Turismo-ostatuetan plastikozko ontzien kontsumoa murrizteko proiektua - Ekonomia zirkularra

2018an Udalak eta hiriko 38 turismo ostatuk indarrak batu zituzten PET plastikozko ontzien kontsumoa murrizteko, erabiltzen direnak bildu eta birziklatzeko, eta bizi-zikloa bete duten ontziei bizitza berria emateko.

Ekintzak

  • Plastikozko ontzi arinen erabilera murrizteko, 400 kristalezko pitxar banatu dira PET botilen ordez erabil daitezen, eta txorrotako uraren balioa nabarmentzeko
  • Janari zerbitzuak dituzten ostatuetan 2.100 gourmet box banatu dira. Material konpostagarriz eginak dira, eta PET janari-ontzien ordez erabiltzekoak, janari-xahuketaren kontrako borrokan.
  • Plastikozko ontzien birziklatzea hobetzeko, hondakin ugari sortzen dutenentzako atez ateko bilketa-sistema antolatu da, eta zenbait formatutako edukiontziak banatu, hondakinak sortzen diren lekuetan bereizketa errazte aldera.
  • Ontzi arinak biltzeko zaborrontziak jarriko dira ostatuetako espazio komunetan, turistak sentsibilizatu eta inplikatzearren.
  • Hotel eta ostatuetan ohiko diren zenbait osagarri plastiko birziklatuz egingo dira. Zehazki, % 100ean PET birziklatuz eta Euskadin egindako 40 tapiz (espazio komunetarako) eta ateetarako 900 zintzilikario banatu dira parte hartzen duten ostatuetan.

Bideoa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.