Reutilizagune: Bota baino lehen berrerabili

Doako artikuluak eta dohaintzan eman daitezkeenak

Erabiltzeko moduan dauden gailu elektriko eta elektronikoak, etxetresna elektrikoak, jostailuak, altzariak, material informatikoa, kirol-arlokoa eta haurrei zuzendutakoa, eta liburuak, entretenimenduzkoak zein entziklopediak edo testu-liburuak –betiere egoera onean badaude– dira zerbitzu honetan dohaintzan eman edo eskuratu daitezkeen artikuluen tipologiak.

Horrela, objektu aprobetxagarrien bizitza luzatzen dugu eta baliabide naturalen kontsumoarekiko errespetutsuagoa den kontsumo-eredu bat balioan jartzen dugu.

Reutilizagunen eskuragarri dauden artikulu guztiak lokalean kontsultatu eta erreserbatu ahalko dira, edo webgunearen bidez.

Katalogoa kontsultatu

Jarraibideak

• Erabiltzaileak zerbitzuan erregistratu beharko dira, eta artikuluak dohaintzan eman eta jaso ahalko dituzte.
• Jasotzeko, hori bai, beharrezkoa da HUT txartela aurkeztea.
• Entregatutako artikuluen egoera eta funtzionamendua aztertuko du Reutilizagune zerbitzuak, berrerabili ezin direnak baztertuz eta kudeatuz.
• Zerbitzuaren datu-basean katalogatuko dira onartutako artikulu guztiak eta 2 kategoria izango dituzte: doakoak edo dohaintzan eman ahal direnak.

Dohaintzan ematen diren artikuluak:

Zerbitzua dohaintza bati lotuta dagoenean, helburu solidarioetarako izango da betiere dohaintza hori eta dohaintzan ematen duen pertsonak eskuragarri dituen aukeren artean aukeratu ahalko du entregaren ondoriozko zenbatekoa zein lankidetza-proiektutara edo kausatara bideratu nahi duen, eta betiere txartel bidez egingo da hori.

Informazio gehiago: kontsultatu artikuluak entregatzeko, jasotzeko eta erreserbatzeko jarraibideak.

Zure artikuluak konpontzeko gunea

• Reutilizagunek konponketarako eta egokitzapenerako ekipatutako tailer txiki bat dauka.
• Erabiltzaileek beren artikuluak konpontzeko erabili dezakete gune hori, hala nahi badute.
• Zerbitzuak tailerreko monitore bat izango du erabiltzaileei konponketan laguntzeko eta haiei aholkatu eta erreminten erabilerari buruz informatzeko, istripuak saihesteko helburuarekin.
• 3 pertsona egon daitezke gehienez ere aldi berean tailerrean.

Erreserbak

• Erabiltzaileek aldez aurretik erreserbatu beharko dute gunea, telefonoz edo emailez.
• Erreserbek ordubeteko iraupena izango dute gehienez.
• Astean erreserba bat egin ahalko da gehienez.

Konponketa-ikastaroak

Horrez gain, mantentze-lanei eta konponketari buruz aldian behingo ikastaro tematikoak eskaintzen ditu zerbitzuak, konponketa-zentroko zerbitzuaren osagarri gisa. Prestakuntza-jardunaldi puntual horiek instalazioan bertan edo prestakuntza-jarduketarako leku zabalagoa eta ezaugarri hobeak dituen beste instalazio osagarri batean egin ahalko dira.

Reutilizagunen laga daitezkeen objektuak

Oro har, oraindik ere bigarren bizitza bat izan dezaketen guztiak. Adibideak:

• Egoera onean dauden gailu elektriko eta elektronikoak
• Egoera onean dauden etxetresna elektrikoak
• Egoera onean dauden jostailuak
• Egoera onean dauden altzariak (aulkiak, mahaiak, tabureteak, idazmahaiak, eta abar)
• Egoera onean dagoen material informatikoa (saguak, inprimagailuak, teklatuak…)
• Egoera onean dagoen kirol-materiala (bizikletak, patinak, kaskoak, eta abar)
• Erabiltzeko dagoen haurrentzako materiala (haur-kotxeak, auto-aulkitxoak, eta abar)
• Liburuak, entretenimenduzkoak zein entziklopediak edo testu-liburuak