Sexu-joera eta genero-identitatea

OSIG

Gasteizko Udaleko Berdintasunerako politikak emakumeak subjektu politikoa zabaltzeko prozesuan daude, emakumeen subjektu politikoari uko egin gabe, sexu-genero sisteman (patriarkatuan) berdin-berdin oinarriturik dauden arrazoiengatik diskriminazioa jasaten duten pertsonak sartzeko. Era berean, politika horiek aintzat hartzen dituzte egiturazko beste diskriminazio-iturri batzuk ere (hala nola, klase soziala, adina, jatorri kulturala, aniztasun funtzionala, administrazio-egoera...), sexu-genero sistemarekin elkarreraginean jarduten baitute, eta LGTBI pertsonen zaurgarritasuna eta diskriminazioa indartzen.

2014tik hona, Gasteizko Udalaren Berdintasunerako Zerbitzuak sexu-joeraren eta genero-identitatearen eremuko hainbat prozesu sustatu ditu:

Desirak plazara

Gasteizko LGTBI herritarren errealitateei buruzko diagnostikoa. Ikuspegi feminista eta intersekzionaletik abiatuta egin da ikerlan hau, eta behar bezalako esku-hartzea egiteko behar den informazioa edukitzeko xedea dauka.

HARA! Agenda

Berdintasunerako politiketan sexu- eta genero-aniztasuna txertatzeko 2018-2021eko agenda. Etorkizunera begirako lehentasunezko ildoak identifikatzeko estrategien, jardueren eta orientabideen multzoa jasotzen du.

Berdintasun-politiketan sexu- eta genero-aniztasuna sartzeko orduan dauden erronkei, eztabaidei eta praktikei buruzko hausnarketa egiteko jardunaldia (pdf), (2017ko azaroa). Eztabaiden eta proposamenen laburpena.

Ikusgune

Ikusgune LGTBI+fobiaren kontrako behatokia(Beste leiho batean irekiko da) behaketa-sistema etengabea da, homofobiaren, lesbofobiaren, bifobiaren eta transfobiaren aurkakoa. Lumagorri elkarteak kudeatzen du, Udalarekin hitzartuta. Hitzarmena ikusi (pdf).

Hitzaldiak

Jabetze Feministarako Eskolaren barruan sexu-joeraren eta genero-identitatearen inguruan antolatzen diren hitzaldien grabaketak(Beste leiho batean irekiko da).

Mintegia

Sexu-aniztasuna eta genero-identitateak berdintasunerako politiketan. Mintegian egindako mahai-inguruen grabaketak (2014ko azaroa).

Maiatzak 17

Lesbo-Gay-Transfobiaren aurkako Nazioarteko Eguna. Oroitzapenezko programazioa.

Informazio gehiago

Sexu-joerari eta genero-identitateari buruzko araudia.

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?            

Nahi baduzu, iruzkinak egin ditzakezu.
Nahitaezkoa da identifikatzea.

Jasotako iruzkinak

Página web: Diagnóstico sobre las realidades de la población LGTBI

  • Hola! Esta disponible el recurso de forma gratuita? Como se puede acceder al informe?

    Gracias!

    Julen Alegre 2018/01/29 13:08:39 Erantzuna eman zaio

  • El diagnóstico actualmente está en fase de revisión y será publicado en breve. Si estás interesado puedes solicitarlo a la dirección igualdad.adm@vitoria-gasteiz.org dando tus datos para que cuando esté, se te envíe de manera postal o electrónica.

    Udalaren logotipoa Udala 2018/01/30 10:22:16