Saskibaloia - Turismoa Vitoria-Gasteizen
Saskibaloi partidua jokatu edo ikusi nahi baduzu, Gasteizen aukera asko duzu kirol horrekin ondo pasatzeko. Gainera, eguna zein asteburu osoa pasatzera etorri, hirian eskaintza zabala duzu aisiaz gozatzeko.
Gizonezkoen saskibaloia
Goi-mailako saskibaloi-taldeak, Saski Baskoniak, Buesa Arena pabiloian jokatzen du. Duela 20 urte baino gehiago, talde arabarrak 15500 ikusle baino gehiagorentzako tokia duen pabiloi horretan jokatzen du.
- Sarrerak.
- Buesa Arena pabiloia Gmaps aplikazioan.
- Gertuko udal autobusak: 3. linea eta Buesa Arenara doana.
Pabiloia hirigunetik 40 minutura dago oinez, eta, gainera, alboan ditu izotz-pista eta urmaeletako habitata ezagutzeko Ataria zentroa, alegia, hiria inguratzen duen eraztun berdearen bihotza.
Emakumezkoen saskibaloia
Araski AES da hiriko emakumezkoen saskibaloi-taldea. Partiduak Mendizorrotzako kiroldegian jokatzen dira, eta espazio horretan egiten dira, halaber, kulturarekin eta kirolarekin lotura duten ekitaldi ugari.
- Sarrerak.
- Mendizorrotzako kiroldegia Google Maps aplikazioan.
- Gertuko udal autobusak: 2. linea eta 8. linea.
Kiroldegia Mendizorrotzako kirol esparruaren alboan dago, eta hiriko arteria turistiko nagusia den La Senda pasealekutik oso hurbil. Bide horrek hirigunera darama bisitaria, Prado parketik, eta bidean ikus daitezke Ajuria Enea (lehendakariaren egoitza), Arma Museoa eta Augustin Zulueta jauregi ederra, egun Arte Ederretako Museoa hartzen duena.
Saskibaloia gurpil-aulkian
Kirol diziplina zoragarri honetan ere hiriak badu talde bat, mailarik gorenean jokatzen duena: Fundación Vital Fundazioa Zuzenak.
- Ariznabarrako kiroldegia Google Maps aplikazioan
- Gertuko udal autobusak: 2. linea, 6. linea eta 10. linea.
Partiduak Ariznabarrako kiroldegian jokatzen dira; bertan, gainera, aire zabaleko rokodromoa eta "patinodromoa" daude. Kirol esparruak oso hurbil ditu eraztun berdea eta Zabalganako skate parkea.
Saskibaloian jokatu nahi dut
Hirian hainbat espazio daude saskibaloian jokatzeko, aire zabalean zein leku itxian:
- Jokalekua erreserbatu (ziurtagiri digitala behar da)
- Aire zabaleko pista libreak
Zure iritziak axola digu
Nahi baduzu, iruzkinak egin ditzakezu. Nahitaezkoa da identifikatzea.