Informazio praktikoa - Turismoa Vitoria-Gasteizen

Turismo Vitoria-Gasteiz

Vitoria-Gasteiz Euskal Autonomia Erkidegoko eta Arabako hiriburua da. Tamaina ertaineko hiria da, ia 250.000 biztanle baititu; hiri trinkoa da, biologia eta paisaia aberastasun handiko ingurune batean kokatua, eta bizi-kalitate altukoa.

Klima

Udako batez besteko tenperatura 18ºCtakoa izaten da eta negukoa, berriz, 8ºCtakoa. Leun samarrak dira tenperaturak urte osoan zehar, udaberrian eta udazkenean euria nahiko sarria izanik. Neguan elurra botatzen du noizbehinka eta udak ez dira beroegiak izaten.

Ohiko ordutegiak

  • Dendetako ordutegia: 10:00etatik 13:30era eta 17:00etatik 20:00etara izaten da. Denda asko egoten da larunbatetan zabalik. Saltoki handiek eta merkataritza-guneek, orokorrean, ordutegi jarraitua (ez dute eguerdian ixten) izaten dute, hau da, 10:00etatik 22:00etara, larunbatak barne.
  • Otorduen ordutegiak, oro har:
    • Gosaria: 8:00ak eta 12:00ak bitartean.
    • Bazkaria: 13:30etik 15:30era.
    • Afaria: 21:00etatik 23:00etara.
  • Bulegoetako ordutegirik ohikoenak: goizez, 9:00etatik 13:00/14:00etara eta, arratsaldez, 15:00 edo 16:00etatik 19:00etara. Larunbatetan itxita egoten dira enpresa edo bulego gehienak. Zentro ofizialek, orokorrean, goizez baino ez dute irekitzen (8:00etatik 14:00etara).

Hizkuntza

Bi dira Euskadiko hizkuntza ofizialak: euskara eta gaztelania. Hizkuntzari buruzko informazio gehiago.

Jaiegunak

Hiriko jai nagusiak.

Korronte elektrikoa

220V eta 50 ziklotakoa da korronte elektriko arrunta. Korronte-harguneak europar erakoak izaten dira, hau da, bi konektore biribildunak.

Baketxeak eta aurrezki kutxak

Banku eta aurrezki kutxen jendaurreko ordutegia honakoa da: 8:30etik 14:00etara. Hainbat banku-sukurtsalek arratsaldez ere irekitzen dute, ateak 16:00etatik 17:30era izaten dituzte zabalik.

Txartelak deuseztatzeko zerbitzuen telefono-zenbakiak:

Pasaporteak

Europar Batasuneko eta Mendebaldeko Europako hiritarrei Nortasun Agiri Nazionala eskatzen zaie. Beste herrialde batzuetakoei, ordea, indarreko Pasaportea edota Pasaportea eta Bisatua. Argibideetarako jo Espainiak atzerrian dituen Enbaxada eta Kontsulatuetara.

Larrialdiak eta 24 orduko zerbitzuak

Wifi

Udalaren wifi zerbitzuari buruzko informazioa.

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren postontziaren bidez.