Urrunetik egindako kontratuak

Zer dira

Urrunetik saldu edo zerbitzuak eskaintzeko sistema antolatu baten arabera egindako kontratuak dira, kontratua egingo duten aldeak aldi berean fisikoki bertan egon beharrik gabe. Kontratua gauzatu bitartean eta kontratua gauzatzean ere urruneko komunikazio-teknikak bakarrik erabiliko dira.

[igo]

Kontratu bat urrunetik egiteko teknikak

Urruneko kontratuak egintzat joko dira baldin eta, besteak beste, urruneko komunikazio-teknika hauek erabili badira:

  • inprimakiak, hartzaile jakin bat izan ala ez.
  • Gutun normalizatua.
  • Eskaera kupoia duten prentsako iragarkiak.
  • katalogoa.
  • Telefono deiak, pertsonak eginak zein beste bide batzuk erabilita eginak (dei automatikoak, audiotestuak...)
  • irratia.
  • Telefonoa irudiarekin
  • Bideotestua teklatuarekin edo ukimen-pantailarekin, izan ordenagailu bidez, izan telebistako pantaila bidez
  • Posta elektronikoa.
  • faxa.
  • telebista.

Araudi hau ez zaie aplikatuko honako hauei:

  • Banatzaile automatikoen bidez edo instalazio komertzial automatizatuen bidez egindako kontratuak.
  • Enkante publiko bidez egindako kontratuak, bide elektronikoa erabiliz egindakoak izan ezik.
  • Finantza-zerbitzuen kontratuak.
  • Telefono publikoen bitartez telefono horiek erabiltzearren telekomunikabideetako operadoreekin egindako kontratuak.
  • Ondasun higiezinak eraikitzeko kontratuak.

Komunikazio elektronikoak eta kontratazio elektronikoa

Posta elektroniko bidez zein beste edozein bide erabilita egindako komunikazio komertzialetan, eta bide elektronikoak erabilita urrunetik egindako kontratazioetan, informazioaren gizarteko zerbitzuen inguruko araudia ere ezarriko da.

[igo]

Kontsumitzaileari eman beharreko informazioa

Kontratua egin aurretik, enpresak honako informazio hau eman beharko du:

  • Eskaintza komertzialaren arduradunaren identifikazioa
  • Prezio osoa
  • Gauzatze data, iraupena eta bermea
  • Kontsumitzaileak kontratuan atzera egiteko duen eskubidea, epea eta hori gauzatzeko modua
  • Urrunetiko komunikazio-teknika bat erabiltzearen kostua, oinarrizko tarifaz besteko oinarri baten gainean kalkulatzen denean
  • Ondasun edo zerbitzuaren oinarrizko ezaugarriak
  • Entrega eta garraio-gastuak, halakorik bada.
  • Eskaintzak eta prezioak zenbat denbora iraungo duten indarrean, eta, hala badagokio, 1/2007 Legegintzaldiko Errege Dekretuaren 102. artikuluan adierazitako kasuetan utziespen-eskubidea baliatzeko aukerarik ez dela.
  • Kontratuaren gutxieneko iraupena, hala badagokio, etengabe edo behin eta berriz gauzatzeko ondasun edo zerbitzuetarako kontratuen kasuan.
  • Zer inguruabar eta baldintzatan eman dezakeen enpresaburuak kalitate eta prezio baliokideko ondasun edo zerbitzu bat, kontsumitzaile eta erabiltzaileak eskatutakoaren ordez, aukera hori aurreikusi nahi denean.
  • Ordaintzeko modua eta entregatzeko edo gauzatzeko modua.
  • Enpresaburuak gatazkak judizioz kanpo ebazteko prozeduraren bat baldin badu edo hari atxikia badago, hori adieraztea.

Kontratua betetzen hasi aurretik, enpresak honako informazio hau eman beharko du:

  • Enpresariaren establezimenduaren helbidea, kontsumitzaileak eta erabiltzaileak erreklamazioak aurkezteko aukera izan dezan.
  • Laguntza teknikoa emateko zerbitzua eta salmenta osteko beste zerbitzu batzuk eta dauden bermeak.
  • Kontratua salatzeko dauden baldintzako, iraupen mugagabeko kontratua edo urte bat baino gehiagoko kontratua denean.
  • Informazio hau idatziz eman beharko da, edo kontsumitzaileak berariaz aurkakoa adierazi ezean, izaeraz iraunkorra den eta erabilitako urrunetiko komunikazio-teknikari egoki datorkion edozein euskarritan

[igo]

Kontratuari lotzeko adostasuna adieraztea

Ezein kasutan ezin hartuko da eskaintzaren onespentzat urrunetiko kontratu-eskaintzari erantzun ez izana.

Atzera egiteko eskubidea

Urrunetik egindako kontratuetan, kontsumitzaileak atzera egiteko eskubidea du. Atzera egiteko eskubidea da kontsumitzaile eta erabiltzaileak ahalmena izatea egindako kontratua efekturik gabe uzteko, eskubide hori baliatzeko ezarritako epean kontratuko beste alderdiari jakinarazita, bere erabakia justifikatzera behartu gabe eta inolako penalizaziorik izan gabe.

Urrunetik egindako kontratuetan, produktua itzultzeko 7 egun baliodun ditu erosleak hura jasotzen denetik. Eskaeran atzera eginez gero, produktua itzuli beharko du bezeroak ondasunaren edo zerbitzuaren bildaltze-gastuak haren gain hartuta.

[igo]

Atzera egiteko eskubidea erabili ezin den kontratu motako:

  • Ondasun edo zerbitzuen hornidura egiten denean eta horren prezioak finantza-merkatuaren gorabeheren mende daudenean, enpresaburuak horrelakoak kontrolatu ezin ditzakeenean.
  • Kontsumitzaileak egindako zehaztasunekin bat etorriz prestatutako edo argi eta garbi pertsonalizatutako ondasunen hornidura, edo duen izaeragatik ezin direnean itzuli, edo azkar hondatu edo iraungi daitezkeenean.
  • Soinu- edo bideo-grabazio zigilatuen edo programa informatiko zigilatuen hornidura, entregatu ondoren kontsumitzaileak zigilua kendu dienean, edota bide elektronikoa erabiliz hornitutako fitxategi informatikoak, momentuan deskargatu edo erreproduzitu daitekeenak eta betiko erabilgarri utzi.
  • Egunkarien, noizbehinkako argitalpenen edo aldizkarien hornidura.
  • Kontsumitzaile eta erabiltzailearen adostasunez zazpi egun baliodunen epea amaitu aurretik gauzatzen hasi diren zerbitzu-kontratuak.
  • Loteria eta apustu zerbitzuak.

[igo]

Kontratua betetzea

Gehienez 30 egun izango ditu enpresaburuak, kontsumitzaile eta erabiltzaileak kontratua egiteko onespena eman eta biharamunetik hasita.

  • Kontratua gauzatzen ez badu, kontratupeko ondasuna edo zerbitzua eskuratzerik ez dagoelako, horren jakinaren gainean jarri beharko du enpresaburuak kontsumitzaile eta erabiltzailea, eta hark lehenbailehen berreskuratu beharko ditu ordaindutako kopuruak; gehienez ere, 30 eguneko epean.
  • antzeko ezaugarriak eta kalitate bera edo handiagoa dituen ondasun edo zerbitzu bat eman ahal izango du enpresaburuak, prezioa igo gabe, kontsumitzaileari berariaz aukera horren berri eman ostean.

Kasu horretan, kontsumitzaile eta erabiltzaileak kontratua utziesteko eta desegiteko eskubideak baliatu ahal izango ditu, hasieran eskatutako ondasun edo zerbitzua izango balitz bezala, eta ezin izango zaio itzulketaren zuzeneko kostua galdatu.

[igo]

Txartel bidez ordaintzearen ondorioak, urrunetik egindako kontratuetako iruzur gertaeretan

Erosketa bati dagokion zenbatekoa modu iruzurrezko edo desegokian kargatu baldin bada ordainketa-txartel baten zenbakia erabiliz, kargu hori berehala baliogabetzeko eskatu ahal izango du txartelaren titular den kontsumitzaile eta erabiltzaileak. Kasu horretan, lehenbailehen egingo dira enpresaburuaren eta txartelaren titular den kontsumitzaile eta erabiltzailearen kontuetako zorduntze eta berrordaintze-idazpenak.

Hala ere, erosketa txartelaren titularra den kontsumitzaile eta erabiltzaileak egin badu, eta dirua itzultzeko eskaera ez bada kontratuan atzera egiteko edo kontratua indargabetzeko eskubidea baliatzearen ondorioz gauzatu, hark baliogabetzearen ondorioz sorturiko kalte-galerak ordaindu beharko dizkio enpresariari.

[igo]

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.