Vitoria-Gasteizko Udala

SmartEnCity - Koroatze plana: karbonoan neutro diren hiri adimentsuak sortzea

Proiektuaren aurkezpena

Vitoria-Gasteiz da SmartEnCity europar proiektuan parte hartzen duten hiru hirietako bat (Estoniako Tarturekin eta Danimarkako Sondeborgekin batera). Honako hau da asmoa: CO2 gabeko hiri adimentsuak sortzeko europar estrategia garatzea. Vitoria-Gasteizen kasuan, Koroatze auzoaren birgaitze energetikoaren bidez hezurmamituko da proiektua.

Proiektu hori erreferentziako jarduketa bihurtzeko asmoarekin jaio da, Vitoria-Gasteiz hiri berdeagoa, karbonoan neutroa eta tokiko baliabideak eta ekonomia bultzatuko dituena izan dadin. Proiektua 2016an jarri da abian eta 2021eko erdialdera arte iraungo du. Koroatze auzoko biztanleen bizitza-kalitatea hobetzeko aukera paregabea da; izan ere, hainbat etxebizitzaren birgaitze energetikoaz gain -erosoagoak izateko -, kaleak eta plazak zaharberrituko dira, eta, horrenbestez, auzoa erakargarriagoa izango da.

2017an, hasieran zehaztutako birgaitze proiektuaren jarduera-eremua hedatu egin zen. Gainera, proiektura atxikitzeko epea maiatzaren 31ra luzatu zen, jarduera-eremua inguruko kaleetara ere zabalduz.

• Jarduera-eremuan dauden komunitateen zerrenda (xls)
• Jarduera-eremuan dauden komunitateen zerrenda (xls)Informazio gehiago epea luzatzearen eta jarduera-eremua handitzearen inguruan

Zergatik Koroatze auzoa?

Vitoria-Gasteizko Udala eta Eusko Jaurlaritza dira proiektuaren sustatzaileak (azken horrek Visesa sozietate publikoaren bidez). Proiektua bideratzeko, Koroatze auzoa aukeratu zuten, Vitoria-Gasteizko auzorik premiatsuena (lehentasun handiena zuena) zela ikusi baitzen. Izan ere, gizarte-ikuspuntutik nahiz bizigarritasunean, irisgarritasunean eta energia-eraginkortasunean, auzorik ahulenen zerrendan kokatu zen.

• Koroatze auzoari buruzko informazio gehiago

Koroatze auzoan eskuratutako eskarmentua hiriko gainerako auzoak birgaitzeko gidalerroa izango da.

Proiektuaren ezaugarriak

Auzoa birgaitzeko proiektua da, honako hauek barne hartuta:

1. Auzoko eraikinen fatxadaren eta estalkiaren birgaitze energetikoa.
2. Egurrez elikatutako berokuntzako eta ur beroko sistema zentrala ezartzea.
3. Espazio publikoa birgaitzea : kaleak eta plazak, zoladura, eserlekuak, lorategiak... zaharberritzea.

Jarduera horiei esker:

• Auzoaren energia-eskaria gutxitu eta energia berriztagarriak erabiliko dira erregai fosilen ordez.
• Etxebizitzen bizigarritasuna eta erosotasuna hobetu egingo dira.
• Berokuntzaren eta ur beroaren fakturan aurreztu egin ahal izango da.
• Auzotarrek proiektua zehazteko prozesuan partaidetza aktiboa eta zuzena izango dute.

Aurrekontu orokorra

Proiektuak 75.565.000 euroko aurrekontua du osotara, hiru hirientzat. Europar Batasunak 27.890.136 euroko dirulaguntza eman du (ehuneko 37a). Vitoria-Gasteizidagokion zatia 29.566.798 eurokoa da (10.879.960 euroko dirulaguntzaz).

Lotutako informazioa

• 21 Zabalgunea - Azterketa- eta berrikuntza-ildoak
• Ingurugiro Gaietarako Ikastegia - Proiektuak

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Bai Ez Zertxobait

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.

Adierazi iruzkinaren xehetasunak *

Fitxategia erantsi [Bost Mbyte gehienez]

Iruzkina argitaratzean agertuko den izena edo ezizena

Gaia publikoa izatea aukeratzen baduzu, gainontzeko herritarrek zuk idatzitakoa eta udalak emandako erantzunak irakurri ahalko dituzte; baita iruzkinak egin ere. Gaia pribatutzat jotzen baduzu, zuk bakarrik izango duzu gai horretarako sarbidea eta udalak emandako erantzunak irakurtzeko aukera. Gaia idaztean identifikazio kodea emango zaizu. *

Publikoa

Pribatua

Aldartea

Pozik

Normal

Haserre

Oso haserre

Gai honi buruz erantzun bat duzula jakinaraztea nahi baduzu, idatz ezazu zure helbide elektronikoa:

Harremanetarako beste kontaktu bat:

Aurrezenbakia

Telefonoa