Emisio Gutxiko Eremua (EGE): salbuespenak

• Gasteizko Udalak jaulkitako MUP txartelen titularren jabegoko ibilgailuei ofizioz emango zaie alta baldin eta Trakzio Mekanikoko Ibilgailuen gaineko Zergaren (TMIZ) udal-erregistroan ageri badira.
• MUP txartelaren titularrek salbuestea eskatu ahalko dute, gehienez ere ohiko 3 matrikulentzat, ibilgailu propioenak barne.
• Baldin eta MUP txartela ez badu Gasteizko Udalak jauralkitakoa, eskabidearekin batera aurkeztu beharko da.
• Horrez gain, beste matrikula batzuei alta ematerik izango dute, ibilgailu horiekin ere EGEan noiz edo noiz sartzeko, udalaren webguneko aplikazioaren bidez.
• Salbuespenak MUP txartelaren indarraldi bera izango du.
• Salbuespen honek ez du MUP txartelen titular izatetik eratorritako legezko betebehar eta mugak bete beharretik salbuesten.

• Ofizioz emango zaie alta EGEan erroldatutako 18 urtetik gorako pertsonen izenean dauden ibilgailu motordun guztiei, baldin eta Trakzio Mekanikoko Ibilgailuen gaineko Zergaren (TMIZ) udal-erregistroan ageri badira.
• Ibilgailuek bizilekuaren helbide berean erregistratuta egon behar dute; izan ere, legeak jakinarazpenetarako norberaren helbidea eta ibilgailuen helbide fiskala DGTn eguneratzeko betebeharra ezartzen du.
• Ingurumen-bereizgarriaren eskakizuna bete beharretik salbuetsita egongo dira 2027ko irailaren 15era arte.

• Ofizioz emango zaie alta EGE barruko aparkaleku-plazen jabeen izenean dauden ibilgailu guztiei, baldin eta ibilgailu horiek Trakzio Mekanikoko Ibilgailuen gaineko Zergaren (TMIZ) udal-erregistroan ageri badira, eta haien jabea ibilgailuaren eta plazaren titular bada 2025eko irailaren 15a baino lehen.
• Erregistroan ageri ez badira, eskaera bat egin beharko du jabeak, bere izenean dauden ibilgailuen matrikulak adierazita.
• Errentariak eskaera egin beharko du, errentamendu-kontratua aurkeztuta. Ibilgailuak erregistratu ahal izango ditu errentariak, 2025eko irailaren 15a baino lehen, baldin eta haien titularra bada eta plaza erabiltzeko eskubidea badu.
• Indarraldia 3 urtekoa izango da. Indarraldia berritzerik izango da, baldin eta salbuespena justifikatzen duten arrazoiak bere horretan jarraitzen badute.

• Ofizioz emango zaie alta EGEan dauden ibien jabeen izenean ageri diren ibilgailu motordun guztiei, baldin eta ibilgailu horiek Trakzio Mekanikoko Ibilgailuen gaineko Zergaren (TMIZ) udal-erregistroan ageri badira, eta haien jabea ibilgailuaren eta ibiaren titular bada 2025eko irailaren 15a baino lehen.
• Baldin eta ibia ibilgailu motordunak gordetzeko jarduera bati lotuta badago, titularrak eskabidea aurkeztu beharko du, eta bertan adierazi 2025eko irailaren 15a baino lehen sinatutako indarreko errentamendu-kontratuen bidez bertan gordetako ibilgailuen titularren izen-abizenak, NAN zenbakiak eta ibilgailu horien matrikulak.
• Indarraldia 3 urtekoa izango da; indarraldia berritzerik izango da, baldin eta salbuespena justifikatzen duten arrazoiak bere horretan jarraitzen badute.

• Ofizioz emango zaie alta EGEko merkataritza- eta zerbitzu-establezimenduen titularren edo jardueraren beraren izenean dauden ibilgailu motordun guztiei, baldin eta, batetik, Trakzio Mekanikoko Ibilgailuen gaineko Zergaren (TMIZ) udal-erregistroan ageri badira, eta, bestetik, Ekonomia Jardueren gaineko Zergan (EJZ) alta emanda badaude.
• Erregistroan ageri ez badira, alta eman beharko zaie ibilgailuen matrikulei —dela titularraren izenean, dela jardueraren izenean— udalaren webguneko aplikazioaren bidez.
• Ingurumen-bereizgarriaren eskakizuna bete beharretik salbuetsita egongo dira 2026ko irailaren 15era arte.

• Ofizioz emango zaie alta ibilgailuak onik mantendu eta konpontzeko a EGEan dauden lantegi guztiei, baldin eta Ekonomia Jardueren gaineko Zergan (EJZ) alta emanda badaude.
• Lantegi horiek alta eman ahalko diete ingurumen-bereizgarriaren eskakizuna betetzen ez duten matrikuladun ibilgailuei, udalaren webguneko aplikazioaren bidez. Ibilgailu bakoitzeko 7 eguneko salbuespena izapidetu ahalko da; alabaina, indarraldia berritzerik izango da.

• IEOko II. eranskineko 01 erabilera-irizpideen araberako sailkapen-taldekoak; hala agertu behar dira zirkulazio-baimenean.

• Zirkulazio-baimenean ibilgailu historikotzat katalogatuta dauden ibilgailu motordunak.

Ibilgailu hauek ingurumen-bereizgarriaren eskakizuna bete beharretik salbuetsita egongo dira 2026ko irailaren 15era arte:

• Zamalan zerbitzuakegiten dituzten ibilgailu industrial, komertzial edo misto moldagarriak, fabrikazio-irizpideen arabera IEOko II. eranskineko 20., 21., 22., 23., 24., 25., 26., 30. eta 31. zenbakietan sailkatutakoak (hala adierazi behar da zirkulazio-baimenean). Puntu honek kamioi, furgoi eta ibilgailu mistoak ditu hizpide.
• Konponketa-, instalazio- eta mantentze-zerbitzuak egiten dituzten ibilgailu industrial, komertzial edo misto moldagarriak, fabrikazio-irizpideen arabera IEOko II. eranskineko 20., 21., 22., 23., 24., 25., 26., 30. eta 31. zenbakietan sailkatutakoak (hala adierazi behar da zirkulazio-baimenean).
• IEOko fabrikazio-irizpideen araberako 12tik 16ra arteko zenbakietan sailkatutako autobusak edo autokarrak (hala adierazi behar da zirkulazio-baimenean).
• IEOko zerbitzu-irizpideen arabera A-04 eta A-02 sailkapen-taldeetan sailkatutako taxia eta gidaridun alokairuko ibilgailuak (VTC).

Jarduera profesionala titularren edo jardueraren izenean dagoen turismoarekin egiten bada (ikus eskabide bitarteko salbuespenak atala).

• Fabrikazio-, erabilera- edo zerbitzu-irizpideen arabera ibilgailu berezitzat sailkatutako ibilgailu motordunak —hots, IEOko II. eranskinean adierazitakoak; hala agertu behar dira zirkulazio-baimenean.
• Kategoria hauek sartzen dira:
  • Servicio público (A) o particular (B) al que se destinan:
  • Zerbitzu publiko (A) edo partikular (B) – irizpideak: polizia (A-13), suhiltzaileak (A-14), babes zibila (4-15), defentsa (A-16), anbulantziak (A-07), hileta-ibilgailua (A-08), sorospena errepidean (A-05), obra-ibilgailu motordunak (B-09).
  • Fabrikazio-irizpideak: zisternak (construcción 27-31).
  • Erabilera-irizpideak: ibilgailu blindatua (erabilera - 22), garabi jasotzailea (erabilera-54), botila-ibilgailua (erabilera 14) eta ibilgailu isotermoa (erabilera 23-26).

• Eskabidearekin batera mugikortasun urria edo gaixotasuna egiaztatzen duen txosten medikoa aurkeztu behar da.
• Eskabidea ohiko 3 matrikulentzako egin ahalko da, gehienez ere.
• Horrez gain, beste matrikula batzuei alta ematerik izango dute, ibilgailu horiekin ere EGEan noiz edo noiz sartzeko, udalaren webguneko aplikazioaren bidez.
• Indarraldia 3 urtekoa izango da, gehienez ere; indarraldia berritzerik izango da, baldin eta salbuespena justifikatzen duten arrazoiak bere horretan jarraitzen badute.

• Eskabidearekin batera, honako hauek egiaztatu behar dira:
  • EJZn alta emanda dagoela.
  • Ibilgailua lanbide-jarduera egiteko beharrezko elementua dela, erantzukizunpeko adierazpen bidez
• Ingurumen-bereizgarriaren eskakizuna bete beharretik salbuetsita egongo dira 2026ko irailaren 15era arte.

• Eskabidearekin batera, honako hauek egiaztatu behar dira:
  • Eskatzailea pertsona fisikoa izan behar da.
  • Ibilgailua bere izenean egon behar da 2025eko irailaren 15a baino lehen.
  • Familia-unitatearen urteko diru-sarrera gordinak taula honetan adierazitakoak baino txikiagoak izan beharko dute:

• Familia-unitatea definitzeko, aintzat hartuko da Pertsona Fisikoen Errentaren gaineko Zergari buruzko Arabako arauaren 98. Artikulua.
• Familia-unitatearen datu fiskalak kontsultatzeko baimena eman beharko dio familiak Gasteizko Udalari, bai eta unitateko kide guztien datuak ere.
• Indarraldia 3 urtekoa izango da, gehienez ere; indarraldia berritzerik izango da, baldin eta salbuespena justifikatzen duten arrazoiak bere horretan jarraitzen badute.
• Salbuespena ibilgailu bakar bati aplikatuko zaio titular bakoitzeko; salbuespena ezin da ibilgailuen artean transferitu.

• Eskabidearekin batera, honako hauek egiaztatu behar dira:
  • EJZn alta emanda dagoela.
  • Ibilgailua lanbide-jarduera egiteko beharrezko elementua dela, erantzukizunpeko adierazpen bidez.
  • Eskatzailea 2025eko irailaren 15a baino lehenagotik izan behar da ibilgailuaren titular.
  • 2025eko irailaren 15ean erretiratzeko legezko adinera iristeko gehienez ere 5 urteko kotizazioa falta izango zaiola, eta bi aukera hauetako bat betetzen duela:
    • 2025eko irailaren 15ean 61 urte eta zortzi hilabete beteta izatea.
    • 60 urte beteta izatea eta 2025eko irailaren 15ean Gizarte Segurantzaren kotizazioan gutxienez 33 urte eta hiru hilabete egiaztatzea.
• Indarraldia 3 urtekoa izango da, gehienez ere; alabaina, indarraldia berritzerik izango da, eskatzaileak erretiroa hartzen duen arte.

• Erabiltzaile-profil bat sortuko da, hala eskatzen duen sail, zerbitzu, atal edo enpresa publikoari dagokiona. Erabiltzaile-profil horiek alta eman diezaiekete ibilgailuen erregistroan beren ibilgailuei.
• Indarraldia 3 urtekoa izango da, gehienez ere; alabaina, indarraldia berritzerik izango da.
• Erakunde publiko eskatzaileak 2025eko irailaren 15ean indarrean dituen kontratuei atxikitako ibilgailu motordunen kasuan, salbuespenaren indarraldia kontratuaren indarraldira mugatuko da. Kontratu berriek ingurumen-bereizgarriaren eskakizuna bete beharko dute.

• Interes orokorreko arrazoiak, egoera bereziren bat, edo bide publikoa okupatzeko baimen bereziak tarteko, inor ingurumen-bereizgarriaren araberako mugak bete beharretik salbuesteko eskumena izango du udalak, betiere salbuespen gisa.
• Halakoetan, udal-baimena eskatzearekin batera, ingurumen-bereizgarriaren araberako murrizketatik salbuesteko eskatu beharko da.
• Udalak salbuespen-eskaera onesten badu, alta emango dio erregistro-sisteman baimenaren titularrari, eta indarraldiaren epemuga adieraziko dio.
• Baimenaren titularrak alta eman beharko die matrikulei, udalaren webguneko aplikazioaren bidez.

• Ezinbesteak eragindako larrialdia bada, ibilgailuarekin EGEra ingurumen-bereizgarririk gabe sartzerik izango da eta, ondoren, eskaera egin ahal, EGEra sartu beharra eragin zuten arrazoiak justifikatuz, sarrera gertatu eta hurrengo 3 egun naturalen barruan..
• Datu hauek adierazi behar dira eskabidean:
  • Eskatzailearen datu pertsonalak.
  • Ibilgailuaren matrikula eta EGEan sartu den eguna.
  • EGE barruko zein etxebizitza edo establezimendura joan behar izan den, eta haren helbidea.
  • EGEan sartzeko arrazoia: premiazko konponketa, gerora sortutako osasun-arrazoiengatik inori laguntzea, albaitaritza-larrialdia.
  • Erantzukizunpeko adierazpena, larrialdiagatik sartu-irtena egin ahal izateko agiriak dituela adierazteko.
• Udalak egiaztagiri hauek eskatu ahal izango ditu beharrezkotzat jotzen badu, bai eta eskaera ukatu ere, eskatzaileak halako agiririk ez badu: konponketa justifikatzen duen faktura, larrialdiko medikuak edo ikastetxeak emandako egiaztagiria eta albaitaritza-zerbitzuaren faktura edo egiaztagiria.
• Premiaren arrazoiak ontzat jotzen badira, ez da zehapenik izapidetuko.
• Baldin eta eskaera ukatu egiten bada, ukatzeko arrazoiak jakinaraziko zaizkio eskatzaileari, eta zehapenaren izapidetzeak aurrea jarraituko du.
• 20 egun naturaleko epea irekiko da —zehapena jakinarazi eta hurrengo egunetik aurrera—, alegazioak aurkezteko, edo borondatez ordaintzeko, zehapenaren zenbatekoa % 50 murriztuta.

• Atzerriko matrikuladun ibilgailuek gainerako ibilgailuek bete beharreko ingurumen-baldintza berberak errespetatu beharko dituzte. Euro arau hauetan sailkatutako ibilgailuek eskatu ahalko dute salbuespena:
  • Motozikleta eta ziklomotorrak - Euro 2 edo hortik gorakoan sailkatuak.
  • Turismoak - elektrikoak zein gasolina bidezkoak (Euro 3 edo hortik gorakoan sailkatuak), edo diesel bidezkoan (Euro 4 edo hortik gorakoan sailkatuak).
  • Kamioi eta autobusak - elektrikoak zein diesel bidezkoak (Euro 4 edo hortik gorakoan sailkatuak).
• Ibilgailu horien jabeek ibilgailu mota eta Euro homologazio-kategoria egiaztatu beharko dute eskabidean, bai eta agiri hauek aurkeztu ere:
  • Ibilgailuaren ezaugarri teknikoen dokumentazioa, edo Trafikoko Zuzendaritza Nagusiak nahiz fabrikatzaileak emandako agiria, non ibilgailua zein Euro kategoriatan sailkatuta dagoen egiaztatzen baita
  • Ibilgailuaren titulartasuna egiaztatzen duen agiria.
• Baimenaren iraupena 6 hilabetekoa izango da.
• Atzerriko matrikula duten eta eskatutako Euro kategorian sailkatuta ez dauden ibilgailuen jabeek laburpen-agiri honetan aurreikusitako salbuespenak baliatu ahal izango dituzte, baldin eta bertan adierazitako baldintzak betetzen badituzte.