Whatsapp bidezko enpleguari eta prestakuntzari buruzko informazio-zerbitzuari buruzko ohiko galderak

Komunikazio-kanal berria herritarrekin, zure telefono mugikorrean, beste batzuen artean, prestakuntza-ikastaroei, asteartetako jardunaldi teknologikoei, orientazio-elkarrizketen gogorarazpenei, ikastaroetarako aukeraketa-prozesuetarako parte-hartze gogorarazpenei eta aukeraketa-egoerari buruzko informazioa jaso ahal izan dezazun.

Gasteizko Udaleko Ekonomia Sustapenaren, Enpleguaren, Merkataritzaren eta Turismoaren Sailak, bere jarduketa-arloaren baitan, zerbitzua honako hauei buruzko informazioa bidaltzeko erabiliko du:

• Enplegurako prestakuntza-ikastaroen, etengabeko prestakuntzaren, enplegua bilatzeko orientazioaren eta autoprestakuntzaren eskaintza eguneratua.
• Unean uneko hilabeteko astearteetako jardunaldi teknologikoen zerrenda.
• Orientazio-elkarrizketen oroigarriak.
• Ikastaroetarako aukeraketa-prozesuetarako parte-hartze oroigarriak.
• Aukeraketa-egoerari buruzko informazioa (onartua-erreserba-baztertua), eta baldin badagokio, matrikularen ordainketari eta ikastaroaren hasierari buruzko informazioa.
• Intereseko beste informazio-mezu batzuk: jendeari arreta eskaintzeko ordutegiak, zerbitzuen katalogoa (Enplegu Zentroa, Autoprestakuntza Aretoa, Orientazio Zerbitzua eta abar), prestakuntza-zentroen kokapena...

Gure jarduerari buruzko informazio gehiago hemen:
www.vitoria-gasteiz.org/enplegua

Egunean gehienez bi informazio-alerta jasoko dituzu, kopuru hori handituko duten premiazko jakinarazpenik ez baldin badago behintzat.

Hasiera batean ezarritako arreta-ordutegia 09:30etik 16:30era bitartekoa da, astelehenetik ostiralera. Ordutegi horretatik kanpo jasotako mezu orori ahalik eta lasterren erantzungo zaio –baldin badagokio– hurrengo lanegunean.

Gasteizko Udaleko Enplegu-Prestakuntza zerbitzuak eskaintzen dituen zerbitzuen informazio-kanal gisa eta zerbitzu horiei buruzko oinarrizko galderetarako soilik erabiliko du aipatutako bitartekoa. Beste galdera batzuei erantzuna emateko, iradokizunak edo kexak biltzeko, Udaleko kanal ofizialak erabili beharko dituzu.

EZ. Jakinarazpenetarako banaketa-zerrendak soilik erabiliko dira. Horrela, erabiltzaileek ez dute talde komuna osatzen, baizik eta mezuak norberari zuzenduta baleude bezala eta modu pribatuan jasotzen dituzte.

Herritarren eta whatsappeko kanaleko arduradunen artean errespetuzko elkarrizketa, tolerantea eta emankorra izango da.
Mezuek honelakoak izan behar dute:

• Egokiak, hau da, eskainitako zerbitzuetatik edo landutako gaietatik aldenduko ez direnak.
• Errespetuzkoak, minduko ez dutenak eta beste pertsona batzuen duintasunaren kontra egingo ez dutenak.
• Izaera pertsonaleko daturik eta publizitate-informaziorik gabekoak.

Erabiltzaileek zerbitzua oker erabiltzeak hedapen-zerrendatik kanporatzea ekarriko du, eta ondorioz, ezabatu eta blokeatzea.

EZ. Ezinezkoa da Enplegu eta Prestakuntzako Zerbitzuaren whatsappa taldeetan txertatzea, edozein izaeratakoa izanda ere.

Uneren batean zerbitzutik baja eman nahi izanez gero, nahikoa izango da BAJA hitza erabiliz jakinaraztea. Horrela, whatsapp bidezko informazio-zerbitzutik ezabatua izango zara.