BEI ezagutu: Bus Elektriko Inteligentea

https://www.youtube.com/playlist?list=PL3qy2ZNcrlYrhlN-m_eIPYr2OIQMD3LGU

• BEIren abantailak

• Informazio praktikoa

• Ibilbideak eta geltokiak

• Oinarrizko arauak

• Ohiko galderak

BEI, mugikortasun eredu berria

BEI Vitoria-Gasteizko garraio publikoen sarearekin bat egingo duen garraiobidea da. Mugitzeko modu berria ekarri du: ibilgailu elektrikoekin, edukiera handiko konboiekin, geltokietako sarrera plataformekin, bide esklusiboekin eta semaforoetako lehentasunarekin. Hitz gutxitan, BEI da ibilbideak denbora laburragoan burutzea ahalbidetzen duen garraiobide ez kutsakorra.

Zergatik hautatu Vitoria-Gasteizko BEI?

Hiriko Mugikortasun eta Espazio Publikoaren Planaren berrikusketaren helburuetako bat da hiriko garraio publikoa hobetu eta sustatzea, jasangarriagoa eta efizienteagoa izan dadin. BEIk edukiera handia, erosotasuna eta zerbitzuaren irisgarritasuna uztartzen ditu, isuririk gabeko mugikortasun elektrikoaren aldeko apustua egitearekin batera. Horregatik, gehien erabiltzen diren lineak hautatu dira, hau da, TUVISAren Linea Periferikoa (2a eta 2b), beste linea batzuekin lotura gehien dituztenak direlako, hiriko 14 auzo konektatzen dituztelako eta herritarrek sarritan erabiltzen diren zerbitzuetara garraioa eskaintzen dutelako: AUO (Arabako Unibertsitate Ospitalea), Autobus Geltokia, Mendizorrotza, etab.

Beste hiri batzuetako arrakasta

BEI zirkulazio autobus azkarra da (BRT, gaztelaniako akronimoaren arabera). Sistema hori jada modu arrakastatsuan ezarri da munduko beste hiri batzuetan, Vitoria-Gasteizen moduan mugikortasunaren eta politika jasangarrien arloan erreferenteak direnak, besteak beste, Nantesen eta Baionan.

Finantzazioa

Hainbat erakundek parte hartu dute BEIren proiektuan: Gasteizko Udalak finantzaketaren % 17,5 emango du, Arabako Foru Aldundiak % 17,5, eta Eusko Jaurlaritzak % 65. Eskualde Garapeneko Europako Funtsarekin (EGEF) kofinantziatua, % 65ean. Informazio gehiago: BEI, Bus Elektriko Inteligentea, abian jartzea

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.