Odola ematea bizitza ematea da: odola emaleei buruzko informazioa

Odola emateari buruzko informazioa

Odola ematea oso erraza eta segurua da, ez du min ematen eta profesional espezializatuek egiten dute. Emaileari ez dakarkio inolako arriskurik; lurralde guztiko gaixoei, berriz, sendabidean aurrera egitea dakarkie.

Aldi oro behar izaten da odola eta, hortaz, aldi oro eman beharko da odola. Egunero, Euskadiko ospitaleek eta klinikek odola edo odolaren osagaiak behar izaten dituzte gaixoak zaintzeko, ebakuntza gehienek eta tratamendu mediko askok transfusioak behar izaten baitituzte.

Non eman

Odola emateko leku finkoa

Olagibel Osasun Zentroa, 4. solairua

• Astelehenetik - ostiralera: 8:30 - 21:00
• Larunbatean: 9:00 - 14:00

Odola emateko unitate mugikorraren egutegia Gasteizen

Zergatik eman?

Medikuntzaren eta teknologiaren aurrerapenak gorabehera, oraingoz odola ez da fabrikatzen eta, hortaz, pertsonen odol-emate altruistak dira odola lortzeko iturri bakarra. Gainera, odolak eta odolaren osagaiek bizialdi mugatua dute.

Odol-ematea ez da ezbeharrekin edo larrialdiekin lotuta egon behar halabeharrez; eguneroko eta ohiko ekintza izan behar da gure bizitzetan. Odola aldizka ematen badugu bakarrik izango dugu odol nahikoa eta segurua stocken.

Gizonek 4 aldiz urtean eta emakumeek 3 aldiz urtean eman dezakete odola, baldin eta odol-emateen artean gutxienez bi hilabete igarotzen badira.

Gogora ezazu

• Odola beharrezkoa da, eta ezin de laborategian egin, giza odolak beste ezerk ez dezake pertsoona salbatu.
• Zeuk edo zeure familiak, beharbada, beste pertsona batzuen odola beharko duzue egunen batean.
• Gogoan izan odol-osagaien epe-muga honako hau dela: plaketak 5 egun, globulu gorriak 42 egun, plasma urte 1.
• Odola eman ahal izateko 18 urtetik gorakoa eta 66 urtetik beherakoa izan behar da, eta 50 Kg.-ko pisua, gutxienez.
• Ez daukazu baraurik etorri beharrik. Bakarrik, ez eman odolik bazkari handia hartu eta 2 ordu baino lehen.
• Azken lau hilabeteetan ebakuntza garrantzitsurik ez egin izana eta antibiotikorik hartzen ez aritzea.
• 450 cc. ateratzen dira, eta ez dauka inolako eraginik emailearen odol bolumenari dagokionez. Bolumen hori berehala berritzen da, zerbait edatean.

Informazio gehiago: Euskadiko Odol Emaileen elkartea

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.