Haur Eskola publikoetan onarpena

2026ko maiatzaren 1etik 10era bitartean jaiotako haurrek 2026ko maiatzaren 20ra arte (egun hori barne) eman ahalko dute izena.

Baremo puntuak lortzeko, bakarrik epe horretan aurkeztutako agiriak hartuko dira kontuan.

Baremazioa egin ondoren, lortutako puntuazioaren arabera ordenatuko dira eskabideak, eta plaza hutsik dagoen lehenengo eskolan esleituko da plaza.

Zuen eskaeraren egoera ezagutu ahalko duzue. Egoera hori honelakoa izan daiteke:

- Osoa, eta beraz, izapidetzeko onartua.

- Osatu gabea, eta nahitaezko zein dokumentazio falta den zehaztuta.

Ez da onartuko eskabideak eta dokumentazioa aurkezteko epean aurkeztu ez den eta nahitaezkoa ez den dokumentaziorik.

Zerrendak kontsultatu

• Onartutako haurren behin-behineko zerrenda eta behin-behineko itxarote zerrenda: bertan, haurra behin-behinean zein eskolatan onartu den adieraziko da, bai eta itxarote zerrendan dauden haurrak ere.
• Baremazioaren behin-behineko zerrenda: eskabidearen baremorako irizpide bakoitzean, eskabide oso bakoitzak lortutako puntuak zehaztuko dira.
• Izapidetzeko onartu ez diren eskabideen behin-behineko zerrenda:
  • Eskabideak osatu gabe: nahitaezko dokumentazioa dagokion epean ez zuzentzeagatik.
  • Baztertutako eskabideak: eskoletara sartzeko baldintzak ez betetzeagatik.

Kontsultatu ahal izango dira orri honetan bertan, Vitoria- Gasteizko haur eskola publikoetan, 010 telefonoan (BakQ izanez gero), gizarte etxeetako autotramitazio makinetan eta Herritarren Arretarako edozein bulegotan.

Ez da onartuko dokumentazio berririk.

Baremazio prozesuan okerren bat izan dela adierazten duten erreklamazioak soilik aztertuko dira.

Zerrendak kontsultatu

• Onartutako haurren behin betiko zerrenda eta behin betiko itxarote zerrenda: bertan, haurra behin betiko zein eskolatan onartu den adieraziko da, bai eta itxarote zerrendan dauden haurrak ere.
• Baremazioaren behin betiko zerrenda: eskabidearen baremorako irizpide bakoitzean, eskabide oso bakoitzak lortutako puntuak zehaztuko dira.
• Izapidetzeko onartu ez diren eskabideen behin betiko zerrenda:
  • Eskabideak osatu gabe: nahitaezko dokumentazioa dagokion epean ez zuzentzeagatik.
  • Baztertutako eskabideak: eskoletara sartzeko baldintzak ez betetzeagatik.

Eskaera horiek indarrik gabe geratuko dira; beraz, beste eskaera bat aurkeztu beharko duzue.

Zerrendak kontsultatu ahal izango dituzue orri honetan bertan, Vitoria- Gasteizko haur eskola publikoetan, 010 telefonoan (BakQ izanez gero), gizarte etxeetako autotramitazio makinetan eta Herritarren Arretarako edozein bulegotan.

Erreklamazioetarako epea bukatu ondoren, aldaketak egon daitezke. Horregatik, behin betiko zerrenda ikustea gomendatzen dizuegu.

Hilaren 8aren ondoren aurkeztutako eskabideak hurrengo hilaren 1etik 8ra bitartean aurkeztutakoekin batera izapidetuko dira.

Zuen eskaeraren egoera ezagutu ahalko duzue. Egoera hori honelakoa izan daiteke:

• Osoa, eta beraz, izapidetzeko onartua.
• Osatu gabea, eta nahitaezko zein dokumentazio falta den zehaztuta.

Ez da onartuko eskabideak eta dokumentazioa aurkezteko epean aurkeztu ez den eta nahiezkoa ez den dokumentaziorik.

• Onartutako haurren zerrenda eta itxarote zerrenda: bertan, haurra zein eskolatan onartu den adieraziko da, bai eta itxarote zerrendan dauden haurrak ere.
• Baremazioaren zerrenda: eskabidearen baremorako irizpide bakoitzean, eskabide oso bakoitzak lortutako puntuak zehaztuko dira.
• Izapidetzeko onartu ez diren eskabideen zerrenda:
  • Eskabideak osatu gabe: nahitaezko dokumentazioa dagokion epean ez zuzentzeagatik.
  • Baztertutako eskabideak: eskoletara sartzeko baldintzak ez betetzeagatik.

Eskaera horiek indarrik gabe geratuko dira, eta, beraz, beste eskabide bat aurkeztu beharko duzue.

Zerrendak kontsultatu ahal izango dituzue orri honetan bertan, Gasteizko haur eskola publikoetan, 010 telefonoan (BakQ izanez gero) eta gizarte etxeetako autotramitazio makinetan.

Plaza esleitu eta hurrengo hilabeteko lehen eskola egunean hasiko dira.

• NAN edo AIT atzerritarren kasuan (AIT ez duzuenek pasaportea aurkeztu ahalko duzue). Dokumentua bi aldeetatik aurkeztea ezinbestekoa da.
• Horretaz gain, dokumentu hauetako bat aurkeztu beharko duzue, zuen inguruabarren arabera:
  • Haurra Erregistro Zibilean inskribatu izanaren fotokopia, familia liburuaren fotokopia, edo baliokidea.
  • Legezko tutorearen edo tutoreen kasuan, horren egiaztagiriaren fotokopia.
  • Haurraren familia harreraren kasuan, egoera hori egiaztatzen duen ziurtagiri ofiziala.
  • Adopzio prozesuan dauden haurren kasuan, egoera hori egiaztatzen duen ziurtagiria.

Gainera:

• Banandutako edo dibortziatutako gurasoen kasuan, guraso bati zaintza ematen dion erabaki judizial irmoa, epaileak berretsitako hitzarmen arautzailearen kopia edo behin-behineko neurrien autoa.
• Muturreko goiztiartasun edo goiztiartasun handiagatik beheragoko maila batean onartzeko eskabidearen kasuan (Azaroaren 2ko 132/2022 Dekretuaren arabera), egoera hori ziurtatzen duen mediku txostena.

Jaiotzagatik eta adingabearen zaintzagatik dagokion lan atsedenaldia hartu izana justifikatzeko dokumentazioa (Eskolan hasteko datan, urte batetik beherako haurren familientzat SOILIK):

Justifikatu egin beharko dituzue guraso edo legezko tutore bakoitzeko lan atsedenaldirako 17 asteak (edo ama, aita edo legezko tutorearen 28 asteak, guraso bakarreko familien kasuan, eta 18 asteak erditze anikoitzen kasuetan).

Horretarako, honako hauek aurkeztu beharko dituzue:

• Gizarte Segurantzaren ebazpena, jaiotzagatiko eta adingabearen zaintzagatiko prestazioari buruzkoa, lan atsedenaldia hartu den aste guztiak jasotzen dituena.

Gizarte Segurantzaren ebazpenean lan atsedenaldirako aste guztiak agertzen ez badira, gainerako asteak jasotzen dituen enpresa ziurtagiria ere aurkeztu beharko duzue.

Ez da eskaera izapidetuko, baldin eta eskolan hasteko egunean familiak (guraso akarrekoak edo bi gurasoko familiak) 5 astetik gorako lan atsedenaldia hartzeko badu.

Jaiotzagatik eta adingabearen zaintzagatik dagokion lan atsedenaldia lanaldi partzialean hartzen bada, eskaera izapidetuko da, betiere hartutako asteak eta hartzeko daudenak justifikatzen badira.

Jaiotzagatiko eta adingabearen zaintzagatiko prestazioarekin egon arren, gurasoek edo legezko tutoreek gaixotasun larria edo alaba edo semea zaintzeko ezintasuna izanez gero, eskaera izapidetu ahal izango da, egoera hori egiaztatzen duen mediku ziurtagiria aurkezten baduzue.

• Jaiotzagatik eta adingabearen zaintzagatik dagokion atsedena hartzeko eskubiderik ez badaukazue, Gizarte Segurantzaren ziurtagiria aurkeztu beharko duzue, non zehazten den prestazio hori ez dagokizuela edo ez duzuela jaso baldintzak ez betetzeagatik, edo egoera egiaztatzen duen Gizarte Segurantzaren lan bizitza eguneratua (dokumentuaren data eta aurkezte dataren artean 3 hilabete baino gehiago pasatu ez badira).

Anai-arreba bat edo gehiago 2025-2026 ikasturtean eskatutako eskolan matrikulatuta daude eta 2026-2027 ikasturterako berritzen dute: 9 puntu.

Atal honetako gehieneko puntazioa: 9 puntu.

Hezkuntza Zerbitzuak ofizioz egiaztatuko du ea anai-arrebarik dagoen matrikulatuta eskatutako eskolan, eskabide orrian adierazi bada.

Puntuak esleitzen dira bizilekuaren edo lantokiaren arabera:

• Amak, aitak edo legezko tutoreak eskatutako eskolan lan egiten duenean: 7 puntu.
• Haurra Vitoria-Gasteizen erroldatuta dagoenean, eta haren bizilekua eta gutxienez gurasoetako edo tutoreetako baten bizilekua bat datozenean: 5 puntu.
• Haurra haur eskola publikorik ez duen udalerri batean erroldatuta badago eta haur eskola publikoa duen udalerririk hurbilena Vitoria-Gasteiz bada: 5 puntu.
• Haurra Vitoria-Gasteizen erroldatuta ez badago, baina gurasoetako baten edo bien, edo legezko tutorearen/tutoreen lantokia Vitoria-Gasteizko udalerrian badago: 3 puntu.

Atal honetako gahieneko puntuazioa: 7 puntu.

Justifikatzeko dokumentazioa

• Hezkuntza Zerbitzuak ofizioz egiaztatuko du ama, aita edo legezko tutorea eskatutako eskolan ari den lanean, eskabide orrian adierazi bada.
• Hezkuntza Zerbitzuak ofizioz egiaztatuko ditu haurraren eta familia unitatearen errolda-datuak Vitoria-Gasteizen.
• Haur eskola publikorik ez duen udalerri batean erroldatuta dauden haurren kasuan, eta eskola publikoa duen udalerri hurbilena Vitoria-Gasteiz bada, errolda ziurtagiria eguneratua¹.
• Haurra Vitoria-Gasteizen erroldatuta ez badago, baina zuen lanpostua Gasteizen badago, zuen lanpostuaren helbidea jasotzen duen enpresaren ziurtagiria aurkeztu beharko duzue. Norberaren kontura lan egiten baduzue, ekonomia-jardueren gaineko zergaren alta aurkeztu behar duzue.

¹ Eguneratua: gehienez 3 hilabete lehenago emandakoa.

• Bi gurasoko familien kasuan: bi gurasoek edo legezko tutoreek lan merkatuan lan egiten dutenean: 5 puntu.
• Guraso bakarreko familien kasuan: amak, aitak edo legezko tutoreak lan merkatuan lan egiten duenean: 5 puntu.
• Bi gurasoko familien kasuan: gurasoetako batek edo legezko tutoreetako batek lan merkatuan lan egiten duenean eta bestea enplegu bilaketa aktiboko egoeran edo ikasketa ofizialak egiten ari denean: 2 puntu.
• Bi gurasoko familien kasuan: bi gurasoak edo legezko tutoreak enplegu bilaketa aktiboko egoeran edo ikasketa ofizialak egiten ari direnean: 2 puntu.
• Guraso bakarreko familien kasuan: ama, aita edo legezko tutorea enplegu bilaketa aktiboan edo ikasketa ofizialak egiten ari denean: 2 puntu.

Behin betiko ezintasun iraunkor absolutuaren egoera lan egoera aktiboarekin parekatuko da.

Atal honetako gehieneko puntuazioa: 5 puntu.

Justifikatzeko dokumentazioa

• Lan merkatuan lanean ari bazarete, Gizarte Segurantzaren lan bizitzaren ziurtagiri eguneratua¹ aurkeztu beharko duzue, edo beste erregimen batean edo mutua batean emandako ziurtagiri eguneratua¹.
• Enplegu bilaketa aktiboan bazaudete, LANBIDEren Lan Eskaeraren Alta eta Berritze Dokumentu (LEABD) eguneratua¹ aurkeztu beharko duzue eta eskaera orrian baimena eman Udaleko Hezkuntza Zerbitzuak LANBIDE-Euskal Enplegu Zerbitzuan enplegu bilaketa aktiboari buruzko datuak ofizioz kontsultatzeko. LANBIDE izango da bere irizpideen arabera, enplegua aktiboki bilatzeko egoera berretsiko duena.
• Ikasketa ofizialak egiten ari bazarete, kasuan kasuko matrikularen egiaztagiria aurkeztu beharko duzue.
• Adingabeak zaintzeko eszedentzian bazaudete, eta lanpostuan hasteko data gehienez ere, haurra eskolan hasi eta hilabetera bada, “lanean egotea” egoerarekin parekatuko da. Lanera itzultzeko data jasotzen duen enpresaren ziurtagiria aurkeztu beharko duzue, ibilbide irekia duen lan bizitzaren ziurtagiri eguneratuarekin¹ batera.
• Aldi baterako etete egoera berezian bazaudete eta haren amaiera data, gehienez ere, haurra eskolan hasi eta hilabete batera bada, “lanean egotea” egoerarekin parekatuko da, eta amaiera data hori jasotzen duen Eusko Jaurlaritzaren ziurtagiri eguneratua¹ aurkeztu beharko duzue.
• Behin betiko ezintasun iraunkor absolutuko egoeran bazaudete, Gizarte Segurantzaren ebazpena aurkeztu beharko duzue.

¹ Eguneratua: gehienez 3 hilabete lehenago emandakoa.

Daturik ez badago edo zehaztasun ezak badaude, atal hau zero punturekin barematuko da.

Zerga oinarri orokorrak + aurreztearen zerga oinarriak:

• Batura 15.876,00 € edo gutxiagokoa bada: 2 puntu.
• Batura 47.628,00 € edo gutxiagokoa bada: 1,5 puntu.
• Batura 79.380,00 € edo gutxiagokoa bada: puntu 1.

(Kontzeptu ez metagarriak)

Gainera, aurreko kasuetan, eskaera egiten duen haurra ez den seme-alaba adingabe bakoitzeko 0,25 puntu gehituko dira.

Atal honetako gehieneko puntuazioa: 4 puntu.

Justifikatzeko dokumentazioa

• Aurkeztu behar duzue familia unitateko kide guztien 2024ko errenta aitorpena (bertan 16 urtetik gorako familia unitateko persona baten datuak sartzen badira, persona horrek beste orri batean ere eman beharko du baimena).
  • Araban aurkeztu baduzue, eta baimena ematen badiguzue, Udaleko Hezkuntza Zerbitzuak ofizioz egiaztatuko du.
  • Zergak Araban ordaindu ez badituzue edo ofizioz egiaztatzeko baimenik ematen ez badiguzue, 2024ko errenta aitorpenaren fotokopia erantsi behar diozue izen emate eskaerari.
• 2024ko errenta aitorpena egin ez baduzue, 2024ko diru-sarreren egiaztagiria aurkeztu beharko duzue eskaerarekin batera.

Daturik ez badago edo zehaztasun ezak egonez gero, atal hau zero punturekin barematuko da.

%33ko edo gehiagoko desgaitasuna izateagatik:

• Eskaera egiten duen haurrarena: 3 puntu.
• Gurasoetako batena edo biena edo legezko tutorearena, baita anai-arrebena ere: 2 puntu.

Atal honetako gehieneko puntuazioa: 3 puntu.

Justifikatzeko dokumentazioa

Eskaera egiten duen haurraren eta, hala badagokio, familia unitateko pertsonen dasgaitasun-mailari buruzko ziurtagiria aurkeztu behar duzue, eskumena duen erakundeak emana.

Haurra, ama edo legezko tutorea genero indarkeriaren biktima bada: 2 puntu.

Atal honetako gehieneko puntuazioa: 2 puntu.

Justifikatzeko dokumentazioa

Genero Indarkeriaren aurkako Babes Integraleko Neurriei buruzko abenduaren 28ko 1/2004 Lege Organikoaren 23. artikuluan jasotako moduren baten bidez egiaztatuko da. Legea ikusi.

• Kategoria bereziko familia ugariko kide izateagatik: 1,5 puntu.
• Kategoria orokorreko familia ugariko kide izateagatik: puntu 1.
• 2 seme-alaba edo gehiago dituen guraso bakarreko familia batekoa izateagatik: 1,5 puntu.
• Seme edo alaba bakarra duen guraso bakarreko familia batekoa izateagatik: puntu 1.

Atal honetako gehieneko puntuazioa: 1,5 puntu.

Justifikatzeko dokumentazioa

- Familia ugariaren izaera egiaztatzeko, familia ugariaren tituluaren edo txartelaren fotokopia eguneratua aurkeztu beharko da.

- Guraso bakarreko familiatzat edo gurasobakartasun egoeran dagoen familiatzat hartzen dira guraso bakarreko familien araubidea ezartzen duen abenduaren 2ko 232/2025 Dekretuaren 3. Artikuluaren 1 eta 2 puntuetan zehaztutakoak. Hori horrela, guraso bakarreko familia edo gurasobakartasun egoeran dagoen familia ziurtatzeko aurkeztu beharko dituzue:

• Guraso bakarreko familiaren edo gurasobakartasun egoeran dagoen familiaren ziurtagiria.

Edo, hori eduki ezean,

• Hori lortzeko aurkeztu beharreko dokumentazioa; alegia, “Guraso bakarreko edo gurasobakartasun egoeran dagoen familia izaera aitortzeko eskabidea” orrian zehaztutakoak.

Haurra, ama, aita edo legezko tutorea terrorismo indarkeriaren biktima bada: puntu 1.

Atal honetako gehieneko puntuazioa: puntu 1.

Justifikatzeko dokumentazioa

Eusko Jaurlaritzako Berdintasun, Justizia eta Gizarte Politiketako Saileko Giza Eskubideen, Biktimen eta Aniztasunaren Zuzendaritzaren ebazpena, edo Estatuko Administrazioko edo beste autonomia erkidego bateko erakunde eskudunarena aurkeztu beharko duzue.

Eskaera egiten duen haurra harrera familia batekin bizi bada: puntu 1.

Atal honetako gehieneko puntuazioa: puntu 1.

Justifikatzeko dokumentazioa

Dagokion foru aldundian gizarte politiken arloan eskumena duen sailaren ziurtagiria.