Hainbat jardueratarako erabilera publikoko lurretan jartzen diren mahai, saltoki, barra edo instalazioei dagokien tasa - Likidazioa jaulkitzea eta ordaintzea

Aretoa erabili edo bide publikoa okupatu nahi duen pertsona fisiko edo juridikoak edo erakundeak lizentzia eskabidea aurkezten du, baita, behar izanez gero, hobaria edo salbuespena aplikatzeko eskabidea ere, behar bezala dokumentatuta (estatutuak, onura publikoaren aitorpena...). Hori kudeatzen duen sailak lizentzia eman ondoren, Zerga Kudeaketarako Zerbitzuak likidazioa egin eta jaulkitzen du, 7.1 ordenantza fiskalaren -"Erabilera publikoko lurretan jarritako saltoki, barraka, salmenta-etxetxo, ikuskizun edo jolas-instalazioengatik ordaindu beharreko tasak"- 7. epigrafean jasota dauden tarifak aintzat harturik.

Zergadunek hilabeteko epean ordaindu behar dute likidazioa, ordainagiria jakinarazten zaien egunaren biharamunetik.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.