HIGA! - Hizkuntza Gutxituetako Hiztun Gazteen Topaketa

OHARRA: HIGA! URTEBETE ATZERATZEN DA

Kaixo kaixo! Koronabirusaren eraginez asko aldatu zaigu bizimodua, baita bidaiatzeko eta ekitaldiak antolatzeko baldintzak ere. Hori dela eta, eta HIGA2020!-ren helburua hiztun gazteen topaketa egitea denez, ekimena urtebete atzeratzea erabaki dugu. Datak behin-behinekoak diren arren, 2021ko irailaren 5etik 8ra ospatu nahiko genuke HIGA2020+1!, mundu osoko gazteekin eta esperientzia ahaztezina izan dadin antolatuko ditugun ekintzekin. 

Eskerrik asko zuen pazientziarengatik eta ondo egongo zaretelakoan,  laster izango duzue berriro ere gure berri!


hizkuntza gutxituetako hiztun gazteen hirugarren topaketa

Zer da HIGA!?

Jardunaldi akademiko-ludikoak dira. 80 gazte akademiko, ekintzaile eta artista biltzea helburu dugu gure hizkuntzak biziberritzeari begira sare bat ehuntzeko asmoarekin.

Jardunaldiak doakoak dira. Gasteizen egiten dira, zehazki, EHUren Letren Fakultatean(Beste leiho batean irekiko da) eta Oihaneder Euskararen Etxean(Beste leiho batean irekiko da).

Testuingurua

Hizkuntza asko daude munduan, baina denek ez dute bermatuta beraien biziraupena. Gobernuen politikez gain, funtsezkoa da herri ekimenetatik abiatutako lana munduko hizkuntza gutxituen alde. Zentzu horretan, gazteria izango da hizkuntza gutxituen biziberritzea ahalbidetuko duen gizarte-taldea. Globalizazio garai hauetan horrelako erronka bati erantzuteko, hizkuntza gutxituetako komunitate ezberdinetako kideen arteko elkartasun eta elkarlana funtsezkoak izango dira etorkizunean.

HIGA!ri buruz gehiago jakin nahi?

https://www.youtube.com/playlist?list=PL3qy2ZNcrlYonYg2pcJ8KtEDO1pigE0sV(Beste leiho batean irekiko da)

Zer egingo da HIGA!n?

EHUko Udako Ikastaro Ofiziala izan arren, ez da ekimen akademiko hutsa izango, edo ez behintzat bere osotasunean. Era guztietako jarduerak antolatu dira soziolinguistikan parte hartzen dutenak trebatzeko, etorkizunari begira sareak ehuntzeko eta gazteria hain garrantzitsua den gai honetan aktibatzeko. Arrtsaldean, elkarrekin ezagutzeko eta bizitza kulturala egiteko aukera egongo da.

Erabiliko den hizkuntza euskara izango da bereziki, baina gaztelania eta ingelerara itzuliko da aldi bereko interpretazio zerbitzuaren bitartez, baita Gaztelaniazko Zeinu Hizkuntzara ere beharrik balego. Horretaz gain, ekintzaile guztien arteko elkar ezagutza bermatzeko neurriak hartuko dira.

Gazteentzako esperientzia aberasgarria izan dadin eta atzerritik ekintzaileak erakarri ahal izateko, antolakuntzak matrikula, lo egiteko tokia, gosaria eta bazkariak ordainduko dizkie aukeratutako gazteei. Izan ere, parte-hartzaileen arteko aniztasuna egon dadin, eskaerak jaso ondoren antolakuntzak erabakiko du zeintzuk gonbidatuko dituen ordainduta, irizpideak: hizkuntza-komunitate ahalik eta gehien egotea eta perfil ezberdinetako jendea egotea direlarik.

Hitz egitea nahi?

Sare sozialak

facebook Facebook(Beste leiho batean irekiko da) | twitter logo Twitter(Beste leiho batean irekiko da) | Traola: #HIGA2020!

Harremanetarako

Antolatzen dute

eragileak

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?            

Nahi baduzu, iruzkinak egin ditzakezu.
Nahitaezkoa da identifikatzea.

Gaia publikoa izatea aukeratzen baduzu, gainontzeko herritarrek zuk idatzitakoa eta udalak emandako erantzunak irakurri ahalko dituzte; baita iruzkinak egin ere. Gaia pribatutzat jotzen baduzu, zuk bakarrik izango duzu gai horretarako sarbidea eta udalak emandako erantzunak irakurtzeko aukera. Gaia idaztean identifikazio kodea emango zaizu.

Aldartea

Harremanetarako beste kontaktu bat: