Ikerlan feministen lehiaketa
Ikerlanak
Ikerlanen gaia proposatzailearen/proposatzaileen interesen araberakoa izango da; betiere, ahalduntze feminista eragiten duten esperientziei erreparatzen bazaie edo Gasteizko emakumeen nahiz sexualitate eta genero-adierazpen eta -identitate ez-normatiboak dauzkaten pertsonen eskubideen aldeko gizarte-eraldaketari ekarpena egiten bazaio.
Bidelaguntza
Lehiaketa Jabetze Feministarako Eskolaren barruan dago eta ikerketa-lanean aritzeko bidelaguntza eskainiko da, akademiaren edo ikerketaren eremuan lan egiten ez dutenek ere egitasmoan parte hartu ahal izan dezaten.
Ekimen honek 4.800 euro ditu bi proiektu irabazleetako bakoitzerako, eta EHUko Emakumeen eta Gizonen berdintasunaren gaineko Masterra: Berdintasun Agenteak masterra du lagun.
Aurkezpena
2025eko ekainaren 5ean ikasturtean zehar garatu diren ikerketen aurkezpen publikoa egingo da Emakumeen Etxean.
2024-2025eko edizioa
- June Fernández Casetek eta Pilar Rodríguez Pérezek irabazi dute ikerlan feministen V. Lehiaketa – 2024ko urriak 31
- Lehiaketa arautzen duten oinarriak
Egindako ikerketak
Lehiaketa irabazi duten ikerlanen proposamenak ikasturte bakoitzeko azarotik maiatzera bitartean egingo dira. Orrialde honetan edizio guztietan egindako ikerketak biltzen dira.
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.