Nola funtzionatzen dute Udal Haur Eskolek?

Nola funtzionatzen dute?

Irailetik uztailera bitartean eskainiko dute zerbitzua Haur Hezkuntzako Udal Eskolek, bi hilabete horiek barne eta irailean egokitzealdia egin beharko dute haurrek eskoletara sartzeko.

Funtzionamendu bereziko aldiak finkatu ahal izango dituzte Haur Hezkuntzako Udal Eskolek Eguberrietan, Aste Santuan eta uztailean; zabalik egongo dira ikastegiak aldi horietan, baina ohikoez bestelako baldintzak finkatu ahal izango dira, ordutegiari, antolakuntzari nahiz funtzionamenduari dagozkienetan. Egun zehatzak irailean emango zaizkie jakitera familiei, eskola-egutegiarekin batera. Familia guztiei emango zaie eskola-egutegia ikasturte hasieran, eta, halaber, eskolako iragarki taulan jarrita egongo da. Bertan adieraziko dira, zehatzago, eskolak haurrak hartuko dituen egunak, baita oporraldiak ere.

Ordutegiak

8:00etatik 16:00ak arte egon ohi dira irekita haur eskolak.

Ordutegiak
Goizez Goizez, jangela eta siesta barne
8:00-13:00 8:00-16:00

Eskolara sartzeko eta ateratzeko orduak malguak izango dira (familiaren beharrei eta haurren adinaren ezaugarriei erantzun ahal izateko), baina, beti ere, Udaleko Hezkuntza Sailak jarritako muga hauen barruan:

  • Sartzeko orduak, goizean: 8:00-9:30.
  • Ateratzeko ordua, goizean: 12:30-13:00.
  • Jantokitik ateratzeko ordua: 15:30-16:00.

Gainera, jantoki zerbitzuaz baliatzen diren haurrentzat siestarik gabe ateratzeko ordutegi malgua ere finkatu ahal izango da eskola bakoitzean, bertako antolakuntzak horretarako aukera ematen badu.

Ordutegi horiek ez dira aplikatuko egokitzealdian. Izan ere, haurrak eskola-girora egokitzeko prozesuari ordutegi jakin bat eskainiko zaio, eta poliki-poliki zabalduko da, eskatutako ordutegira iritsi arte. Behar bezala justifikatutako salbuespenak salbu, egokitzealdia bukatzen denetik aurrera eskatutako ordutegia aplikatuko da.

Jantokia

  • Jantoki zerbitzua eskatu duten eta eskolara joateko lekua lortu dutenen artean banatuko dira jantokiko lekuak, bai gurasoak, bai tutoreak biak lanean dituzten umeei lehentasuna emanez -edo horren antzeko egoeraren batean daudenei, baremoari jarraiki-; hau da, egoera hori justifikatzen ez duten familien eskabideen aurretik jarriko dira horiek, araudi honetan finkatzen den baremoaren arabera ematen zaien puntuazioa edozein delarik ere.
  • Udaleko hiru eskoletako sukaldetan prestatzen dira haur eskoletako menu guztiak. Menuak Hezkuntza Zerbitzuko sukaldariek egiten dituzte eta produktu gehienek jatorri ekologikoa dute.
  • Sehaska geletan (0-1 urteko haurrak) bazkaria familiak eraman behar du eta sehaska gelan matrikulatuta dauden guztiek erabil dezakete zerbitzu hori.

Kuotak

Matrikula egiterakoan, kuota bat ordaindu behar duzue, aldez aurretik, matrikulagatik. Harrera egiteko eta eskolara ohitzeko hilabetearen kuota osorik edo zati batean ordaintzeko zuzenduko da kuota hori. Hileroko gainerako kuotak hilabetea amaitu ondoren ordainduko dituzue, banku-helbideratze bidez.

Badira laguntza ekonomikoa emateko hainbat neurri, ikasturte bakoitzaren hasieran jakinarazten dutenak.

Kuotei eta Udalaren Haur Eskolei buruzko informazio gehiago Haur Eskoletan izen-ematearen atalean eta erabilera-araudian dago eskuragarri.

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren postontziaren bidez.