Udaleko hezkuntza jarduerak – Substantzien Kontsumoagatiko Prebentzio eta Hezkuntza Neurrien Zerbitzua

Babesa eta segurtasuna
2022 - 2023 ikasturtea/ Gaia: Osasunerako hezkuntza

Azalpena

Herritarren Segurtasunerako Saileko Substantzien Kontsumoagatiko Prebentzio eta Hezkuntza Neurrien Zerbitzuak zenbait prebentzio prozedura eta ekintza antolatzen ditu, legezko eta legez kanpoko drogak hartzen dituzten gasteiztar adingabeei eta haien familiei zuzenduak. Drogak edukitzeagatik eta kontsumitzeagatik zigortutako adingabeek, zigor ekonomikoaren ordez, bestelako neurri bat hartzeko aukera dute, elkarrizketa motibazional eta esku-hartze labur batean oinarritzen den metodologia baten bidez. Horren helburua da adingabeek drogekin gaur egun dituzten esperientzien inguruan ikuspegi autokritikoa izan dezaten bultzatzea. Saio informatibo-didaktiko baten bidez, saileko teknikariek prozedura hau ezagutzera ematen dute, eta, era berean, hezkuntza arloko irizpideak, jardunbide egokiak eta lankidetza-ideiak azaltzen dituzte.

Balioak

Erantzukizuna, gizabidea, osasuna eta bizi-kalitatea.

Helburuak

Drogak edukitzeagatik eta kontsumitzeagatik adingabeei ezarri ahal zaien zigor-prozedurari buruzko informazioa ematea.
Alkoholaren eta/edo kanabisaren edo beste droga batzuen kontsumoagatik ezar daitekeen zigorraren ordez bestelako neurriak hartzeko Substantzien Kontsumoagatiko Prebentzio eta Hezkuntza Neurrien Zerbitzuak garatu dituen programak ezagutzea.
Legezko eta legez kanpoko drogak hartzen hasteko unearen garrantziaz kontzientziatzea; egoera hori konpontzeko familia, eskola eta komunitate mailako ekintzek duten garrantzia azpimarratuz.
Arrisku-faktoreak murrizteko eta babes-faktoreak sustatzeko beharraz kontzientziatzea. Adingabeek eta talde kalteberek alkohola eta kanabisa kontsumitzen dutenean, jarrera eta portaera arduratsuak izateak duen garrantziaz ohartzea. Kontsumoak murriztea edo etetea, eta gazteen artean erabilera problematikoak saihestea.

Hartzaileak

Gurasoak (Ikasleen Gurasoen Elkarteak, batez ere DBH eta DBHkoak) eta irakasleak (zuzendaritza-taldeak eta hezitzaileak).

Antolamendua

Lekua: ikastetxea edo gizarte etxea.
Egutegia: IGEak edo ikastetxeak eskatutakoa.
Ordutegia: IGEak edo ikastetxeak eskatutakoa.
Iraupena: saio informatibo-didaktikoa.
Parte-hartzaile kopurua, gehienez: edukiera bete arte.
Hizkuntza: gaztelania eta euskara.

Parte hartzeko betebeharrak

Ordaintzekoa: ez.
Oharrak: Programazioa ikasturtearen hasieran egingo da. Hilabete lehenago aurreikusi behar da.

Informazioa

Harremanetarako: Laura García Sáez de Vicuña
Helbidea: 945 161616 Ext.3232
Faxa: 945 161581
E-posta: lgsaez@vitoria-gasteiz.org

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.