Arte eta Lanbide Eskola

OHARRA: Arte eta Lanbide Eskolako ikasleak direnak maiatzaren 25etik ekainaren 15era matrikulatu daitezke hurrengo ikasturtean


Eskolaren kanpoaldea

Eskola arautu gabeko arte plastikoen zentroa da, eta bertan arlo hauekin lotutako ikasgaiak lantzen dira esklusiboki: sorkuntza plastikoa, marrazketa, margogintza, eskultura, teknika grafikoak, zeramika, larrua, zura, koadernaketa, ikus-entzunezkoak eta argazkigintza.

Nahi duen pertsona oro artera, sorkuntzara eta arte gozamenera hurbiltzea da helburu nagusia, egunero ikasgeletan horiekiko sentiberatasuna landuz.

Gaur egun mila ikasletik gora dago matrikulatuta ohiko ikastaroetan, eta arlo artistiko ezberdinetan espezializatutako 16 irakaslek osatzen dute klaustroa.

Fundazioa

Gasteizko Arte eta Lanbide Eskolaren jatorria eta oinarria Euskalerriaren Adiskideen Elkarteak 1774ko irailaren 21ean sortutako Marrazketa Eskola dugu.

Geroztik, ia etenik gabe jardun du irakaskuntzan, eskola hainbatetan handituz eta eraldatuz, garai bakoitzaren beharretara egokitzearren. Hasierako marrazketa eskolei beste arte eta artisau arloekin lotutako ikasgaiak gehitu zitzaizkien, bai eta industriarekin eta merkataritzarekin lotutako ikasketak ere.

Legeari dagokionez, eskola irabazi-asmorik gabeko kultura fundazio gisa eratuta dago, zeinean Gasteizko Udalak, Arabako Foru Aldundiak, Euskalerriaren Adiskideen Elkarteak eta Arabako Merkataritzak eta Industria Ganberak baitute ordezkaritza; orobat, hiriko erakunde, enpresaburu eta partikular batzuen laguntza du.

Kontaktua

Telefonoa 945 14 44 10

Bulego-ordutegia

Astelehenetik ostiralera, 10:00etatik 13:00etara, eta 17:30etik 19:30era.

Kokalekua

Peñafloridako Kondearen plaza, z/g

01008 Vitoria-Gasteiz (Araba)

GeoVitoria no funciona sin javascript.

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?            

Nahi baduzu, iruzkinak egin ditzakezu.
Nahitaezkoa da identifikatzea.

Gaia publikoa izatea aukeratzen baduzu, gainontzeko herritarrek zuk idatzitakoa eta udalak emandako erantzunak irakurri ahalko dituzte; baita iruzkinak egin ere. Gaia pribatutzat jotzen baduzu, zuk bakarrik izango duzu gai horretarako sarbidea eta udalak emandako erantzunak irakurtzeko aukera. Gaia idaztean identifikazio kodea emango zaizu.

Aldartea

Harremanetarako beste kontaktu bat: