Edonork har dezake parte gure hiriko Inauterietan, herritar guztientzako jai irekiak baitira. Jai egunetan, Inauteri Larunbatean bereziki, nahikoa da begi-mozorro edo kartel bat eramatea Gasteizko kaleetan jaian murgiltzeko edo antolatutako gau-jai eta ekitaldiez gozatzeko.
Baina jaietako ekitaldi kolektiboetan bereziki taldeek laguntzen dute kaleak girotzen eta kolorez betetzen. Izan ere, talde horiek jaian parte hartzea funtsezkoa da, eta denborarekin Inauterietako ezinbesteko osagaia bihurtu dira.
Larunbat arratsaldean eta igande goizean egin ohi diren inauterietako desfileetan parte hartzeko, urtero ireki ohi den deialdian izena eman duen inauterietako konpartsa baten kide izan behar da.
Era guztietako taldeek osatzen dituzte konpartsak, besteak beste, aisialdiko taldeak, futbolzaleen taldeak, kultur elkarteak, auzo elkarteak, gurasoen elkarteak... 2026an, guztira 6.979 pertsonek eman dute izena mozorroen desfilean parte hartzeko.
Santa Luzia Errekatxiki Auzo Elkartea
Konpartsek Inauterietan parte hartzeko prozedura irailaren bukaera aldera abiarazten da, garai horretan bilera batera deitzen baitzaie Inauterien hurrengo edizioan parte hartu nahi duten taldeei. Gero, azaroan gutxi gorabehera, konpartsei laguntzak emateko deialdia egiten da. Deialdiaren betekizunen artean, besteak beste, taldeak eramango duen mozorroaren gaia jakinaraztea eta parte-hartzaileen zerrenda aurkeztea eskatzen da.
Desfilean parte hartu nahi duten pertsonek elkarte hauekin harremanetan jarri beharko dute Inauteri-egunetan desfilatuko duten pertsonen zerrenda eman aurretik.
Talderen batek lehenengo aldiz parte hartu nahi badu, edota dialdia hasten denean abisu bat jaso nahi badu, e-mail bat bidali dezake infocultura@vitoria-gasteiz.org helbidera.
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.
