Merkataritza eta ostalaritza - Gasteizko azokak eta feriak

Gasteizen zenbait azoka eta feria egiten dira kalean bertan, era guztietako ekoizleak eta saltzaileak biltzen dituztenak.

Hiriko hainbat alderditan astero edo egun jakinetan egiten diren azoketan produktu gastronomikoak, jantziak, bilduma-gaiak, apaingarriak, osagarriak eta abar aurki ditzakegu. Azoketan, oro har, inguruko ekoizle, artisau eta saltzaileek askotariko produktuak eskaintzen dituzte.

Udal azoka eta feriak

Gasteizko Udalak aldian aldiko eta egun jakinetako azoka hauek kudeatzen ditu:

Santa Barbara plazako azoka

Egunak: ostegunetan eta larunbatetan.
Produktuak: barazki eta frutak, eta eskuz landutako janariak.
Kokalekua: Santa Barbara plaza, pergolaren aterpean.
Informazio gehiago: Santa Barbara plazako azoka.

Simon Bolibar plazako azoka

Egunak: ostegunetan eta larunbatetan.
Produktuak: barazki eta frutak nahiz mintegiko produktuak, eskuz landutako janariak, norberarentzako eta etxerako gaiak.
Kokalekua: Simon Bolibar plaza.
Informazio gehiago: Simon Bolibar plazako azoka.

Lakua-Arriagako azoka

Egunak: asteazkenetan.
Produktuak: barazki eta frutak nahiz mintegiko produktuak, eskuz landutako janariak eta jantziak.
Kokalekua: Lakua-Arriagako aparkalekua.
Informazio gehiago: Lakua-Arriagako azoka.

Igandeetako bildumagileen azoka

Egunak: igandeetan.
Produktuak: aisia eta kultura arloko bilduma-gaiak.
Kokalekua: Espainia Plaza (Plaza Berria).
Informazio gehiago: Igandeetako bildumagileen azoka.

Erdi Aroko azoka

Egunak: iraileko azken asteburuan.
Produktuak: gastronomia, artisautza eta Erdi Aroan girotutako ikuskizunak.
Kokalekua: Erdi Aroko hirigunean.
Informazio gehiago: Erdi Aroko azoka.

Eguberrietako azoka

Egunak: eguberrietan.
Produktuak: artisau-produktuak.
Kokalekua: Independentzia kalea eta Urrezko Celedonen plaza.
Tramitea: Eguberrietako Azokan salmenta ibiltariko saltokia jartzeko lizentzia eskaera.
Informazio gehiago: Eguberrietako azoka.

Andre Maria Zuriaren jaietako azoka

Egunak: Andre Mari Zuriaren jaietan, uztailaren 24tik abuztuaren 9ra arte.
Produktuak: artisau-produktuak.
Kokalekua: Santa Barbara plaza.
Informazio gehiago: Andre Maria Zuriaren jaietako azoka.

Oinez egiten den kaleko salmenta

Oinez eta ibilian egiten den puxika, txano, lepo-zapi edota jaietako beste ohiko produktuen salmenta.

Datak: uztailaren 25ean (Santiago eguna) eta abuztuaren 4tik 9ra arte (Andre Maria Zuriaren jaiak).
Kokalekua: hiriko hainbat tokitan.
Tramitea: Santiago egunean eta Andre Maria Zuriaren jaietan oinez saltzeko baimenaren eskabidea

Baratxurien azoka

Egunak: uztailak 25.
Produktuak: baratxuriak.
Kokalekua: San Frantzisko kalean eta Errege ataria.
Informazio gehiago: Baratxurien azoka.

Olarizuko erromeriako azoka

Egunak: Andre Mariaren Jaiotzaren egunaren (irailaren 8a) ondorengo astelehenean.
Produktuak: erromeriako produktu tipiko eta tradizionalak.
Kokalekua: Olarizu zelaietan.
Informazio gehiago: Olarizuko erromeriako azoka.

Santa Isabel eta Salbatzailearen hilerrietako lore-saltokiak

Egunak: Santu Guztien egunean (Santa Isabel eta Salbatzailea) eta urte osoan (Salbatzailea).
Produktuak: loreak.
Kokalekua: Santa Isabel hilerria eta Salbatzailearen hilerria.
Informazio gehiago: Santa Isabel eta Salbatzailearen hilerrietako lore-saltokiak

Bestetik, Gasteizko Udalak salmenta ibiltariko jarduera hauek kudeatzen ditu:

Foodtruck edo janari-furgonetak

Data: urteko hainbat alditan.
Kokalekua: hiriko hainbat tokitan.
Tramitea: Janari-furgonetekin kalean saltzeko eskabidea

Gaztaina-saltokiak

Datak: Urria eta urtarrila bitartean.
Kokalekua: Hiriko hainbat tokitan.
Tramitea: Gaztainak saltzeko postua instalatzeko eskaera

Izozki-saltokiak

Izozkiak saltzen diren kiosko eta saltoki-ibilgailuak.

Datak: martxoa eta iraila bitartean.
Kokalekua: hiriko hainbat tokitan.
Tramitea: Izozkiak saltzeko postua instalatzeko eskaera.

Hiriko beste azoka batzuk

Eguberrietako nekazaritza eta artisautza azoka

Egunak: Eguberri eguna aurreko ostegunean.
Produktuak: hainbat produktu ditu eskaintzan, jatekoak zein artisautzakoak, Gabonetara begira
Kokalekua: Espainia plaza.
Antolatzailea: Vital Fundazioa.
Informazio gehiago: Eguberrietako nekazaritza eta artisautza azoka.

Napoleonen garaiko azoka

Egunak: martxoan edo apirilean.
Produktuak: gastronomia, artisautza eta Napoleonen garaian girotutako ikuskizunak.
Kokalekua: Arriaga parkean.
Antolatzailea: Ipar Arriagako auzo-elkartea.
Informazio gehiago: Napoleonen garaiko azoka.

Almendrako azoka

Egunak: hil bakoitzeko lehen larunbatean.
Produktuak: gastronomia, jantziak eta osagarriak.
Kokalekua: Erdi Aroko hirigunean.
Antolatzailea: Gasteiz On.
Informazio gehiago: Almendrako azoka.

Nekazaritza azoka gardena

Egunak: martxoan eta irailean.
Produktuak: Araban ekoitzitako jakiak.
Kokalekua: Urrezko Zeledonen plaza.
Antolatzailea: UAGA eta AGA S. Coop.
Informazio gehiago: Nekazaritza azoka gardena.

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.