Hartu hiriko bidegorrietako bat Eraztun Berdera iristeko eta bertako txoko eta ibilbide guztiak arakatu. Etxeko txikienek atzeko aulkitxoan igo ahal izango dute zuen bizikletan eta zuek bezala bizikletan ibiliko dira. Eta bizikletan bakarrik bazabiltza, utzi ibilbidea edo haren zati bat bere kabuz egiten. A, eta ez ahaztu Eraztuna osatzen duten parkeetan aurkitzen dituzuen animaliak ikusteko geldialdiak egiteaz.
Gamarrako Parkera bizikletaz irits zaitezkete, eta, gero, belodromoan itzuli batzuk eman, baloian jokatu saskibaloian edo futbolean, haurren guneez gozatu, berdeguneetan korrika ibili, pilotak minigolf zelaiko zuloetan sartu. Mendizorrotzako Kirol Esparruan kirol anitzeko jardunaldi batez ere goza dezakezue.
Nork ez du gozatu txikitan lagunekin ezkutaketan, oilotxo itsuan, ezkutaketa ingelesean, konban, alturatxoetan, musuzapian, kometetan eta abarretan jolastera? Orain da garaia zure oroimenari ekiteko (edo bestela Interneten ehunka ideia aurkituko dituzu) eta seme-alabekin haietaz gozatzeko. Bide batez, zer hoberik gure Green Capitalek dituen hiri-parke ugarietako batera joatea baino? Joan parkez aldatzen eta ezagutu jolaserako txokoak.
Hondartzarik ez dugu izango Gasteizen, baina ezingo dugu esan plan hori ez dugula egiten igerileku faltagatik. Eta horietako batzuek txikienentzako espazio egokiak dituzte, hala nola Ibaiondo Gizarte Etxea eta bere jolas-gunea (txirristak, perretxikoa eta irlatxoa, hidromasaje-eremua). Goazen, uretara!
Eraman ezazu haurrentzako mendi-motxila bat eta gozatu Gasteiz eta inguruetatik irteera(Beste leiho batean irekiko da) batez. Eta txikiak ahal badu, utzi ibiltzen eta bere kabuz esploratzen. Eta mendiak igo beharrik ere ez dago: Arabako Ibilbide Berdeen Sareaz(Beste leiho batean irekiko da) ere goza dezakezue.
Jarri musika eta utzi eramaten, etxean, kalean edo parke batean, edonon. Gozatu soinuaz eta mugimenduaz. Ziurrenik, oroitzapen ahaztezinak sortuko dituzu zure seme-alabekin. Abestera ere animatu zaitezkete! Eta, aurrerago, musika kalean dagoenean, hurbildu eta ikusiko duzu nola gozatzen duten zure semeak/alabak (eta zuk zeuk ere).
Parke berera joatea nekagarri samarra izan daiteke guztiontzat; beraz, zergatik ez duzue probatzen Gasteizen dauden 200 parke edo haur-eremuetako bat? Ezagutzen al duzue jada Pirata Galeoia edo Zabalganako Haur Parke Naturalizatua? Eta Herrandarren kaleko (autobus geltoki zaharra), Salburuko eta Zabalganeko parke estaliak, euria egiten duenerako? Bide batez, ahal baduzue, aktiboki joan zaitezte (bizikletan, oinez), eta, horrela, zuek ere paseoa aprobetxatuko duzue.
Irteera aktibo bat izango duzue, eta, bertan, zuen seme-alabek Los Huetos Landetxeko Eskolan(Beste leiho batean irekiko da) edo Arkaiako Landetxe Eskolan(Beste leiho batean irekiko da) antolatzen diren animaliez eta bestelako jarduerez gozatuko dute. Bide batez, azken horretara, animatzen bazarete, oinez edo bizikletaz ere joan zaitezkete.
Adin horietarako, Vitoria-Gasteizko Udalak familia-jarduerak ditu: matronatazioa, ur-ingurunera ohitzea, motrizitate txiki edo motrizitate musikala. Begiratu ea lekurik geratzen den. Familiarteko euskal dantzak ere eskaintzen ditu Udalak, eta Atariak, puntualki, familientzako natur jarduerak. Gainera, beste familia-aukera batzuk bilatzen badituzu, ziur beste erakunde edo elkarte batzuetakoak topatuko dituzula.
Zurekin joan daitezke. Ziur ikusi duzula jendea gurditxo batekin korrika egiten (asfalto motaren arabera, ohiko gurditxoarekin joan zaitezke, baina egokitutakoak ere badaude); eta, ahal duzuenean, bizikletan joan daitezela eta horrela denok egingo duzue ariketa fisikoa.
Sei arrazoi, aita edo ama zaren aldetik, horrelako planak egitera anima zaitezen:
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.
