Herritar-kontsultak

Zertan datza herritar-kontsulta?

Herritar kontsulta herritarren iritzia ezagutzeko tresna bat da interes publiko orokorreko eta udal eskumenekoak diren gai lokalen inguruan.

Bazter geratuko dira legezkotasuna urratuko luketen kontsultak -edo halako emaitzak izan litzaketenak-, eta, bereziki, giza eskubideak urratzea ekarriko luketenak eta ogasun lokalari udalaren finantza-egonkortasunari edo udalerriaren lurraldetasunari eragingo lieketenak.

Nork aurkez dezake herritar-kontsulta baten proposamena?

  • Udaleko talde politikoek. Erakunde-ekimena deritzona. Udalbatzan erabakitzen da.
  • Herritarrek, herritarren ekimen baten bidez, inprimaki hau erabiliz.

Nork aurkez dezake herritarren ekimen bat?

  • Batzorde sustatzaile batek, udalerrian erroldatutako 18 urtetik gorako gutxienez hiru pertsonek osatuak. Batzorde horretako kideak ezingo dira izan herritarrek inongo erakunde publikotarako hautetsitako ordezkariak.
  • Edozein Erregistro ofizialetan izena emandako pertsona juridiko batek.

Bi herritar-kontsulta mota daude, hedaduraren arabera:

  • Sektoreko kontsultak: kontsultak, emaitzak edo ondorioek udalerriko lurralde-eremu jakin bati edo udalerriaren zati bati baino eragingo ez badio
  • Herri galdeketak: Emaitzak edo ondorioek herritar guztiei eragingo badie.

Nola aurkez daiteke ekimena?

Herritarren ekimena erregistratu behar da herritarrentzako informazio eta laguntza bulegoetan. Honako hauek adierazi behar dira:

  • Kontsultan egin nahi diren galderen testu zehatza.
  • Kontsulta egiteko arrazoiak.
  • Kontsulta egitea proposatzen den lurralde- eremua.
  • Batzorde sustatzailea osatzen duten pertsonen identifikazioa.
  • Eta, sustatzaileak entitateak badira, beren gobernu-organoen erabakiaren ziurtagiria.

Udaleko web-orrian jaitsi daiteke formularioa eta, bete eta gero, herritarrentzako informazio eta laguntza bulegoetan eman, edo online tramitatu, identifikazio txartel digitalaren bidez.

Eta ekimena aurkeztu eta gero... zer?

  • Ekimena Udalbatzan eztabaidatuko da eta onartu beharko da.
  • Onartu eta gero, kontsulta egitea nahi dutenean sinadurak aurkeztuko dira: sektoreko edo lurralde-eremu mugatuko kontsultak: udalerrian erroldatuta dauden 16 urtetik gorako pertsonen ehuneko 10, gutxienez. Gaur egun, 20.000 baino apur bat gehiago dira, gutxi gorabehera.
  • Herri-galdeketetan: udalerrian erroldatuta dauden 18 urtetik gorako pertsonen ehuneko 10, gutxienez. Gaur egun, 20.000 dira, gutxi gorabehera.
  • Sinadurak jasotzeko epea 90 egunekoa da. Arrazoi justifikatuak direla medio, gehienez 30 egun natural luza daiteke epe hori.
  • Sinadurak eman eta baliozkotzat jo eta gero, Udalbatzak kontsulta egitea onartu beharko du. Horrela gertatzen bada Alkateak ebazpena egingo du eta ALHAOn argitaratuko da.
  • Argitaratu eta gero, kontsulta egingo da urte bakoitzerako ezarritako daten arabera.

Sinadurak jaso eta gero, kontsulta egiten da?

Udalbatzak oniritzia eman behar du, beti ere baldintza guztiak betetzen badira. Behin betiko deia egin baino lehen Estatuko Gobernuaren baimena lortu behar da. Izapide hauen ondoren kontsultara deitzen da.

Nola izan dezaket planteatu diren kontsulten berri?

Urtero, alkateak hurrengo urtero datak argitaratuko ditu. Gehienez, urtean bi kontsulta egingo dira.

Kontsulta bakoitzean galdera bat baino gehiago planteatu ahal izango dira. Kontsulta-prozesuari hasiera ematen diolarik, ezingo da gai berari edo antzeko besteren bati buruzko beste kontsultarik sustatu harik eta lau urte igaro arte, kontsulta hori egiten denetik.

2018 urtean kontsulta azaroaren 25an egingo da. Kontsulta baino lehen informazio-kanpaina egingo da. Kanpaina horretan ekitaldi irekiak planteatu ahal izango dira. Galdera planteatu duten pertsonak edo entitateak informazioa eman ahal izango diete herritarrei.

Kontsulta egin eta gero, udalak bere egingo ditu proposamenak?

Herri -galdeketetan emaitzak lotesleak dira.

Sektoreko edo lurralde eremu mugatutako kontsultetan, printzipioz EZ dira lotesleak.

Non aurki dezaket argibide gehiago?

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.