Ibilbide erromantikoa - Turismoa Vitoria-Gasteizen

Hiriaren gizarte-gunea da eta era guztietako establezimenduez, bai ehun urtetik gorako dendez zein askotariko jatetxe, zinema eta antzokiez hornitutako merkataritza-gune handia.

Ibilbidea

Turismoa - Ibilbideak - Ibilbide erromantikoa

Google Maps-en ikusi(Beste leiho batean irekiko da) | Vídeo: Ruta romántica en lenguaje de signos (youtube)(Beste leiho batean irekiko da)

Abiapuntua: Dato kalea.

  1. Eduardo Dato kalea
    Gasteizko zabalguneko kale garrantzitsuena eta hiriko merkataritza-arteria da. Fatxadetako beirazko miradoreek xarma berezia ematen diote. Behatu Gasteizko Bankua 1928an eraikia (1 zk.), Arrieta Etxeetan (2. zk) eta Caja Laboral Kutxako eraikinean 1870ekoa, Café Suizo kafetegia zena.
  2. Arka plaza
    Bankoa (Dorretxe zaharren antzerakoa) eta Santander Bankuko eraikinak nabarmentzen dira (ukitu erromantikoa duten Erdi Aroko elementuekin nahastuta) Ibiltaria brontzezko eskultura (Juanjo Eguizabalena) hiriko ikono bat da.
  3. Pando-Argüelles etxea (San Antonio kalea, 41)
    Julian Apraiz arkitekto modernistaren lana da (1911), eta kupula urdin deigarriak egiten du berezi.
  4. Musika Etxea (San Antonio kalea, 14)
    Jatorrizko eraikinetik (1880) fatxada eta lehen hormartea kontserbatzen dira.
  5. Gobernu Zibila (Olagibel kalea, 1-15)
    San Frantzisko komentua zegoen orubearen gainean eraiki zen 1930ean.
  6. Foru plaza
    1981ean eraiki zuten monumentu-multzo hau, foruen omenez. Peña Gantxegi arkitektoaren eta Txillida eskultorearen proiektua da. Herri-kirolen erakusketak eta kultura-jarduerak egiteko dago diseinatuta. Elkar topatzeko eta aisialdirako toki bihurtu da. Harresi antzerako batek inguratuta, Txillidaren Foruen eskultura dago.
  7. Printzipal Antzokia (San Prudentzio kalea, 29)
    1917an eraiki zen. Cesáreo Iradierrek diseinatu zuen, estilo italiarra du eta Madrilgo antzokitik hartu zuen inspirazioa.
  8. Fournier etxea (Manuel Iradier kalea, 46)
    Eraikin honetan (1866) kokatu zuen Heraclio Fournierrek bere lehen karta-fabrika. Goratutako bobeda handia eta Napoleon III.aren Pariseko estiloko txapitulak ditu.
  9. Geltoki plazatxoa
    Trena iristean hiriak eraldaketa ikaragarria jasan zuen XIX. mendean. Gaur egungo eraikina 1929koa da.

https://www.flickr.com/photos/vgturismo/sets/72157701195047611(Beste leiho batean irekiko da)

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren postontziaren bidez.