko urtarrilean libre zeuden lursailak eskainiko zaizkie herritarrei, deialdi horretan.
Lotutako informazioa
Zure iritziak axola digu
Nahi baduzu, iruzkinak egin ditzakezu.
Nahitaezkoa da identifikatzea.