Herritarrentzako gomendioak etxeko arriskuak direla eta

Gasak dituen bi aldagaiei - BUTANOA eta GAS NATURALA- produktu bat gehitzen zaie, ihesik egonez gero, usaina berehala antzeman dadin. Gas-ihesik badago, kontuan izan gomendio hauek:

1. Itxi berehala gas-hornikuntzaren giltza.
2. Ireki ateak eta leihoak, etxea aireztatzeko eta aire korronteak sortzeko. Ihesa gas butanoarena bada, beheko aldeak aireztatu behar dira, airea baino gehiago pisatzen baitu. Gas naturalarena bada, goiko aldeak aireztatu behar dira, airea baino gutxiago pisatzen baitu
3. Ez eragin inolako argi-etengailuri, eta batez ere ez piztu inolako surik ihesa antzemateko.
4. Beharrezkoa bada, itxaron etxetik kanpo egon arte suhiltzaileei deitzeko edo laguntza eskatzeko. Ez deitu telefonoz etxe barrutik.

Karbono monoxidoa errekuntza txarraren ondorioz sortzen den gas tokikoa da, eta gasezko sukaldeetako suek, galdarek edo sugarra duen edozein berogailuk edo sutontzik sor dezakete.

Horrelakorik baduzu, kontuan izan alderdi hauek:

1. Garbi eduki erregailu guztiak. Gas sugarrak urdinxka izan behar du. Sugar laranjak edo gorrixkak errekuntza txarra adieraz dezake.
2. Ez estali inoiz sukaldeak aireztatzeko saretak. Ohitu zaitez sukaldea etxeko gainontzeko aretoak baino hotzago izaten.
3. Galdara itxia ez bada edo etxetik kanpo ez badago, ez piztu batera ke-erauzgailua eta galdara. Izan ere, airea kanporatzean ke-erauzgailuak galdarako errekuntza-gasak -karbono monoxidoa dutenak- sukaldean sar daitezke kebidetik irten beharrean.
4. Monoxidoa usainik gabeko gasa da eta, ondorioz, zaila antzematen. Buruko mina, zorabioa eta goragalea eragin ditzzake, bai eta heriotza ere. Sintoma horietakoren bat baduzu, aireztatu etxea berehala, aztertu errekuntza txar batek eragin duen eta, behar bezala jokatu.
5. Galdarak gasak behar bezala kanporatzen dituen antzemateko, ispilu edo kristal txiki bat jar daiteke sugarrak ikusten diren lekuaren aurrean. Lausotu egiten bada, galdarak gasak etxebizitza barrura isurtzen dituen seinale. Deitu berehala galdararen mantentzeaz arduratzen den enpresari.

Etxean izan daitezkeen istripu ohikoenetako bat da zartagineko olioak su hartzea, eta ke-erauzgailura kutsatzen bada larriagoa izan daiteke. Zartagineko sua erraz itzal daiteke, urduritasuna nagusitzen ez bada. Hona hemen hainbat ohar arazorik sor ez dadin:

1. Zartagina sutan duzunean, arretaz zaindu. Oso bero ez dagoenean ere su har dezake olioak.
2. Zartaginak su hartzen badu, askotan, nahikoa izaten da sutatik kentzea, berez itzaltzen baita.
3. Sua itzaltzen ez bada, lasai egon. Zartagina baino handiagoa den estalki bat hartu eta zartagina estali, kontu handiz. Sua itzaltzeko ez da inoiz urik bota behar.

Ke-erauzgailua arriskutsua da, bertan koipea pilatzen delako eta suaren gainean egoten delako. Hona hemen hainbat jarraibide egoki funtziona dezan:

1. Ke-erauzgailua erostean, kontuan izan, sua egonez gero arrisku txikiagoa dutela metalezko iragazkia dutenak garai batean ehunezko iragazkia zutenak baino.
2. Maiztasunez garbitu eta koipea pilatu dadin ekidin.
3. Su hartzen badu, azkar itzali, haizeak sua areagotu ez dezan. Su itzalgailuren bat eskura baduzu, erabili. Ura erabiltzea arriskutsua izan daiteke, erauzgailua korronte elektrikoari konektatuta egoten baita.
4. Ezin baduzu sua itzali, itxi leihoak eta atea, eta 112 zenbakira deitu. Etxebizitzako giltzak hartu, atea itxi, eta atarian itxaron suhiltzaileei.

Etxebizitzan arriskua eragin dezakete horiek ere, toxikoak edo sukoiak izan ohi direlako. Kontuan hartu aholku hauek:

1. Ahal bada, toki itxi eta aireztatuetan gorde (terrazako armairuetan), eta haurrek eskura ez dezaketen lekuan.
2. Bero guneetatik urrun jarri.
3. Gordetzeko lekua ordenatuta eduki, kalteak eragozteko.
4. Arretaz manipulatu eta zaindu.
5. Ez itzazu inoiz gorde tapoirik gabe.