Azken eguneratzea: 2026/01/12
Beharrezkoa bada, eta Elurteetarako Planean ezarritako protokoloa betez, Gasteizko Udalak honako leku hauetara gatz edukiontziak eraman behar diren aztertuko du, herritarrek bertatik kopuru txikitan hartu ahal dezaten:
Gatz horniketa 1.200 kg-ko zakuetan, herritarrek eskuratzerik izan dezaten.
Ingurumen irizpideak direla eta, neurriz erabiltzeko eskatzen da. Gatz gehiegi botatzeak, gastu ekonomiko handia izateaz gain, kalte handia egiten die landareei (lorategi, zuhaitz eta abarrei) eta barreiatzen den inguruari, bai eta asfaltoari eta gainetik igarotzen diren ibilgailuei ere.
Gatza bota aurretik. Lehenengo izotza edo elurra kendu beharko da, ahal dela esku tresnez. Izan ere, gatza eraginkorragoa izango da aldez aurretik garbitu edo xehatu den izotz edo elurrezko geruza fin baten gainean.
Gatza botatzea. Gatza pixkanaka barreiatuko da, pala txiki batez edo bilgailu batez, eta ordu batzuk igaro ondoren botako da berriro. Ez erabili azalera handitan, saiatu bide edo sarbideetan baino ez botatzen.
Argazkian ondo ikusten dira meatzeko gatzari berarekin dituen kristal eta harrixkak, gatzari ukitze lakarra ematearekin batera, eraginkorragoa bihurtzen dutena .
Kantitate txikitan, tentuz eta soil-soilik egokitutako pasabideetan erabiltzea gomendatzen da; behar izanez gero, berriro bota eta zabaldu behar da gatza.
Prozedura honen bidez disolbatutako elurrak eta izotzak gatz kopuru handia bideratzen dute estolderia-sistemara, zeinak ingurumenari eta biodibertsitateari kalte larriak eragiten dion.
Gatzak kalte larriak eragiten dizkie zoladurari (asfalto-aglomeratuari erasotzen baitio), ibilgailuen karrozeriari, eta ingurumena eta biodibertsitateari.
Gatzak ondorio latzak eragiten dizkio ingurumenari, larriki kaltetzen baititu hiri honek harrotasunez zaintzen dituen bizitza naturala eta biodibertsitatea.
Horrexegatik, gatza ahalik eta gutxien erabiltzea eskatzen dizuegu, eta betiere bi irizpide hauen arabera jokatuz; ahalik eta gutxien kontsumitzea, eta zorrotz zaintzea.
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.
