Herritarrentzako gomendioak suteak eragozteko

112

Ondoren, zenbait gomendio emango dugu suteak eragozteko, eta horrelakorik gertatzen bada nola jokatu jakiteko.

  1. Garbiketak eta ordenak suteak eragozten laguntzen dute.
  2. Gasezko sukaldeak edo berogailuak dauden geletan kanporako aireztapena eduki behar da.
  3. Berogailuek suteak eragin ditzakete. Erre daitezkeen gauzetatik (errezelak, mahai-zapiak eta abar) urrun eduki (gutxienez metro batera).
  4. Kandelak ere arriskutsuak izan daitezke.
  5. Ez utzi ume txikiak etxean bakarrik.
  6. Ez utzi pospolo edo pizgailurik umeen eskura.
  7. Etxetik irten edo oheratu aurretik, egiaztatu ez dagoela piztuta sutea eragin dezakeen gailuren bat.
  8. Ez konektatu hainbat gailu hargune anitzeko entxufe bakarrean, eta manten ezazu onik elektrizitate instalazioa.
  9. Ez erabili hondatuta dagoen gailurik (berogailuak, sukaldeak, hozkailuak, eta abar), eta ez saiatu manipulatzen edo konpontzen, zuzen egiten ez badakizu.
  10. Ohean bazaude, ez erre.
  11. Ez bota zigarrokinik zaborrontzira guztiz itzalita daudela egiaztatu gabe. Segurtasun handiagoa izateko, busti itzazu bota aurretik.
  12. Pospoloak eta zigarroak ondo itzali, eta ez bota zigarrokin pizturik ibilgailuko leihatilatik.
  13. Ez utzi botilarik edo kristalezko objekturik basoan.
  14. Horretarako bereziki egokitutako lekuetan baino ez piztu sua.
  15. Udako denboraldian, egiten duen eguraldiaren arabera, baliteke sua egitea debekatzea horretarako berariaz egokitutako lekuetan ere. INFORMA ZAITEZ.
  16. Ziurta ezazu sua guztiz itzalita dagoela, txingar txikiena nahikoa izan daiteke berriz pizteko.

Zer egin suterik izanez gero?

  1. Kerik edo surik dagoela antzemanez gero, 112 telefonora deitu. Etxeetan detektore automatikoak jartzea komeni da.
  2. Nonahi zaudela, aintzat hartu lekuak dituen larrialdietako irteerak eta ebakuazio ibilbideak.
  3. Sutan dagoen eraikin batean barrena ibili behar baduzu, hormei atxikita egin aurrera, horrela errazago aurkituko baititugu irteteko ateak.
  4. Eskaileretan poliki egin aurrera, hormetatik hurbil, eta oinaz haztatu mailak gorputz osoa gainean bermatu aurretik.
  5. Ahalik eta makurtuen joan, behealdean airea garbiago egongo baita, eta ahoa eta sudurra zapi busti batez babestu.
  6. Jantziak sutan dituen norbaiti lagundu behar badiozu, ez dezala korrika egin; lurrera bota eta birakarazi, sugarrak itzali arte.
  7. Sutea hasierako fasean itzaltzen saiatu, itzalgailuak erabiliz.
  8. Sutan dagoen leku batetik alde egitean, beti, atea itxi irten ondoren.
  9. Ahal bada, gas hornidura eten.
  10. Ahal bada, elektrizitate hornidura eten (baina gauez gertatzen bada, ez da komeni argia kentzea eraikina hustu arte).
  11. Kalera irtendakoan, ez gelditu irteerako atearen ondoan, utz iezaiezue lekua atzetik datozenei; ez zaitez inoiz itzuli zure gauzen bila.
  12. Era ordenatuan eta lasai jokatu.
  13. Baso suteen arriskua dagoen garaian, ingurua ondo ezagutzea eta egon daitezkeen ebakuazio bideak ezagutzea komeni da.
  14. Baso sute batetik gertu bazaude, saia zaitez urruntzen, alboetatik eta landare gutxien duten aldeetatik. Haizearen norabideari erreparatu, aldatuz gero suteak inguratzeko arriskua baituzu; hori eragozteko, beti haizearen norabidearen kontra joaten saiatu behar da. Ez joan sakan edo sakonunetarantz, ez eta aldapa gora ere suak gorantz egiten badu.
  15. Burua zapi batez estali, ke eta bero handia izango baita.
  16. Ez egin lasterka, eta saiatu ez nekatzen.
  17. Ez saiatu oinez edo ibilgailuz igarotzen suak edo keak hartutako lekutik, ikusmen falta dela eta istripuren bat izan baitezakezu.
  18. Likido ugari edan, eta lasai egoten saiatu.
  19. Herritarrentzako gomendioak arrisku naturalak direla eta

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.