Zer da Konpondu?

Konpondu Gasteizko Udalaren proiektu bat da, herritarren egungo kontsumo-ereduaren aldaketa sustatzeko, konponketaren tokiko sektorearen bidez produktuen bizitza baliagarria luzatzeko helburuarekin.

Konpondu udalaren webgunearen barruan dagoen Konponketa-negozioen bilatzailea da. Bertan, kontsumora-ko produktuen konponketarako profesionalak aurki daitezke, etxetresna elektriko handi eta txikietatik, arropa eta oinetakoetara, irudi- eta soinu-ekipamenduetatik, altzari eta abarretara. Horrekin batera, konponketarekin eta ekonomia zirkularrarekin lotutako informazio eta dokumentazio ugari egongo da.

Zer helburu ditu?

• Erabili eta botatzetik urruntzen den kontsumo-eredu bat sustatzea, gauzen bizitzaren iraupena luzatzen duena. Horrela, Planetaren baliabideen gaineko presioa murriztea eta hondakinen sorrera murriztea lortzen da.
• Gure kontsumo-ereduari buruz eta erosten ditugun produktuei buruz hausnartzea, bai eta produktu horiek eskuratzeko orduan selektiboak izatearen garrantziari buruz ere, iraunkorrenak eta konpongarrienak aukeratuz.
• Gasteizko konponketaren sektoreari balioa ematea; izan ere, enplegu kualifikatua eta ez deslokalizagarria sortzen du, eta zaharkitze programatuaren eta hautemanaren aurkako aliatua da, bai eta ekonomia zirkularreko tokiko estrategia batean funtsezko eragilea ere.

Eta negozio bat badut eta parte hartu nahi badut?

Konponder ez da soilik bota baino lehen konponketaren alde egiten duena; Konponder da, halaber, erreparazioan aritzen den pertsona, profesionala. Tresna haztea nahi dugu; beraz, konponketan diharduen negozio edo saltoki bat baduzu, jar zaitez gurekin harremanetan konpondu@vitoria-gasteiz.org helbidearen bidez. Nahi izanez gero, inprimaki bat bete dezakezu zuzenean Konponduren parte izatea eskatzeko.

https://www.flickr.com/photos/38143943@N08/albums/72177720303718205

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.