Familia giroan - Turismoa Vitoria-Gasteizen
Gasteiz toki ezin hobea da haurrekin bisitatzeko. Interpretazio-zentro interaktiboa daukagu, txikiek zein helduek ahalik eta gehien goza dezaten naturaz. Eta, zuena historia bada, hiria jolasten esploratzeko bisitak dauzkagu haurrentzat.
- Kontsulta itzazu haurren agendan familian egiteko jarduera guztiak.
- ''Familia giroan'' triptikoa
- Hurbil zaitez Turismo Bulegora haurrentzako mapa hartzeko.
Proposamenak
Hiria eta Historia ezagutzeko...
- Familientzako bisita gidatuak. Gozatu Gasteizko txoko politenez.
- Santa Maria katedrala eta zaharberritze-lanak. Jantzi kaskoak, eta jarraitu katedraleko gidei historian zeharreko ibilaldian.
- XI. mendeko hesia. Erdi Aroko ipuin baten barruan irudika dezagun geure burua.
- Igo trenera: "Gasteiztxo" izeneko gure tren turistikoak hiriko toki xarmangarriak erakusten dizkizu, 45 minutuko ibilbidean (udako denboraldia).
Naturaz eta kirolaz gozatzeko...
- Natura gustuko baduzue, hurbildu zaitezte Atarira, Salburuako Hezeguneen Interpretazio Zentrora.
Natura eta ingurumenari buruzko jardueren agenda. - Garaio eta Landako parkeetan, bainatzeko eta jolasteko eremuak aurkituko dituzue. Era berean, aire zabaleko eta estalitako igerilekuak daude hirian bertan, Mendizorrotzan eta Gamarran.
- Halaber, bizikletak aloka ditzakezue, hiria beste modu batez ezagutzeko.
- Patinatzeko gogoa baduzue, hiriak sekulako izotz-pista dauka Baskoniaren kirol-hirian (BAKH).
- Nekazaritza eta abeltzaintzari buruz gehiago ezagutu nahi baduzu, Los Huetos Landa-etxeko Baserri-eskola edo Arkaia baserri-eskola.
- Familientzako kirol planak: haur eta gazteak aktibo mantentzeko kirol planak.
Artera hurbiltzeko...
- Artium arte garaikideko museoak familientzako jarduera ugari eta bisita gidatuak eskaintzen ditu.
- Arma museoak garai eta munduko kokapen desberdinetako arma bilduma handi bat eskaintzen du.
- BIBAT museoa: errenazentista eta, aldi berean, eraikin modernoa, museoetan 2x1 egiteko: Arkeologia museoa eta Karten museoa dituzue bertan (munduko karta-bilduma onenetako bat dago bigarrenean).
- Arabako natura zientzien museoa, Otxanda Andrearen Dorrean. Bilduma botanikoak, paleontologikoak, mineralogikoak eta zoologikoak ditu.
- Principal antzokiko programazioak beti izaten ditu familia guztiarentzako moduko proposamenak.
Museoetan familia giroan egiteko bisita gidatuak eta jarduerak
- Familia giroan egiteko bisita gidatuak. Larunbatetan familia giroan egiteko bisita gidatuak eskaintzen dituzte BIBAT, natura zientza museoak eta arma museoak. Iraupena: Ordu eta erdi.
- Ospa ezazu zure urtebetetzea museoan!. Urtebetetze ospakizun desberdin bat burutzeko aukera ematen dizue BIBAT, natura zientzia museoak eta arma museoak. 5 - 10 urte.
- Gabonetako programa museoetan. Gabonetan zehar hainbat jarduera, tailer eta ikuskizun antolatzen dituzte Gasteizeko museoek. 5 - 11 urte.
- Udako programa museoetan. Uztailan zehar museoetan txikientzako antolatzen dira jarduera ugari. Hainbat tailer antolatzen dira eta museoak bisitatzen dira. 5 - 11 urte.
Informazio gehiago: museoen webgunetan eta honako esteka honetan.
Atseden hartzeko...
- Pirata Galeoia, Lakua auzoan. 33 metroko luzera duen itsasontzi bat, irudimenari hegan egiten uzteko jostailuz betea.
- Hiri-parkeak eta -lorategiak, haurrentzako jolas-eremuekin.
Informazio erabilgarria
Badaezpada: Txagorritxuko Ospitalean zentralizatuta daude pediatriako larrialdiak. Tel. 945 00 70 00.
Bideoa: Familia osoarentzako hiria
https://www.youtube.com/watch?v=3HV-LtEvZaMZure iritziak axola digu
Nahi baduzu, iruzkinak egin ditzakezu. Nahitaezkoa da identifikatzea.