21 Zabalgunea - Gasteizko auzoen gizarte eta hirigintza alorreko azterlana

Azterlan soziourbanistiko hauen helburua 50 urtetik gorako eraikinak dituzten Gasteizko auzoen gizarte eta hirigintza egoeraren erradiografia ateratzea da. Baita auzoak eremu degradatutzat jotzea ere, birgaitzeko laguntzak eskatzeko dituzten aukerak hobetzearren.

Eremu degradatuaren deklarazioa

Aztertutako lehen auzoak Zaramaga, Ariznabarra, Adurtza, Abetxuko eta Koroatzea izan ziren. Gehien bat 1980. urtearen aurretik altxatutako auzoak dira. Eraikinek hainbat arazo dituzte: kalitate txikiko erakuntza, irisgarritasun arazoak atari eta/edo etxebizitzetan, isolamendurik eza edo isolamendu eskasa, patologia puntualak eta hezetasunak fatxadetan. Bestetik, hiriko beste inguru batzuen aldean, auzo horietan adineko biztanle gehiago daude, langabezia maila handi samarra dute, eta gizarte-zerbitzuen arreta jasotzen duten pertsona gehiago bizi dira; horrenbestez, Gasteizko egitura urbanoan eremu ahultzat jotzen dira.

Auzo horietako azterlan soziourbanistikoei esker, eremu degradatutzat jo dira.

Abetxuku
Adurtza
Ariznabarra
Koroatzea
Zaramaga

Azken azterlanak

Duela gutxi, 2020. urtearen amaieran, Arana, El Anglo, Judimendi eta San Cristobaleko azterlan sozio-urbanistikoak egin dira, helburu berarekin: auzoak eremu degradatu izendatzea, birgaitzeko laguntzak jasotzeko aukerak hobetzeko.

Arana
El Anglo
Judimendi
San Cristobal

Azterlanei buruz

Auzo horien benetako egoeraren erradiografia lortzearren, behar bezala kreditatutako soziologo-talde bat elkarrizketak egin ditu bizilagun eta merkatariekin, eta arkitekto, urbanista eta paisajistek bisita teknikoak egin dituzte eraikinetara eta espazio publikoetara.

Analisien helburua ere bada eremu horietan esku hartu ahal izatea, hondatze progresiboa geldiarazi eta saihesteko, bertako gizarte, ekonomia, hirigintza eta eraikuntza baldintzak hiriko gainerako alderdienekin parekatzeko, eta hirigintzari, eraikuntzari, iraunkortasunari eta energia eraginkortasunari buruzko araudiak bete ahal izateko.

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?            

Nahi baduzu, iruzkinak egin ditzakezu.
Nahitaezkoa da identifikatzea.

Gaia publikoa izatea aukeratzen baduzu, gainontzeko herritarrek zuk idatzitakoa eta udalak emandako erantzunak irakurri ahalko dituzte; baita iruzkinak egin ere. Gaia pribatutzat jotzen baduzu, zuk bakarrik izango duzu gai horretarako sarbidea eta udalak emandako erantzunak irakurtzeko aukera. Gaia idaztean identifikazio kodea emango zaizu.

Aldartea

Harremanetarako beste kontaktu bat: