Udaleko hezkuntza jarduerak – Vitoria-Gasteiz Green Capital Ibilaldia

2024-2025 ikasturtea / Gaia: Hiria ezagutzea

Izena eman online

Deskribapena

Ibilbide multidiziplinarra, iraunkortasunaren, turismo iraunkorraren eta Green Capital izatearen alderdi garrantzitsuenak zabaltzeko. Ibilbidea Turismo Bulegoan hasten da eta Mateo Moraza kaletik, Arkupeetatik, Antzoki zaharretik, Foru Plazatik, Correosetik, Andre Maria Zuriaren Plazatik eta Parlamentutik igarotzen da, Uraren lorategi sekretuan amaituz.

Ibilbidean zehar, ikuspen urriko pertsonekin zerikusia duten ekintza batzuetan parte hartzera gonbidatuko dira ikasleak, adibidez, eta ibilbidearen gaiarekin lotutako geldialdiak egingo dira, hala nola: irisgarritasuna, uraren garrantzia eta kontsumo arduratsua, garraioa, garbitasuna eta hondakinen kudeaketa, hiriaren historia eta Gasteizko ondare historiko-artistikoa mantentzea, arkitekturaren iraunkortasuna, argiztapen eraginkorraren garrantzia, tokiko produktua erosi eta kontsumitzearen onurak eta mugikortasun iraunkorra.

Balioak

Inklusioa, iraunkortasuna, gizalegea.

Helburuak

  • Jasangarritasuna, jasangarritasun turistikoa eta horien garrantzia ezagutaraztea.
  • Turismoaren ezagutza ikuspegi integral batetik sustatzea, iraunkortasun sozio-ekonomikoa, kulturala eta ingurumenekoa barne.
  • Ikasleengan hiri-habitata eta hiri-inguruko habitata balioesteko eta errespetatzeko jarrerak sustatzea, sostengarritasun-balioak sustatuz.
  • Ondo planteatutako, planifikatutako eta gauzatutako turismo-jardueraren garrantzia ikusaraztea, aberastasun ekonomikoaren eta herrien arteko kultura-trukearen iturri gisa.
  • Kide izatearen eta gizarte-kohesioaren zentzua sustatzea eta bultzatzea, herritarrak beren hiriko turismo-preskriptore eta enbaxadore bihur daitezen.
  • Bidaia-esperientzia positibo baten balio-katean eragiten duten baliabide guztien ezagutza turistikoa sustatzea, eta pertsona guztientzako turismo jasangarriago eta aberasgarriago bat sustatzea.
  • Turismo iraunkorraren kultura sortzea, pertsona guztien artean turista arduratsuak eta errespetuzkoak izaten irakatsiz eta ikasiz.

¿Eta bisita ostean?

Liburuxka didaktiko bat entregatuko da. Jolas eta denbora-pasen bitartez, ibilibidean bisitatutako puntu bateko historia zein natura deskubritzen jarraitzeko aukera egongo da, Florida parkekoa hain zuzen ere, hiriko parkerik adierazgarriena.

Hartzaileak

LHko 5. eta 6. mailak, DBHko 1. eta 2. mailak, DBHO, HHI eta eskolaz kanpoko beste kolekitibo batzuk.

Parte hartzeko betebeharrak

  • Lekua: Turismo bulegoa (Espainia plaza, 1 behea).
  • Hasiera-ordua: 10:00 (eta arratsalde batzuk 18:00tan).
  • Iraupena: 1:30 ordu.
  • Parte-hartzaile kopurua, gehienez: ikastaldea.
  • Ordaintzekoa: ez.
  • Hizkuntza: euskara, gaztelania, (beste hizkuntzak kontsultatu).
  • Parte hartuko duten ikastetxe eta taldeek Vitoria-Gasteiz Hiri Hezitzailea proiektua berariaz aipatu beharko dute, jardueraren inguruko informazioa hedatu edo komunikatzean.
  • Epez kanpo jasotako eskaerak bakarrik onartuko dira lekurik eta aurrekonturik badago.
  • Behin izena emanda ikastaldeak ezin badu jarduerara joan, Kongresu eta Turismo Zerbitzuari jakinarazi behar dio, gutxienez bi egun baliodun lehenago.

Informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.