Ikerlan feministen lehiaketa

Lehiaketaren oinarriak

2021eko urriaren 29an Mentxu Ramilo, Itziar Nanclares de Gamboa eta Borja Muñozek lehiaketaren 2. edizioa irabazi dutela iragartzen da.

Aukeratutako ikerketa-proposamenen aurkezpen-ekitaldia, La transversalidad del principio de igualdad en la investigación hitzaldiarekin batera, maiatzaren 23an izango da, Emakumeen Etxean (Etxanobe jauregia).

Jarraian, lehiaketaren 2. edizioa arautu duten oinarri arautzaileak zehazten dira.

Xedea 

Deialdi honen xedea ezagutza eta ikerkuntza feminista sustatzea da, Jabetze Feministarako Eskolaren ekimenez 2021-2022 ikasturtean, udalerrian ahalduntze feminista lortzen laguntzeko.

Edukiak 

Ikerlanen gaia egile(ar)en interesguneen araberakoa izango da, betiere jabetze feminista eragiten duten bizipenei erreparatuta, edota, emakumeen nahiz LGTBI lagunen eskubideen alde, eraldaketa soziala bultzatzeko zer egin daitekeen begiratuta.

Hautaketa 

Lehiaketa ebazteko instrukzio-organoa —hiru proiektu aukeratuko ditu, guztira—, Berdintasun Zerbitzua izango da, Gasteizko Udalaren Alkatetzaren eta Erakunde Harremanen Sailaren baitakoa. Zerbitzu horrek zinegotziari igorriko dio, onar dezan, hautaturiko ikerlanen proposamena. Proposamen hori epaimahai batek eginda egongo da, eta honakoak izango dira epaimahaikideak:

  • Hezkuntza Zerbitzuaren ordezkari bat.
  • Berdintasunerako Zerbitzuaren ordezkari bat.
  • EHUko bi ordezkari, master honetakoak: Emakume eta Gizonen arteko Berdintasunaren gaineko Masterra: Berdintasunerako Eragileak.

Eskakizunak 

  • Bakarka nahiz taldeka aurkez daitezke bi proposamen , gehienez.
  • Proposamena aurkezten duen pertsona edo taldea Euskal Autonomia Erkidegoan bizi behar da, edo bertan ikasi edo lan egin behar du.
  • Ikerlana egiteko, ikuspuntu feminista intersekzionala hartu beharko da. Halaber, ‘emakumeak’ subjektu politikoa zabaltzea aintzat hartu beharko da, eta hizkera ez-sexista erabili beharko du.
  • Proposamenak euskaraz zein gaztelaniaz aurkeztu eta garatu ahalko dira. Euskaraz aurkeztu eta egiten direnak bereziki baloratuko dira, 10etik puntu 1 jasota.

Balorazio-irizpideak

  • Kalitate teknikoa: 4,5 puntu.
  • Proiektuak Gasteizko udalerriaren edo Eskolaren testuingurua hartzen du erreferentziatzat: puntu 1.
  • Proiektuak berariaz jasotzen du ikerlanaren aplikazio praktikoa Gasteizen edo Eskolan: puntu 1.
  • Proposamena euskaraz aurkeztu eta garatuta dago: 0,5 puntu.
  • Prestakuntza, ibilbide profesionala eta parte-hartzea emakumeen erakundeetan, kolektibo feministetan eta LGTBI kolektiboetan: 3 puntu.

 Aurkeztu beharreko dokumentazioa

  • Proposatuko den ikerlanaren deskribapena: 2.000 hitz gehienez, Times New Roman letra mota , 11 puntu, eta espazio bikoitzean. Proposamenak atal hauek izan beharko ditu, gutxienez: izenburua, gaiaren definizioa, gaiaren justifikazioa, helburuak eta metodologia.
  • Eskatzaileak edo eskatzaile-taldeak CVa(k) aurkeztu beharko d(it)u(z)te. Horietan, hurrengoak aipatu beharko dituzte: prestakuntza; ibilbide profesionala; eta parte-hartzea emakumeen erakundeetan, kolektibo feministetan eta LGTBI kolektiboetan.

Kontuan hartu beharreko datak

  • Proposamenen aurkezpena

Ikerlanen proposamenak 2021eko irailaren 30era arte aurkeztu ahalko dira helbide honetara bidaliz: berdineskolavg@vitoria-gasteiz.org

 Hautaturiko proposamenen berri urriaren 29an emango da. Ikerketa-proiektuak 2021eko urriaren 30a eta 2022ko apirilaren 30a bitartean gauzatuko dira, eta 20.000 hitzeko luzera izango du gutxienez.

  • Diru-kopurua

Hautatutako hiru proiektuek 4.800na € jasoko dute. Diruaren iturria 2021/0160.2381.22712 diru-partida izango da, edo Berdintasun Zerbitzuaren 2021eko aurrekontuko antzeko beste batekoa.

Udalak bi epetan ordainduko  du dagokion diru-kopurua:

 %75, egileari bere proposamena hautatu dela jakinarazi eta gero.

%25, behin ikerlana burutu eta Berdintasunerako Zerbitzuan entregatu ostean.

Diru-kopurua jaso ahal izateko, epaimahaiak erabaki behar du aurkezturiko proiektuak (lehen ordainketa) eta ikerlanak (bigarren ordainketa) kalitate-irizpide minimoak betetzen dituztela.

Aurkezpen-publikoa

Deialdi honetan hautaturiko ikerlanaren aurkezpen-publikoa egitea aurreikusten da, 2022ko maiatzaren 23an.

Lehiaketa arautzeko oinarriak pdf

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.