Udal Artxiboaren zerbitzuak

Artxiboko atala

Udal Artxiboak Gasteizko Udalak -edo beste erakunde batzuek udal jarduerarekin lotuta- sortutako agiriak gorde, antolatu, deskribatu, zaindu eta ezagutarazten ditu.

Kanpokoak

  • Artxiboko langileek emandako informazio eta orientazio pertsonalizatua.
  • Kontsulta eta ikerketa gela.
    • Elektrizitate hartuneak daude, ordenagailu pertsonalak wifi konexiorik gabe erabiltzeko. Erabilera publikoko ordenagailurik ez dago.
    • Araudia.
  • Funtsen erreprodukzioak hainbat euskarritan
    • Artxiboak gehienez DIN A3 tamainako kopiak egiten dituen fotokopiagailua du, eta plano erreproduzitzailea. Araudia.
    • Artxiboko langileak arduratzen dira kopiak egiteaz, eta gehienez 24 orduko epean jaso daitezke. Oro har ezin da dosier, proiektu edo liburu baten % 20 baino gehiago kopiatu.
    • Agirien argazki digitalak egin nahi izanez gero gelako arduradunari jakinarazi behar zaio, eta dagokion eskabidea bete.
    • Agiriak egoera txarrean badaude, edo tamaina handiko koadernaketak badira (akta liburuak, egunkariak eta abar) ezingo dira fotokopiatu, hondatzeko arriskua dago eta. Egoerak ahalbidetzen badu, argazkiak atera ahalko dira, behar den eskabidea aurkeztuta.
    • Artxiboko jatorrizkoen negatiboetatik argazkiak egitea Normativa.
  • Bisita gidatuak
    • Helduen taldeentzat bisitaldi gidatuak egiten dira, aldez aurretik eskatuta. Gutxienez 5 pertsona eta gehienez 15 izan daitezke. Gehiago badira, 2 talde osatu behar dira.
    • Bisitek ordubete inguru irauten dute, jendaurreko ordutegiaren barruan.
    • 16 urtetik gorakoentzat ere heziketa bisitak egiten dira, irakasle batek lagunduta. Horrelakoetan, irakaslea aurretik artxiboarekin harremanetan jartzea komeni da, zein gai eta nola landu nahi duen jakinez gero baliagarriagoa izango baita bisita.

Barrukoak

  • Udal bulegoei dosierren kontsulta eta mailegu zerbitzua ematea.
  • Argitalpen teknikoak erostea.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.