Grafitiaren Bulego Birtuala (GBB)

Grafitiaren Bulego Birtuala hirian egindako pintada bandalikoak erabat kontrolatzeko eta ezabatzeko tresna bat da

Bide publikoan zein titulartasun pribatuko higiezinetan baimenik gabe egindako pintadak auzoz auzo garbituko dira, urrats hauei jarraituz:

• Herritarrei garbituko diren guneen berri ematea. Hautatutako auzoan baimendu gabeko pintadak eta grafitiak ezabatzea. Garbiketa lanak Ariznabarra auzoan hasi dira. Auzo horretako higiezinen jaberen bat garbiketa horrekin ados ez badago edo bere baliabideekin egitea erabakitzen badu, idatziz jakinarazi beharko du, zazpi egun naturaleko epean, eragindako atari edo lokalei jakinarazten zaienetik aurrera, bitarteko hauetakoren bat baliatuz:
  • Helbide elektroniko honetara idatziz: oficinavirtualdelgrafiti@vitoriagasteiz.city.
  • Hiri Ereduaren, Hirigintzaren, Etxebizitzaren, Garbiketaren eta Ingurumenaren Sailari zuzendutako eskabidea aurkeztuz

• Jabetzaren baimena lortzea gainazal bat garbitzeko zailtasun bereziak daudenean.
• Egindako lanen balioespen ekonomikoa, pintadaren arduradunari ordainarazteko.
• Garbiketari eustea "zona garbietan" (dagoeneko tratatutako zonak). "Zona garbi" batean beste pintada bat hautematen bada, ahalik eta lasterren kenduko da.
• Garbitzen ari den auzoa ez diren gainerakoetan egin-dako pintadak identifikatu eta erregistratzea. Kokatuta dauden auzoan jarduten denean ezabatuko dira.

Herritarren laguntza

Herritarrek garbiketari eusten lagundu ahalko dute pintada berriak agertzen direnean horretaz ohartaraziz:

• Online, Herritarren postontzia erabiliz.
• Posta elektronikoz: oficinavirtualdelgrafiti@vitoria-gasteiz.city
• Telefonoz: 945 16 11 00 / 010. Udaltzaingoaren 092 telefonoa (une horretan bertan pintada bandalikoa egiten ari direla ikusiz gero bakarrik).

Proiektoaren helburuak

• Udalerrian dauden baimendu gabeko grafitien datu-basea eguneratuta edukitzea.
• Grafitigile aktiboak identifikatzea eta peritu-txostenak egitea, ondoren dagozkien dosier zigortzaileak izapide-tzeko (edo jarduketak Fiskaltzara bidaltzeko).
• Bide publikoan nahiz titulartasun pribatuko higiezinetan baimenik gabe egindako pintaden garbiketa taktikoa.

Grafitiaren Bulego Birtual Orion Analistas SL enpresak kudeatzen du.

Informazio gehiago (pdf)

Ariznabarrako auzoan egindako garbiketa-lanak

https://www.flickr.com/photos/38143943@N08/albums/72177720317248207

Platinozko Erratza Saria 2024

Grafitiko Bulego Birtualak (GBB) Platinozko erratza saria jaso du. Aurten, Hondakinak eta Ingurumena Kudeatzeko Elkarte Teknikoak Grafitiko Bulego Birtualaren (GEB) lana aintzatesten du, pintada guztiak eta horien egileak identifikatzeko hiri osoan egindako mapaketa-lanagatik. Horrela, haiekin bitartekari lanak egiten ditu, berriro ez margotzeko konpromisoa bilatzeko eta, prebentzio-lana egin ondoren, grafiti horiek garbitzeko.

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.