Gasteizko produkzio ehuna lehiakorra eta berritzailea izan dadin, eta inguru ekonomiko globalizatuari egokitzeko ahalmena izan dezan, Gasteizko Udalak hainbat zerbitzu eskaintzen dizkie enpresei, besteak beste, enpresa-kudeaketako diagnostikoa eta aholkularitza, enpresak sendotzeko programa eta digitalizazioarekin eta zibersegurtasunarekin lotutako zerbitzuak.
Prestakuntza, jardunaldi eta topaketen egutegia kontsultatu eta ekonomiaren sustapenerako buletin digitalean izena emateko aukera baliatu ezazu.
Enpresak sendotzeko programak merkatu berriak bilatzen dituzten edo estrategia, marketina, finantzak eta antolamendua eta pertsonak bezalako arloeta lehiakortasuna hobetu nahi duten enpresei zuzenduta dago.
Informazio gehiago
Aholkularitza eta laguntza espezializatuko zerbitzu honek, inolako kosturik gabe, enpresei laguntzen die enpresa-kudeaketa eraginkorragoa garatzen, beren ingurunera egokitzeko gaitasuna handitzen eta lehiakortasuna indartzen.
Enpresa txiki eta ertainei laguntza espezializatua eta doakoa emateko zerbitzua, beren plantilletan edo, zehazkiago, beren negozioarentzat kritikoak diren lanpostu jakin batzuetan belaunaldi-erreleboa arrakastaz nola egin behar duten arduratzen direnak, ezagutza modu egokian transferitu eta konpainian jarrai dezaten.
Kudeaketa aurreratuaren programak prestakuntza praktikoa eta banakako orientazioa eskaintzen die enpresei, lehiakortasuna hobetzeko eta egoera berrietara eraginkortasun handiagoz egokitzeko oinarriak finkatzen dituen kudeaketa-eredua praktikan jartzerako orduan.
BDCCren (Basque District of Culture and Creativity) eskutik, Kultura eta Sormen Industrien (KSI) sektoreko enpresa eta profesionalei zuzendutako doako aholkularitza espezializatua, egungo merkatuaren eta testuinguru ekonomikoaren arabera haien lehiakortasunean eta pro-fesionalizazioan hobetzeko beharrezkoak dituen ezagutzaz eta tresnez hornitzeko.
Enpresei zuzendutako lantegi teknologikoen bidezko digitalizazioko aholkularitza-zerbitzua da. Bertan, enpresek interneteko posizionamendua hobetzeko, salmenta kanal berriak ireki edo gailu mugikorrak erabiltzerako orduan aukera ezberdinak jorratzen dira, besteak beste. Laguntza zerbitzu presentziala edo telematikoa eskaintzen du, landutako soluzio teknologikoak ezartzeko.
Zibererasoei aurrea hartu eta zibersegurtasunaren arloko neurriak eta erabakiak har ditzaten orientabidea. Zibersegurtasunari buruzko jardunaldiak ere antolatzen dira, enpresa-mota guztiei zuzenduta.
Itun Berdeko Komunitateko ETEei zuzendutako nazioartekotze-ekintzetan laguntzeko programa honek, besteak beste, nazioarteko azoketara, networking-topaketetara eta misio komertzialetara joateko laguntza eskaintzen du.
Enpresei beren berrikuntza-prozesuko diagnostikoa egitean datza, enpresen lehiakortasun-gaitasunak hobetzen laguntzeko eta berrikuntzaren arloko erronkei eta premiei irtenbideak eskaintzeko.
Enpresentzako bitartekaritza laboralaren zerbitzuak langileak hautatzea behar duten enpresei hautagai egokiak aurkitzen laguntzen die modu azkar eta erosoan eta kostu ekonomiko erantsirik gabe.
Enpresak sortu, finkatu, lehiakortasuna hobetu eta modernizatzearekin lotutako alderdiak indartzeko dirulaguntzen deialdiak.
Innova Circular programa beren egoera aztertu, erabaki-giltzarriak hartu eta ekonomia zirkularraren arloko erronka arauemaile, tekniko eta estrategikoei aurre egiteko prestatu nahi duten enpresei zuzenduta dago. .
Itun Berdea hainbat enpresez eta enpresa-arloko erakundeez osatutako komunitate bat da. Komunitateko kideak baliabide natural gutxiago eskatzen dituzten eta klima-eragin txikiagoa duten negozio-ereduetarako trantsizioan ari dira lanean.
Ekonomia berdearen irizpideei helduz Gasteizko industria-garapena sustatze aldera, udalak energia-aholkularitzako doako zerbitzu hau eskaintzen die industria-enpresa txiki eta ertainei, argiaren eta gasaren fakturetan kostuak aurrezteko, berotegi-efektuko gasak murrizteko eta karbono-aztarna kalkulatzeko, instalazioaren azterketa pertsonalizatua eginez.
Gasteizko Hiri Laborategia programak aukera ematen die proiektu teknologiko jasangarri edo berritzaileak dituzten enpresei testuinguru errealean esperimenta dezaten.
Vitoria-Gasteiz Film Office doako zerbitzu publikoa da, Gasteiz bere filmazioen agertoki gisa aukeratzen duten ikus-entzunezko produkzioak sustatu eta laguntzeko.
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.
