Hirigintza bioklimatikoko eskuliburuak, propio Gasteizerako diseinatuak

Hirigintza bioklimatiko terminoak lurralde jakin baten, bertako espazio publikoaren eta eraikinen planifikazio integrala adierazi nahi luke, horren bidez bizitza komunitario eta pribaturako inguru egokia sortzeko.

Eskala handiko diseinu horrek kokapen egokia bilatzea, eta ingurune hurbila eta bolumen eraikiak tokiko klimaren eta urtaroen eta eguneko gorabeheren arabera taxuz egokitzea eskatzen du. Faktore anbiental garrantzitsuenak tenperatura, airearen hezetasuna, haizea eta -batez ere- intsolazioa dira. Beraz, bi egoera desberdin horiei eta beren aldaerei erantzun beharko die diseinu bioklimatikoak.

Zergatik da garrantzitsua hiria irispide bioklimatikoen arabera eraikitzea?

Bi arrazoirengatik:

• Lehenik, kanpo-espazioetako mikroklima hobetu egiten du, eta horrek kasu bakoitzean erabilera-baldintzak hobetzea dakar.
• Bestalde, kanpoko mikroklimari eragindako onurek hobetu egiten dituzte eraikinen ondoko espazioak; hartara, nabarmen urritzen da eraikinen energia-beharra. Energia kutsagarri gutxiago kontsumitzen da, eta egokitze pasibozko elementu gehiago erabiliko dira.

Zer dira hirigintza bioklimatikoko eskuliburuak?

Bi zatiz osatzen dira hirigintza bioklimatikoko eskuliburuak:

• Lehen zatian hiri jakin bateko klimaren ezaugarriak eta konfort termikoa (tenperatura-erosotasuna) lortzeko hilez hileko beharrak azaltzen dira, bai eta bide horretan garatu beharreko estrategia garrantzitsuenak.
• Bigarren zatian arazoen konponbide eta eraikuntza praktika egokiak biltzen dira fitxetan, aurrekoan aipaturiko estrategiak lortu asmodunak. Sustatzaile, arkitekto edo erabiltzaileen esku izango da egokien deritzonak hautatzea, betiere irizpide funtzional, estetiko edo ekonomikoen arabera.

Ze onura dakartza irizpide bioklimatikoen arabera eraikitzeak?

Eguzkia eta haizea kontuan hartuta eraikitzeak onura ugari ditu guztiontzat. Erabiltzaileentzat, murriztu egiten du energia konbentzionaleko gastua, eta aurreztu energia kutsagarriaren kontsumoa, betiere irizpide hauxe aintzat hartuta: gutxien kutsatzen duen energia erabiltzen ez dena da. Sustatzaileentzat, eraikiko dituzten etxebizitzak hiriko CO2 isurketak Europako zuzentarauetako irizpide eta tokiko politiketan ezarritako mailetara egokituko dituztelako. Eta herritarrentzat oro har, hiriko kutsadura anbientala urritzen duelako (ondorioz baita hiriko bero-uharte efektua ere), atmosfera garbiago egongo delako eta guztion osasun-egoera hobetzea dakarrelako.

Hirigintza bioklimatikoko zenbat eskuliburu diseinatu dira propio Gasteizerako?

Bi sarreraz gain, honako eskuliburuak daude, erabileraren araberakoak (gaztelania hutsez daude):

1. Clima, microclima y estrategias urbanas. Fundamentos de diseño bioclimático para Vitoria-Gasteiz (8,2 mb)
2. Evaluación bioclimática del PGOU de Vitoria-Gasteiz (6,92 mb)
3. Manual de rehabilitación uso residencial (4,81 mb)
4. Manual de rehabilitación uso industrial (3,62 mb)
5. Manual para la nueva edificación residencial (5,83 mb)
6. Manual para la redensificación de zonas residenciales (7,06 mb)
7. Manual para mejorar las condiciones del espacio público con criterios bioclimáticos y de aprovechamiento solar (6,46 mb)
8. Manual de equipamientos y dotaciones urbanas (4,53 mb)

Madrileko Unibertsitate Politeknikoan egin dituzte Gasteizerako propio diseinatutako hirigintza eta praktika bioklimatiko egokiei buruzko eskuliburuak, Gasteizko Udalarekiko hitzarmena bitarte.

Lehen zatian Gasteizko mikroklima eta bere berezitasunak deskribatzen dira, hilez hileko behar termikoak jasotzen dira, eta estrategia garrantzitsuenak azaltzen dira. Berbera da eskuliburu guztietan, espazio publikoari eskainitakoan izan ezik.

Bigarren zatian irtenbideak biltzen dira fitxetan; desberdinak dira kasu bakoitzean, eraikin-motaren, erabileraren eta irizpide funtzionalen arabera. Guztira, eraikuntzarako 100 aukera baino gehiago bildu dira, aldian-aldian egokiena hautatzeko, betiere irizpide funtzional, ekonomiko, estetiko eta konstruktiboen (zailtasunak) arabera.

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.