Bizikleta eta BTT - Turismoa Vitoria-Gasteizen
Gasteiz bizikletaren hiria da. Oso laua denez (Hirigune Historikoa izan ezik, mendixka batean dago eta), toki ezin hobea da alde batetik bestera bizikletaz joateko. Hiriko kaleetatik ez ezik, hiria inguratzen duen eraztun berdetik eta bertan dauden ibilbide ugarietatik ere bizikletaz joan daiteke. Hala ziurtatzen dute hainbat aintzatespenek, hala nola Frantziako Tourreko Ville à Vélo labelak.
Informazio erabilgarria
- Bizikleten alokairua hirian.
- Bizikleta-bideak.
- Hirian bizikletaz ibiltzeko aholkuak.
- Bizikletak uzteko aparkaleku seguruen sarea.
- Bizikletaz hirian ibiltzeko arauak.
Gomendioak
- Vitoria-Gasteiz gravel land: gravel txirrindularitza modalitate berri bat da, abenturara eta bidaietara gehiago hurbiltzeaz gainera, zikloturismoari askoz ere segurtasun handiagoa ematen diona, trafiko gutxiko bide, pista eta errepideetan barrena egiten den jarduera delako
- Uribarri Ganboako urtegiko ilbilbide berdea: hiria eta Garaio eta Landa parkeak lotzen dituzten bizikleta-bideak daude. Bertan, bizikletaz egiteko ibilbide zirkularrak daude, Ulibarri Ganboako urtegiaren ingurutik. Gainera, Garaion bizikleta alokatzeko tokia dago.
- Arabako Lautadako Ibilbide Zikloturista Handia: 6 etapako ibilbidea. Araba zeharkatu eta Araban barrena doazen ibilbide guztietako tarteak batuz sortu da Lautadako Ibilbide Zikloturista Handia. Bizikleta elektriko bat alokatzeko kontsultatu non. Informazio gehiago.
- Erromanikoaren ibilaldia bizikletaz: Ibilaldiak 79,50 km ditu guztira, eta horren ildo nagusia da Arabako lurraldearen ondare erromaniko aberatsa. Araban, 240 bat tenplu, zehaztu dituzte, eta denak natura- aberastasun handiko eremuan daude. Tenplu horietako bakoitzak bestelako interesa ematen dio arteari: ibilbidean zehar zabalduz doazen askotariko paisaiak; paisaia horietatik ikusten diren panoramikoak; eta, halaber, naturarekin gertu- gertu dauden bazter idilikoak. Erromanikoaren ibilaldiaren bidez, pedalei eraginda, tenplu horien ezaugarri garrantzitsuez ohartuko gara. Tenplu horiek erromaniko berantiarraren baitan daude, eta apainketa aberatsa dute , ikonografia ikusgarria eta zenbait elementu, batzuetan margo gotiko zoragarriak dituztenak. Eta berean, ibilaldiak aukera ematen du lurraldeko beste bizikleta- bideen berri izateko eta horiek miatzeko; besteak beste, Donejakue bidea, Vasco Navarroa, GR 38...Informazio gehiago
Beste paseo batzuk Araban zehar
Hona hemen zenbait proposamen Arabako probintzia bizikletaz ezagutzeko. Ibilbide bakoitzak fitxa bat du (pdf formatuan), beraz, nahi izanez gero inprimatu ahal duzu:
- Betoñu Haitzeko Abelbidea
- Iparralderantz, Anglo-Vasco-Navarro trenbidetik
- Arabako mendialdera eta Estibalizko santutegira
- Donejakue Bidea: ibilbide alternatiboa
- Arabako mendietatik
- Valderejo Parke Naturala
- Gorbeiako Parke Naturala
- Izkiko Parke Naturala
- Gesaltza Añana
- Guardiako aintzira-multzoa
- Amurrio
- Lautadako mugetan
- Zadorra ibaiaren ertzetik Salburuko hezegunera
Argibide gehiago hemen: www.alavaturismo.eus
Zure iritziak axola digu
Nahi baduzu, iruzkinak egin ditzakezu. Nahitaezkoa da identifikatzea.