Bidezko merkataritza: Gasteizko Kale-izendegi Arduratsua aplikazioa

APPunta zaitez eta zentzuz kontsumitu!

Klima aldaketak, gizarte injustiziak eta diru-eralgiketak kezkatzen zaitu? Gure mundua hobetzeko gogoak dituzu? Zure saskiaren bidez egitera gonbidatzen zaitugu, astero janariaz, arropaz, teknologiaz… betetzen duzun saskia, hain zuzen. Aurkezten dizugu Gasteizko Kale-izendegi arduratsua, beste kontsumo eredu bat lortzearren gure hiriko establezimenduen mugikorrerako aplikazioa. Zentzuz sareak sortutako aplikazioa da Gasteizko Kale-Izendegia, Gasteiz Udalak finantzatutako hiru elkarteen (MedicusMundi Araba, Bide Bidean - Elizbarrutietako Misioak eta Setem Hego Haizea) hezkuntza eraldaketako proiektu baten barne dagoena, eta gure hiria kontsumo arduratsuaren erreferente bihurtu nahi duena.

Gure kontsumoa gizartea eraldatzeko erreminta eraginkorra da, baina askotan ez gara honetaz kontziente. Tokiko letxuga ekologikoa aukeratzearen eta gure mahaira ailegatu baino lehen ehunaka edo milaka kilometro egin dituen letxuga aukeratzean artean alde nabarmena dago; eta bigarren eskuko kamiseta bat erostea edo denda handietan berri bat erostea ez da berdina. Noizbait honi buruzko hausnarketa egin duzue?

Zure erosketarekin gaur egungo bidegabeko eredu ekonomikoa mantentzera lagundu dezakezu, edo, bestalde, aldaketa finko baterako protagonista nagusi bihurtu zaitezke.

Aplikazioan aurki ahal dituzuen establezimenduek ezaugarri bereziak dituzte: ekonomia alternatibo eta solidarioaren barne daude, genero berdintasuna bilatzen dute, bidezko merkataritzako, tokiko eta ekologikoak diren produktuak eskaintzen dituzte, birziklapena eta teknologia libreak sustatzen dituzte…

Aplikazioan nahi duzun kategoria aukeratu dezakezu, eta denda bakoitzaren kokapena ikus dezakezu, telefono zenbakiarekin eta helbidearekin.

Halaber, aplikazioakaipatutako filosofia jarraitzen du, teknologia berriak zentzuz kontsumitu ahal ditugulako. Martxan jarri dugun aplikazioa Android mugikorretan eta tablet-etan erabili daiteke, eta Play Store-n bilatu behar da.

Haztea

Denbora pasa ahala hazi behar duen aplikazioa dela uste du Zentzuz sareak, denda eta establezimendu berriak sartuz. Zure laguntza beharrezkoa da helburu hau lortzeko, kontsumo arduratsua errespetatzen dituzten ekimenak ezagutzen badituzu, jakinarazi eta kale-izendegian parte hartzeko gonbidapena eskainiko die.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.