Zure iritziak axola digu
Nahi baduzu, iruzkinak egin ditzakezu. Nahitaezkoa da identifikatzea.
HIGA - Hizkuntza gutxituetako hiztun gazteen topaketa
2023ko uztailaren 17tik 21era, Hizkuntza gutxituetako hiztun gazteen topaketaren (HIGA) 4. edizioa izango da Gasteizen. Izena emateko epea amaitu da.
Zer da HIGA?
https://www.youtube.com/watch?v=V3aDkLa7C5kHIGA hizkuntza gutxituetako hiztun gazteen topaketa da; xede nagusiak ditu hizkuntza gutxituen biziberritzea eta nazioarteko komunitate ezberdinen arteko sare-lana. Hartara, hainbat hiztun-komunitatetako kideek hizkuntzen biziberritze-prozesuetan zein hizkuntza aktibismoaren alorrean formatzeko aukera izango dute, bai eta haien errealitatea partekatzeko zein besteena ezagutzeko ere.
Gasteizko Udaleko Gazteria eta Euskara Zerbitzuek antolatutako 5 eguneko jardunaldia EHUko udako ikastaroen prestakuntza-programaren baitakoa da. Hala, parte-hartzaileek, goizeko saioetan, hitzaldi edo mahai-inguruak izango dituzte. Bazkalostean, hiztun gazteen arteko elkarlana eta ekintzailetasuna sustatzera bideratutako lantegiak dinamizatuko dira. Arratsaldero, hartu-emana eta elkar ezagutza esparru informalago batean lagunarteko aisialdi-ekintza ezberdinak programatuko dira: kontzertuak, proiekzioak, irteera kulturalak etab.
Webgunea eta sare sozialak
https://higagasteiz.wixsite.com/higa
Harremanetarako
- Beñat Garaio, ekitaldiaren koordinatzailea: higagasteiz@gmail.com (ingeleraz, euskaraz, katalanez eta gaztelaniaz).
- Susana Martinez de Lagran, Gazte Planaren teknikaria: gazteria@vitoria-gasteiz.org / 945 161616 (luz. 3211) (euskaraz eta gaztelaniaz).
- Elena Urcelay, Euskara Zerbitzuko teknikaria: eurcelay@vitoria-gasteiz.org / 945 161616 (luz. 6481) (euskaraz, gaztelaniaz).
Antolatzaileak
Antolatzaileak: Gasteizko Udalaren Euskara eta Gazteria zerbitzuak.
Babesleak: Hizkuntza Politika Sailburuordetza, Arabako Foru Aldundia, Bizkaiko Foru Aldundia, Euskarabidea, Gipuzkoako Foru Aldundia, Badalab, Euskaltzaindia, Vital Fundazioa.
Batzorde Akademikoa: EHU, ELEBILAB ikerketa taldea, Munduko Hizkuntza Ondarearen Unesco Katedra, Udako Ikastaroak, Soziolinguistika Klusterra, Rise Up, GELA.
Laguntzaileak: Garabide, YEN/JEV, NPLD, Global Voices / Rising Voices, Etxepare Euskal Institutua, Endangered Languages Project, Euskarabidea.
Ekimen ofiziala: UNESCOren Hizkuntza Indigenen Nazioarteko Hamarkada, EHUko Udako Ikastaroak.