Euskara sustatzeko jarduerak. 2020-2021 ikasturtea

Ikastaroen eskaintza

Euskara ikasteko lau programa antolatzen dira, ondoko gizarte taldeentzat:

  1. Gurasoentzako ikastaroak: zentroak | mailak
  2. 55 urtetik gorakoentzako ikastaroak: zentroak | mailak
  3. Atzerritarrentzako ikastaroak (AISA)
  4. Merkataritza eta ostalaritzako langileentzako ikastaroak

Informazio liburuxka (pdf)

Izena emateko informazio orokorra

Datak eta izena emateko moduak, izena emateko behar den dokumentazioa, formularioa Itxarote zerrendetarako, mailaketa-probaren ezaugarriak, prezioa (kuota murriztuak eta matrikula-itzultzea), eta behar bereziak, asistentzia-kontrola eta egutegiari buruzkoinformazio gehiago.

Datak eta izena emateko modua

Datak: irailaren 1etik 6 arte.

Oraintzeko moduak:

  • Webgunean izena eman duzun jarduerak Kontsultatu, formalizatu eta ordaindu atalean.
  • 010 telefonora deituz "ordaintzeko agindua" lortzeko eta gero banku-erakunde batean edo Internet bidez ordaintzeko
  • buzon.010@vitoria-gasteiz.org helbidera NAN kopia bidaliz, Udalak behar den  "ordaintzeko agindua" bidaliko du, gero banku-erakunde batean edo Internet bidez ordaintzeko.

Guraso eta 55 urtetik gorako taldeetako 2019-2020 ikasturteko ikasleak: aurreko ikasturtearen aldean aldaketaren bat egin nahi badute (maila, ordutegia, egunak, tokia edo txandak).

Irailaren 7tik 13ra, aurrez aurre ikastaroa egin nahi den gizarte-etxean.

Guraso, 55 urtetik gorako, AISAko eta merkataritza eta ostalaritzako langileentzako taldeetako ikasle berriak.

Irailaren 7tik 13ra, aurrez aurre ikastaroa egin nahi den gizarte-etxean.

Dokumentazioa

Gurasoak: A1 mailako ikasle berriak: Erroldako datuak ez badatoz bat familia-liburukoekin, eskatzailea eta seme-alabak ageri diren familia-liburuko orrien fotokopia aurkeztu beharko dute.

Gainerako mailetako ikasle berriak: aurreko puntuan adierazitakoaz gain, euskaltegiaren ziurtagiria —mailaketa-proban lortutako emaitza edo 2018-2019 eta 2019-2020 ikasturteetan gainditutako ikasketak—. Maila horretako taldeetan edo aurreko mailakoetan bakarrik onartuko dira.

Txandak: txandaka joan nahi dutenek bi talde aukeratu beharko dituzte, lan-txandaren arabera batera edo bestera joateko. Era berean, adierazi beharko dute zein den talde nagusia.

Merkataritza eta ostalaritzako langileak: kontratua, edo merkataritza-establezimendu batean lan egiten dela —edo 2019an edo 2020an uneren batean egin dela— egiaztatzen duen beste agiriren bat.

Itxarote zerrendak

Itxarote-zerrendak egingo dira 2020ko irailaren 1etik 20ra. Horretarako formularioa bete behar da, webgunearen bidez, 010 telefonora deituta edo aurrez aurre ikastaroa egin nahi den gizarte-etxean.

Gerora libre geratzen diren lekuak itxarote-zerrendetan daudenei eskainiko zaizkie. Telefonoz deituko zaie horretarako, 2020ko irailaren 22tik urriaren 10era bitartean. Epe hori igarotzen delarik, ez da beste lekurik eskainiko, ikasturtean zehar libre geratu arren.

Itxarote-zerrendetan ez da onartuko programa honetako beste talderen batean matrikulatuta daudenen izen-ematerik.

Itxarote-zerrendetan izena ematen dutenek ez dute matrikula ordaindu beharko Udalak leku bat libre gelditu dela baieztatu arte. Izan ere, ikasturtea hasita badago, ikasle berria noiz hasten den, horren araberakoa izango da ordaindu beharreko diru-kopurua.

Lehentasunen-hurrenkera: behar izanez gero, eskabidea aurkeztu zen eguna eta ordua kontuan hartuko dira, hurrenkera hau errespetatuko bada ere:

  1. Gurasoak: 2019-2020 ikasturteko ikasleak —izena ematerik izan ez dutenak taldeak bete direlako irailaren 1etik 6ra bitartean— eta ikasle berriak.
  2. Euskara Zerbitzuaren beste programa batzuetako ikasleak —55 urtetik gorakoak, merkataritza eta ostalaritzako langileak edo AISA)—, ikastaro berezi horiek burutu dituztelarik euskara ikasten jarraitu nahi dutelarik.
  3. Herritarrak, oro har.
Matrikularen prezioa
  • Gurasoentzako ikastaroak: a) Arrunta: 108 euro; b) Murriztua: 85,60 euro. Ikasle berriek matrikula murriztua ordainduko dute, baita 2020ko martxoaren 9ra arte eskoletara joan ziren ikasleek ere; c) Langabeek % 15eko hobaria izango dute.
  • 55 urtetik gorakoentzako ikastaroak: 51,2 euro. Langabeek % 15eko hobaria izango dute .
  • Atzerritarrentzako ikastaroak (AISA): 9,60 euro.
  • Merkataritza eta ostalaritzako langileentzako ikastaroak: 47,7 euro.

Langabeentzako kuota murriztuak

Langabeek eskainitako jardueren prezioetan, % 15eko hobari gehigarria izango dute. Deskontu hori tarifa arrunta ordaindu ondoren eskatu beharko da; horretarako, inprimaki hau bete beharko da ordainketa egiteko unean, udalaren webgunearen bidez, eta egiaztagiria elektronikoki erantsi beharko da. Langabea izatearen egoera ziurtatzeko, Lanbideko Izena Emateko Aldiei Buruzko Ziurtagiria edo Txostena aurkeztu behar dute, eta agiria eskuratzen denetik ikastaroan izena eman arte gehienez zazpi egun igaroko dira.

Matrikula-itzultzea

Izena eman duen pertsona eskoletan hastekoa ez bada, eskolak hasten diren eguna baino lehenago jakinarazi beharko du; hala egin ezean, galdu egingo du ordaindutako matrikula. Matrikula itzultzen bazaio, kontu korrontean sartuz egingo da; hartara, ordaindutakoaren %85a itzuliko zaio, eta %15a gorde, kudeaketa-gastuengatik. Izen emate kopuru jakin batera heldu ezean, bertan behera utzi ahal izango dira ikastaroak eta matrikularen %100a itzuliko da.

Mailaketa-probak

A1 mailakoak ez diren ikasle berrientzat

  • Gurasoentzako euskara-ikastaroak. 2018-2019 edo 2019-2020 ikasturtean euskaltegi batean ikasi dutenek ez dute mailaketa- proba egin beharko; aski izango da ikasleak gainditu duen maila adierazten duen euskaltegiaren ziurtagiria ematea gizarte-etxean matrikula egitean. Gainerako kasuetan honela jokatu beharko da: ondorengo euskaltegietakoren bat aukeratu, bertara telefonoz deitu eta proba egiteko hitzordua hitzartu beharko da. Gizarte-etxean matrikula egitean, proba egin ondoren euskaltegian emandako ziurtagiria aurkeztu beharko dute.
    • AEK: 945 263540 (José Mardones 8), 945 252400 (Arana 30), 945 217508 (Bartzelona 28)
    • Hegoalde: 945 284196 (José Lejarreta 9)
    • IKA: 945 154341 (Adriano VI.a 18)
    • Udaberria: 945 223433 (Abendaño 48)

Itxarote-zerrendetan izena emanda daudenek ez dute mailaketa-proba egin beharko Udala beraiekin harremanetan jarri arte —talde batean onartuta daudela jakinarazteko—..

  • 55 urtetik gorakoentzako euskara-ikastaroak: euskara lehenago ikasi badute, proba egin beharko dute, IKAn: 945 154341 (Adriano VI.a, 18). Horretarako, proba egiteko hitzordua hartu beharko dute, telefonoz. Gizarte-etxean matrikula egitean, proba egin ondoren euskaltegian emandako ziurtagiria aurkeztu beharko dute. 2018-2019 edo 2019-2020 ikasturteetan euskaltegi batean ikasi badute, ez dute proba hori egin beharko; aski izango da ikasleak gainditu duen maila adierazten duen euskaltegiaren ziurtagiria.
  • Merkataritza eta ostalaritzako langileentzako euskara-ikastaroak: Derrigorrezko Bigarren Hezkuntzako titulua edo teknikari-titulua B edo D ereduan ikasiz eskuratua dutenek B1.2 mailan matrikulatu ahal izango dute zuzenean. Hala ere, maila horri eusten dioten egiaztatu nahi badute, proba egin ahal izango dute, IKAn: 945 154341 (Adriano VI.a 18). Orobat egin dezakete proba beste moduren batean lehendik zer edo zer ikasia dutenek. Batzuek nahiz besteek, proba egiteko hitzordua hitzartu beharko dute, telefonoz. Gizarte-etxean matrikula egitean, proba egin ondoren euskaltegian emandako ziurtagiria aurkeztu beharko dute. 2018-2019 ikasturtean euskaltegi batean ikasi badute, eta maila hori badute, ez dute proba egin beharko; aski izango da ikasleak gainditu duen maila adierazten duen euskaltegiaren ziurtagiria.
Informazio gehiago

Ikasturtearen egutegia

  • Gurasoentzako euskara-ikastaroak eta 55 urtetik gorakoentzako euskara-ikastaroak: 2020ko urriaren 1etik 2021eko ekainaren 4ra arte.
  • Atzerritarrentzako euskara-ikastaroak (AISA): 2020ko urriaren 1etik 2020ko abenduaren 14ra. Bigarren ikastaro bat egin ahal izango da urtarriletik martxora bitartean, baldin eta gutxienez bederatzi ikasle badaude. Aita Orbiso LHLIko taldeak: 2020ko urriaren 1etik 2021eko ekainaren 17ra arte.
  • Merkataritza eta ostalaritzako langileentzako euskara-ikastaroak: 2020ko urriaren 1etik 2021eko urtarrilaren 29ra. Bigarren ikastaro bat egin ahal izango da otsaila bukaeratik maiatzera bitartean, baldin eta gutxienez 9 ikasle badaude.
  • Ez da eskolarik izango hurrengo egunotan: urriak 12; abenduak 7 eta 8; abenduaren 24tik urtarrilaren 6ra; martxoak 19; apirilaren 1etik 11ra; apirilak 28.

Asistentzia-kontrola

Kasu guztietan, asistentzia-kontrola egingo da, taldeei jarraitutasuna emateari begira. Gainera, guraso-taldeetan, orobat izango da kontuan asistentzia udal ordenantza fiskal eta prezio publikoetan hurrengo ikasturterako finkatzen diren matrikula murriztua eta arrunta aplikatzeko orduan.

Behar bereziak

Ikasleren batek premia bereziak izanez gero, eskabide-orria bete beharko du adierazteko nolako premia duen. Euskara Zerbitzuak baloratu, eta ahal duen neurrian, saiatuko da erantzuna ematen.

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?            

Nahi baduzu, iruzkinak egin ditzakezu.
Nahitaezkoa da identifikatzea.

Gaia publikoa izatea aukeratzen baduzu, gainontzeko herritarrek zuk idatzitakoa eta udalak emandako erantzunak irakurri ahalko dituzte; baita iruzkinak egin ere. Gaia pribatutzat jotzen baduzu, zuk bakarrik izango duzu gai horretarako sarbidea eta udalak emandako erantzunak irakurtzeko aukera. Gaia idaztean identifikazio kodea emango zaizu.

Aldartea

Harremanetarako beste kontaktu bat: