Familia bidezko transmisioa eta sozializazioa

Familia Bidezko Transmisioa

Nola lagundu haurrak euskaraz sozializatzen?

Umeak hizkuntzaz jabetzen hasten dira amaren sabelean daudenetik doinuekin ohitzen hasita; apurka-apurka hitz gutxi batzuk ikasteari ekiten diote lehenengo hilabeteotan, 10.000 hitz inguruko hiztegia osatu arte 6 urte bete dituztenean. Haur elebidunek erraztasuna izango dute nagusitzean beste hizkuntza batzuk ikasterako orduan. Izan ere, horrela izan dadin txikitatik jarri behar da oinarria. Zelan, baina?

Guraso moduan

Guraso moduan gure zeregin nagusia euskararekiko hiru eremutan koka dezakegu; alde batetik, hizkuntza aberatsa eskaini behar diegu gure seme-alabei. Hau da, ahalik eta egoera komunikatibo gehien sortzen ahalegindu behar gara, eurekin asko eta modu aberasgarrian hitz eginez, sinonimoak erabiliz, gauzak adiera desberdinetan esanez, hizkuntzarekin jolastuz...

Horrez gain, bestelako baliabideak ditugu eskuartean hizkuntza aberatsa eman diezaiegun, gure euskara maila edozein dela era; adibidez, ipuinak irakurri eta kontatu, abestiak jarri, marrazki bizidunak, pelikulak...

Bestalde, gurasoak garen heinean ispilu bat gara eurentzat, imitazioz portaera asko errepikatzen dituzte, hortaz, eredu ona izan behar dugu gure seme-alabentzat euskarari dagokionez; zelan? Ahalik eta gehien euskara erabiliz, lehenengo hitza euskaraz izan dadin saiatuz, kide euskaldunekin euskaraz arituz, euskararekiko portaera proaktiboa erakutsiz...

Amaitzeko, hizkuntza aberatsa eta eredu onak izateaz gain, haurrek euskarazko bizipenak eta erreferenteak behar dituzte. Alde batetik, euskaraz bizipen positiboak izatea oso garrantzitsua da euskararekiko pertzepzioa hobetze aldera eta motibazioa handitze aldera; hor berebiziko garrantzia hartzen dute euskarazko aisialdi jarduerek (udalekuak, asteburu pasak, irteerak, kirol jarduerak, kultur kontsumoa...), zeren eta euskara alde ludikoari lotu ez eze esperientzia positiboekin uztartu ere egiten baita. Erreferenteei dagokienez, mediatikoak (musikariak, kirolariak...) eskaintzea garrantzitsua den modu berean, gertuko erreferenteak (entrenatzaileak, begiraleak, beraiek baino nagusiagoak diren gazteak...) euskarari lotuta izatea oso beharrezkotzat jotzen dugu.

Baliabideak eta laguntzak

Euskara ikasteko eta praktikatzeko laguntzak

Aisialdia eta kirol arloan

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?            

Nahi baduzu, iruzkinak egin ditzakezu.
Nahitaezkoa da identifikatzea.

Gaia publikoa izatea aukeratzen baduzu, gainontzeko herritarrek zuk idatzitakoa eta udalak emandako erantzunak irakurri ahalko dituzte; baita iruzkinak egin ere. Gaia pribatutzat jotzen baduzu, zuk bakarrik izango duzu gai horretarako sarbidea eta udalak emandako erantzunak irakurtzeko aukera. Gaia idaztean identifikazio kodea emango zaizu.

Aldartea

Harremanetarako beste kontaktu bat: