Ibilgailuak eraikin partikularretara sartzeari dagokion tasaren pasabideak - ordaindu beharrekoa

Baimendutako pasabide mota bakoitzeko ordenantzan ezarritako epigrafearen arabera galdatuko dira kuotak, pasabide-kopurua eta kalearen kategoria aintzat harturik. Gainera, 1. epigrafearen kasuan -"Bi gurpil baino gehiago dituzten ibilgailuak gorde eta zaintzeko establezimenduak"-, pasabidearen 'ibilgailu-edukiera' ere aintzat hartuko da.

Pasabidea dagon kalearen kategoria eta aplikatu beharreko epigrafea zein diren jakiteko, hemen kontsultatu:

Ordaindu behar den kuota Zerga Kudeaketarako Zerbitzuaren bulegoan kontsulta daiteke, telefonoz (945 161 132), nahiz posta elektronikoz (hacienda@vitoria-gasteiz.org(Beste leiho batean irekiko da)).

Ikusi aplikatzeko hobaria.

Adibideak

Kalkulua (1. adibidea): autoentzako pasabidea
  • 1. Pasabideari dagokion epigrafea kontsultatu 7.4 ordenantza fiskalean. 1. epigrafea: "Bi gurpil baino gehiago dituzten ibilgailuak gorde eta zaintzeko establezimenduak."
  • 2. Epigrafe horretan, kontsultatu aplikatu beharreko tarifa, ibilgailu-edukieraren eta kalearen kategoriaren arabera (kale-zerrenda kontsultatzeko, baliatu esteka).
  • Ibilgailu-edukiera: 50 ibilgailu.
  • San Prudentzio kalea: kalearen kategoria: 1.

Tarifaren kuota: 265,98 euro / 2 = 132,99 euro sei hilean behin, pasabide bakoitzeko.

Kalkulua (2. adibidea): konponketa-lantegi baten pasabidea.
  • 1. Pasabideari dagokion epigrafea kontsultatu 7.4 ordenantza fiskalean 4. epigrafea: "Bi gurpil baino gehiagoko ibilgailuak egin, konpondu, pintatu, koipeztatzeko... lantegiak".
  • 2. Epigrafe horretan, kontsultatu aplikatu beharreko tarifa, kalearen kategoriaren arabera (kale-zerrenda kontsultatu).
  • Zapatari kalea: kalearen kategoria: 2.
  • Pasabidea Erdi Aroko hirigunean dagoenez, kuotaren % 50eko hobaria dagokio.

Tarifaren kuota: 230,36 euro / 2 = 115,18 euro - % 50eko hobaria = 57,59 euro sei hilean behin.

Kalkulua (3. adibidea): kamioiak sartu eta ateratzeko pasabidea, biltegi batean (industria-jarduera), ordutegi jakin baterako, udal lizentziaren bitartez baimendua.
  • 1. Pasabideari dagokion epigrafea kontsultatu 7.4 ordenantza fiskalean 12. epigrafea: "Guztira, karga barne, 3.000 kg-tik beherako gehieneko pisua duten kamioiak sartu eta ateratzeko pasabidea".
  • 2. Epigrafe horretan, kontsultatu aplikatu beharreko tarifa, kalearen kategoriaren arabera (kale-zerrenda kontsultatu).
  • Aldabe kalea: kalearen kategoria: 2.

Tarifaren kuota: 57,80 euro / 2 = 28,90 euro sei hilean behin.

  • Pasabide baimenduaren gainordaina, % 100: 28,90 euro × 2 = 57,80 euro sei hilean behin.
  • Ordutegi jakinerako pasabidearen hobaria: % 25.

Tarifa 57,80 euro - % 25eko hobaria (14,45 euro) = 43,35 euro sei hilean behin.

Kontuan izan behar da lokalera sartzeko hutsartearen luzera 5 m-tik gorakoa bada 5 m-ko zati bakoitza nahiz azken zatia zenbatuko direla.

Izapidetzea

Zuzeneko izapidetzea

Zerga Kudeaketarako Zerbitzuan. Izapideak Zerga Kudeaketarako Zerbitzuan aurrez aurre egiteko, hitzordua eskatu behar da aldez aurretik:

Telefono bidezko izapidetzea

945 16 11 32 telefonoan (Zerga Kudeaketarako Zerbitzua)

Posta elektroniko edo fax bidezko izapidetzea

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?            

Nahi baduzu, iruzkinak egin ditzakezu.
Nahitaezkoa da identifikatzea.

Gaia publikoa izatea aukeratzen baduzu, gainontzeko herritarrek zuk idatzitakoa eta udalak emandako erantzunak irakurri ahalko dituzte; baita iruzkinak egin ere. Gaia pribatutzat jotzen baduzu, zuk bakarrik izango duzu gai horretarako sarbidea eta udalak emandako erantzunak irakurtzeko aukera. Gaia idaztean identifikazio kodea emango zaizu.

Aldartea

Harremanetarako beste kontaktu bat: